Sayul punone Amɔ̃ɔ too \ref Sog 11.1; 1Sam 31.11-13; 10.7,27
11
1 Nahasɩɩkɛ dɔnɩ Amɔ̃ɔ too jamana ther a sɔɔ Yabɛsɩdara, kɛ hanɩ le Galaadɩ bǝǝnǝ a kena wɩ. Dɩ Yabɛsɩdara fɛw so Nahasɩra: «Ʋlfɛnɛna sɩ kha nɔ bɩɛl ʋlfɛrɛ, sɩ sɩ do afɩ thɔ̃ dodaara». 2 Dɩ Nahasɩɩkɛ dɔnɩ Amɔ̃ɔ mǝl birse wɩ : «Ma ture wer, ado nɩ tu dɩ̃ cɩbɩrɩ nɛrrɛ fɛw bɩɛlbɩɛl ɲɔ̃bɔ yinǝ a pɛ Ɩjɩrayɛla yicuru». 3 Dɩ Yabɛsɩ kɔ̃tɩna sʋʋraa: «Ha sɩ wire makoɲɔ sɩ thɔna nʋɔ Ɩjɩrayɛl dɩɩra fɛw, ado tibil na hale na taa sa', sɩ gba asɩ dɩbara sɩ ha fɩ». 4 Dɩ thɔ̃thɔna jaal dã Gɩbea Sayuli dʋɔ, a gba thɩmɩɩra mɩɩ tɩbɩla, dɩ wɩ ɩɩr fɛw a bɩ dɩ wa n hulena.5 Sɩɩ do ga bɔɔraalera Sayul ther hʋɔnɔ a ɩ̃ dã na ɔɔ nasɔ, a bule: «Dɩ aɲe hana tɩbɩla dɩ wa n bɩ?» Dɩ wɩ gba Yabɛsɩdaraa thɩmɩɩra a mɩɛ ɩ. 6 Dɩ ɔbɔɔkɛ a nɩɛnɩ thɩmɩasɔɔle Thãgbaa thu lʋʋnanɛ dɩ nĩkhii ho ga hǝrǝǝre. 7 Dɩ fʋlɛ na yeɲɔ a kʋʋr, a kuur ha thɔ̃thɔna, wɩ kpaarna tɩnɛnɛ Ɩjɩrayɛl dɩɩra fɛw, sa sɔ war wɔɔ: «Tibil wo tibilikɛ na kpanɩ Sayul na Samʋɛlɩ sɩkara kʋʋra ga, thakɛ wa cʋʋ ɔɔ nasɔ». Dɩ Thãgba Kɔ̃tɩn cʋʋrɛ dɩ maar fʋ tɩbɩlaale dɩ wɩ tu kha nɔ bɩɛl a the a ho tɩɩ bɩɛl, 8 Bejɛkɩ dɩɩra, dɩ Sayul ther wɩ. Dɩ Ɩjɩrayɛldara har gbɩlanɩ der paar tãather (300. 000) dɩ Judadara ha gbɩlanɩ kpelẽ yʋɔr (30. 000). 9 Agɩpɩ dɩ wɩ so tɩbɩlalaale Yabɛsɩdara thɔnɩ ayɩ: «Nɩ birǝ sɔ Yabɛsɩdararaakɛ hanɩ le Galaadɩ bǝǝnǝ wɔɔ cʋɔ ɔbɔɔkɛ wire na n ʋlkhanɩ na 'lɛr taarɛ». Dɩ thɔ̃thɔnaale bir a mɩɩ Yabɛsɩdara dɩ daw hi wɩ haar. 10 Dɩ Yabɛsɩdara so Amɔ̃ɔ toora: «Dɩɩkɛ n wɩlanɩ cʋɔ, sa gbaar asɩbara na ha nɩ, dɩ na cʋʋna sɩ mɔ̃ nɩ pɛrnɩ haar».
11 Dɩ mɔ̃ dɩɩ wɩlnɩ, Sayul tɩnɛnɛ ɔɔ tibilsɔ tɩnɛ paar yẽther dɩ wɩ jal dã yɔl ko khɩɩ bɔɔ, a lõ awɩ sodara Amɔ̃ɔ too jɛ pa, a be wɩ jalna dana ʋlkhɔɔ. Sɩ yidaraakɛ sɛnɩ, wɩ bɩ̃bɩlã wɛr, wa n sɩrakɛ dɩ wɩ kperẽ yeɲɔa'.
12 Dɩ Ɩjɩrayɛldara so Samʋɛla, ana dɔ wɩrɛra n kɔɔ sɔnɩ Sayul na do nar jamana ga? Nɩ fʋlɛnɛ waa tibilsɔɔra ɛna sɩ kʋʋr». 13 Sɩ dɩ Sayul so war: «Tibil bɩɛlakɛ na teena kʋr nĩ wireraaka', gɩdonɩ nĩkɛ Thãgba Kɔ̃tɩn dor ɔɔ taa thɔ̃ Ɩjɩrayɛla».
Samʋɛl khure ɔɔ so gʋʋr thɔ̃ Ɩjɩrayɛl dɩɩra. \ref 1Kur 29.21-22; Th t t 20.33-35; Khɩ 15