Ruti kpaanɛ Boajɩra ɔɔjɩ gbʋʋlɔa \ref Ur 2; Ef 6.1-3; Sokp 31.10; Esɩt 2.
3
1 Wi bɩɛl, Rutii koo nɩ Nɔɔmɩ sʋʋrarɛ: «Ɩ̃ bikhɛr, ɩ̃ ƴaal dʋɔn ɩ̃ cʋɛ fɩ, fɩ 'lɛ too pa bʋɔ, fa n kãka. 2 Dɩ nɛnɛ̃, Boajɩ, ʋrɛkɛɛ thɔ̃daar khɛrsɔ fɩ kɔɔ donanɩ kha thɔma, ga do asɩ tibil a doaa? Hɩnɛ, a teenanɛ a jɛ ɔɔjɩ nĩ dɩtɩnɔɔkɛ le gbʋʋlɔ. 3 Gbɛba biire a gbuno le. Fa n do a kɔɔ yɩ fɩ, sɩɩdo aa kho dikor ɓoa' ga. 4 Sɩ ɔbɔɔkɛ a na phɩnɩ, jɩɛ dʋ bʋrɛ kãkɛ a n phɩnɩ; jala bǝbǝǝ nɛɛ b, sa phɩna. Ɔɔ pa gɩ ha, dɩ na so far mɔ̃ fa donɩ.» 5 Dɩ tu: «Gɩrɛ fɛʋʋkɛ fɩ sonɩ ma cʋʋrɛ».6 Dɩ a gbaar gbũ ɔɔjɩ gbʋʋlɔ, a cʋʋ gɩrɛ fɛʋʋkɛ ɔɔ koo nɩ kɔɔ sʋʋraanɩ. 7 Dɩ Boajɩ khor dɩkɔ, dɩɩ daaraa na sobɔr, dɩ ka phɩ̃, a khunǝ ka wɩ dernɩ ɔɔjɩ. Dɩ Ruti pɔr hɛlɛlɛ, a bǝbii nɛɛ sa phɩ̃. 8 Dɩnɩrɔ, jǝmǝ cʋʋrɛ kuunile dɩ jẽ gbiri, a na hɩ̃ɩ dɩɩ do khɛr gɩ a phɩ̃ ɔɔ nɛra. 9 Dɩ bule: «amɛ gɩ?» Dɩ tu: «Mɛr afɩ thɔ̃daar khɛr Ruti gɩ. Kɛa mɛr afɩ thɔ̃daar khɛrra gbɛlac, gɩdonɩ fɛr dɔ ɩ̃ koo cɔhɩn.» 10 Dɩ sʋʋraa: «Thãgba Kɔ̃tɩn n bɔna fɩ ɩ̃ bikhɛr. Afɩ pɩpɩɩ naw thɔ̃ɔkɛ kɔ̃tɩnɛ wo a jɔ cacadaa, gɩdonɩ fa ƴaal daɓolaakɛ lɛnɩ dɩ daɓolaakɛ dɔnɩ bɔdara wa'. 11 Ɩ̃ bikhɛr, fa n do maar n fʋ fa'. Ma cʋʋ farɛ gɩrɛ fɛʋʋkɛ fa sonɩ. Gɩdonɩ tɩbɩla, kɛ dɩɩra fɛw, wɩ jɩrɛ dɩ khɛr fɩl jɩn ha fɩ. 12 Mɩ jɩrɛ wer, mɛr dɔ cɔhɩn, sɩ bɩɛl hale dɔnɩ cɔhɩn kpɩ̃ɩ a jɔ mɩ. 13 Cɔ kɩɛr, a dɩɩ wɩl ɩ̃ yɩɩ, ado a ture a na do cɔhɩn, a dɔ, gɩ bɔrɛ. Sɩ ado a bo, Yidaar Thãgba Kɔ̃tɩn do, mɛrɛ thɛthɛ na dɔ cɔhɩnna. Phɩna kɩɛr dɩɩ n wɩl».
14 Dɩ Ruti phɩnɛ le ɔɔ nɛra sa ɩɩr jilǝjilǝla, bɔɔkɛ tɩbɩla na punoni na jɩ kha pa'. Dɩ Boajɩ so: «Tibil na n jɩ dɩ khɛrɩkɛ ɩnɛ kɩɛr ɔɔjɩ gbʋʋlɔa'». 15 Sa so wo: «bela kẽkẽ kɔ̃tɩ̃ɩkɛ fɩ parnɩ, sa jɩɛ fʋ fʋrɔ». Dɩ a fʋrɛ fʋrɔ, dɩ mɩɛ ɔɔjɩ na thɩ̃ mɩɛda nʋɔ maadõ, a ɓa heenʋ dɩ kɛr kɔ̃ cʋɔrɔ. Agɩpɩ dɩ Boajɩ gba jal dɩɩra.
16 Dɩ Ruti daan ɔɔ koo nɩɩ pa, dɩ bulee: «Fɛr ɩna bɛɛ ɩ̃ bikhɛrɩ?» Dɩ Ruti gba thɩ̃ɛ fɛʋʋkɛ kuunile cʋʋraanɩ a mɩɛɛ. 17 Sa bir so: «A ha mɛr ɔɔjɩɩkɛ thɩ̃ mɩɛda nʋɔ maadõ sa yɩ ga bɔr dɩ ma kɛrna ɲɛ̃ biire ɩ̃ koo nɩra ga». 18 Dɩ Nɔɔmɩ so: «Tɔɔ kɩɛr cɔcɔ ɩ̃ bikhɛr, phaphapha fɩ jɩ mɔ̃ thɩmɩɩra na pɩnɩ, gɩdonɩ kuunile na yɩ hɩɩr paar nĩ saagado thɩmɩɩrɩle paa' ga».