NEHEMƖ 11

Ɩjɩrayɛl bɩsanaakɛ tɔɔnɩ Jerujalɛm

1 Ɩjɩrayɛl bɩsanaa kɔ̃tɩ̃sɔ toore Jerujalɛm, sɩ tɩbɩlaakɛ sɛnɩ, dɩ wɩ lɩ lɩɩ wɩ puno wɩ ti tibil bɩɛl tɩbɩla yʋɔrra a pɔ a too Jerujalɛm, kɛ dɔnɩ dɩɩkɛ Thãgba phiirni, sɩ tɩbɩla yʋɔr phebire wɩrɛ sɛnɩ n too dɩ kpɩɩsɔra. 2 Dɩ tɩbɩla bɔnanɛ wɩrɛ fɛʋʋkɛ tuonɩ a 'laa awɩbara ɩnɩ n too Jerujalɛm.

3 Ɩjɩrayɛl bɩsana ɩkha na bonɩ jidara na Levɩɩ məlsɔ na Thãgba fʋɔr cɔ thɔ̃ dona na Salomɔ̃ɔ thɔ̃daraa mǝlsɔ toore Juda bəənnə ntɛ ɔɔ thɛthɛɛ dʋɔ, ɔɔ thɛthɛɛ thɩra. Sɩ wɩrɛ dʋɔnɩ kɔ̃tɩnasɔɔkɛ thɛnɩ Juda bǝǝnnǝ, wɩ toore Jerujalɛm, awɩ isɔ ha gɩrɛ: 4 Judaa mǝlsɔ na Bɛ̃jamɛ̃ɛ mǝlsɔ toore Jerujalɛm dɩɩra. Ʋrɛ thɛnɩ Judaa mǝllǝ dʋɔn Ataya, Ujɩaa bikuun gɩ, dɩ Ujɩa do Jakarɩɩ bikuun, dɩ Jakarɩ do Amarɩyaa bikuun, dɩ Amarɩya do Sefatɩaa bikuun, dɩ Sefatɩa do Malaleyɛlɩ bikuun, Perɛsɩɩ thɩ kɔna wɩ the, 5 na Maaseya, Barukɩɩ bikuun gɩ, dɩ Barukɩ do Kɔl-Hojee bikuun, dɩ Kɔl-Hoje do Hajayaa bikuun, dɩ Hajaya do Adayaa bikuun, dɩ Adaya do Yoyarɩbɩɩ bikuun, dɩ Yoyarɩbɩ do Jakarɩɩ bikuun, dɩ Jakarɩ do Sɩlonɩɩ bikuun. 6 Perɛsɩɩ mǝlsɔɔkɛ tɔɔnɩ Jerujalɛm gbɛbɩrɛ fɛw a ha kona taanã na kpalãther makõther (468); kuun khana wɛ. 7 Yɛkɛ wɩrɛ dʋɔnɩ Bɛ̃jamɛ̃ɛ mǝlsɔ: Salu, Mesulamɩ bikuun gɩ, dɩ Mesulam do Yoyɛdɩɩ bikuun, dɩ Yoyɛdɩ do Pedayaa bikuun, dɩ Pedaya do Kolayaa bikuun, dɩ Kolaya do Maaseyaa bikuun, Maaseya do Ɩtɩɛlɩ bikuun, dɩ Ɩtɩɛl do Yesayaa bikuun. 8 Dɩ Gabaɩ na Salaɩ ɓanɔnɛ dɩ wɩ ha gbɩlanɩ phe tamaa na kpelẽ makõther (928). 9 Jikirii bikuun Jowɛl kɔɔ dʋɔn awɩ ƴɛkʋʋldaar, dɩ Yehudaakɛ dʋɔnɩ Hasenuaa bikuun na n khu ʋrɛ dʋɔnɩ kɔ̃tɩ̃ le dɩɩra.

10 Bonɩ jidara dʋɔn: Yedaya, Yoyarɩbɩɩ bikuun gɩ, na Yakɛ̃, 11 na Seraya, Hɩlkɩyaa bikuun gɩ dɩ Hɩlkɩya do Mesulamɩ bikuun, dɩ Mesulam do Sadɔkɩɩ bikuun, dɩ Sadɔkɩ do Merayɔtɩɩ bikuun, dɩ Merayɔtɩ do Ahitubiikɛ dʋɔnɩ Thãgba fʋɔr cɔ kɔ̃tɩnɩ bikuun. 12 Wɛr na awɩ omɩsɔ, wɩ har tɩbɩla taamakõther na kpelẽ yeɲɔ (822), kɛ n dʋɔnɩ thɔma Thãgba fʋɔr cʋɔrɔ; na Adaya, Yerohamɩ bikuun gɩ, dɩ Yeroham do Pelalɩaa bikuun, dɩ Pelalɩa do Amɩsɩɩ bikuun, dɩ Amɩsɩ do Jakarɩɩ bikuun, dɩ Jakarɩ do Pasehuuri bikuun dɩ Pasehuur do Malkɩyaa bikuun. 13 Dɩ ɔɔ omɩsɔɔkɛ dʋɔnɩ kɔ̃tɩna awɩ thɩ kɔ̃sɔɔra hale, dɩ wɩ ha taaɲɔ na kpalaɲɔ yeɲɔ (242); na Amasesaɩ, Ajareyɛlɩ bikuun gɩ, dɩ Ajareyɛl do Ajayɩɩ bikuun, dɩ Ajayɩ do Mesɩlemɔtɩɩ bikuun, dɩ Mesɩlemɔtɩ do Ɩmɛɛr bikuun. 14 Wɛr na awɩ omɩsɔ, kuun khana wɛ na sobɔr wɩ har tamaa na kpelẽ makõther (128). Jabɩdɩɛlɩkɛ dʋɔnɩ Hagedolɩmɩ bikuun, ɔr dʋɔn awɩ kɔ̃tɩ̃.

15 Levɩɩ məlsɔɔ dʋɔn: Semaya, Hasubii bikuun gɩ, dɩ Hasubi do Ajɩrɩkamɩ bikuun, dɩ Ajɩrɩkam do Hasabɩaa bikuun, dɩ Hasabɩa do Bunii bikuun, 16 Sabetayɩ nakha Yojabadɩ kɔɔ dɔnɩ levɩ kɔ̃tɩnasɔɔkɛ wɩ pɛrnɩ wa n hɩnɛ Thãgba fʋɔr cɔ thɔ̃ gɩrɛ dʋɔnɩ jɛdaa, 17 na Matanɩa, Mɩkaa bikuun gɩ, dɩ Mɩka do Jabɩdɩɩ bikuun, dɩ Jabɩdɩ do Asafɩɩ bikuun. Matanɩa kɔɔ dʋɔn nɩ khɩ̃ kɔ̃tɩnɩkɛ n tenɩ kpãga nɩɛ Thãgba bɩɛl paar, na Bakɩbukɩaakɛ dʋɔnɩ bubul ɔɔ omɩsɔɔ thɩ̃thɩɩn, na Abɩda, Samuaa bikuun gɩ, dɩ Samua do Galalɩ bikuun, dɩ Galal do Yedutuun bikuun. 18 Levɩɩ məlsɔɔkɛ hanɩ dɩɩraakɛ Thãgba phiirni, wɛr fɛw har taaɲɔ na kpalanã yenã (284).

19 Wɩrɛ dʋɔnɩ lõ bɛrdara dʋɔn: Akubi na Talmɔ̃, na awɩ omɩsɔɔkɛ dʋɔnɩ dakha lõ bɛrdara, wɛr fɛw har tɩbɩla tamaa na kpalãther yʋɔr yeɲɔ, (172). 20 Ɩjɩrayɛl bɩsã wɩrɛ sɛnɩ, na bonɩ jidara na Levɩɩ məlsɔ toore Juda dɩɩsɔra fɛw, ntɛ ɔɔ thɩra. 21 Thãgba fʋɔr cɔ thɔ̃ dona toore Jerujalɛm pa bɩɛlɩkɛ wɩ n wenɩ Ofɛl; awɩ kɔ̃tɩ̃sɔ dʋɔn Sɩha na Gɩsepa. 22 Ʋrɛ dʋɔnɩ Levɩɩ məlsɔɔ kɔ̃tɩ̃ Jerujalɛm dɩɩra dʋɔn Ujɩ; Banɩɩ bikuun gɩ, dɩ Banɩ do Hasabɩaa bikuun dɩ Hasabɩa do Matanɩaa bikuun, dɩ Matanɩa do Mɩkaa bikuun. Ajafɩɩ mǝllǝ Uja the, kɛ dʋɔnɩ mǝlleekɛ n hɩnɛnɩ nɩ khɩ̃ thɔma Thãgba fʋɔr cʋɔrɔ. 23 Nɩ khɩna kɔɔ hananɛ jɔfʋʋkɛ jamana pɛrnɩ awɩdara, kɛ n nɛnanɩ mɔ̃ wɛr nɩ khɩnaa thɔ̃ na n hanɩ wire wo wire. 24 Petahɩa kɔɔ dʋɔn tɩbɩlaa mɩmɩɩ thɩ̃ɛ fɛʋra jamanaa ƴɛra, Mesejabɛlɩ bikuun gɩ; dɩ Mesejabɛl do Jeraa bikũusɔɔ mǝl; Jera do Judaa ca.

Ɩjɩrayɛl bɩsã wɩrɛ tɔɔnɩ dɩ kpɩɩsɔra

25 Judaa mǝl ɩkha toore dɩ bi ɩkhasɔra na agɩ bǝ̃sɔra; Kɩrɩyatɩ-Arba gɩ na ɔɔ dɩ bisɔ, na Dɩbɔ̃ na ɔɔ dɩ bisɔ, na Yekabɩseyɛl na ɔɔ dɩ bisɔ; 26 na Yesua na Molada na Bɛtɩ-Pelɛtɩ; 27 na Hasaar-Sual na Bɛɛrseba na ɔɔ dɩ bisɔ, 28 na Sɩkɩlagɩ na Mekona na ɔɔ dɩ bisɔ, 29 na En-Rɩmɔ̃ na Sora na Yarmutɩ, 30 na Janoa na Adulam na awɩ dɩ bisɔ, na Lakɩsɩ na pa gɩrɛ khonǝǝni na Ajeka na dɩ bi gɩrɛ khonǝǝni. Wɩ toore a fʋna Bɛɛrseba kɛ hanɩ wi phã paar ɲɔ̃bɩlana foo a jalna dana Hɩnɔ̃ ɓɛlɛnɔ, kɛ hanɩ wi phã paar ɲɔ̃bɔɔra. 31 Bɛ̃jamɛ̃ɛ mǝlsɔ toore, a fʋna Geba dɩɩra na Mɩkɩmasɩ na Aya na Betɛl na ɔɔ dɩ bisɔ; 32 na Anatɔtɩ na Nɔbɩ na Ananɩa; 33 na Hasɔɔr na Rama na Gitayɩm; 34 na Hadɩdɩ na Seboyɩm na Nebalatɩ; 35 na Lɔdɩ na Ono na wɩrɛ n cʋɛnɩ ɲɛ̃ thɔmaa ɓɛlɛnɔ. 36 Dɩ ɩkhaa Levɩɩ məlsɔɔkɛ hanɩ Judaa mǝlsɔɔ dʋɔ ɩɩrɛ a jal too Bɛ̃jamɛ̃ɛ mǝlsɔɔ dʋɔ.