ƐSƖDƖRASƖƖ SƐBƐ
Gɩrɛ sɛbɛɛkɛ n mɩɩnɩ
Ɛsɩdɩrasɩɩ sɛbɛ na Nehemɩɩ sɛbɛ, na sɛbɛsɔɔkɛ wɩ n wenɩ Kuronikisɔɔ sɛbɛ, pa bɩɛl gɩ the. Thɩmɩɩ nɔ bɩɛlla n jala; Kpɩɛr bɩɛlla wɩ kherena gɩ, dɩɩ hana dã pa bɩɛl. Ɛsɩdɩrasɩɩ sɛbɛɛkɛra fʋnanɛ mɔ̃ Sɩɩrusɩɩkɛ dɔnɩ Pɛrsɩ jamana ‘laanɩ hʋɛ Juifisɔɔra wɩ kɛra birə Jerujalɛm a mɛ Thãgba fʋɔr cʋɔr, ( sapɩɩtɩrɩ 1). Dɩ dabɔɔlera Ɩjɩrayɛl jɔjʋɔ kɔɔ gbaar hʋɛ a kɛr dɩ wa n bir Jerujalɛm, (sapɩɩtɩrɩ 2). Caca thɔmaakɛ telene wɩnɩ Jerujalɛm dɩ wa do, gɛr dʋɔn wɩ mɛ bonɩ ji paar, a birə fɔ Thãgba fʋɔrɛ, (sapɩtɩrɩ 3). Sɩ mɔ̃ wɩ hanɩ dɩ wa n gbɛbɩ Thãgba fʋɔr cɔ mɩ gbɛbɩrɛ, awɩ lãlaarda ɩkhasɔ ɩɩrnanɛ lãʋ. Gɛr dɔ nɔɔ dɩ lãlaardaraale na Pɛrsɩ fãgadara khere kha sɛbɛsɔ a mɩɩ kha; dɩ wɩ yɩɛrɛ dɩɩ do hʋɛ ‘laarɛ sobɔr dɩ wa bir na mɩ Thãgba fʋɔr cʋɔrra ger (sapɩtɩrɩ 4-6). Dɩ sɛbɛɛkɛɛ balaɲɔ vaar pa mɩɩrɛ mɔ̃ Artajɛɛrsɛsɩ jamana thɔnɩ Ɛsɩdɩrasɩ bonɩ jidaar dɩ jal Jerujalɛm a naar Thagba fʋɔrɛ, a bir jaa gɩ dɩɩ hana fãga, (sapɩɩtɩrɩ 7-10). Thɩmɩɩrɩkɛ Ɛsɩdɩrasɩɩ sɛbɛ n ɩɩrɔnɩ dʋɔn ha pɛ hananɛ na phur. Sɛbɛ gɩɩkɛ n nɛnanɩ mɔ̃ Ɛsɩdɩrasɩɩkɛ dɔnɩ bonɩ jidaar na thɩ̃ naardaar hananɩ ‘lar na yʋ gbuure a cʋʋna Ɩjɩrayɛl bɩsana dɩ wɩ bir hana Thãgba fɩlɛ.