Boajɩ gbɛbɩrɛ Elɩmɛlɛkɩɩ khĩdi thɩ̃ gba thɩmɩɩr \ref Jer 32.8-12; Det 25.5-10; Fɩl 2 14-15
4
1 Dɩ Boajɩ kɔɔ jaal dɩ lõfonʋɔra, a too. Dɩ ʋrɛ dɔnɩ Elɩmɛlɛkɩɩ cɔhɩnna, kɛ Boajɩ kɔɔ sonɩ, pɔr da n ka, dɩ Boajɩ sʋʋraa: «Fɛrɛ, ɩna kɩɛr a tɔɔ». Dɩ kuunile bir a too. 2 Dɩ Boajɩ bir kpa kɔ̃tɩna yʋɔrɩkɛ dɔnɩ dʋɔdara a so war: «Nɩ tɔɔ kɩɛr». Dɩ wɩ too. 3 Dɩ a sor ʋrɛraakɛra dɔnɩ cɔhɩn ayɩ: «Nɔɔmɩɩkɛ thɛnɩ Moabɩ dɩɩra a ɩ̃, ɔr n dolone thɩɩkɛ dɔnɩ asɩ õkuun Elɩmɛlɛkɩɩda. 4 Dɩ mɩ yɩ ɩ̃ so far, fɩ gba thɩɩra, dʋɔdara, na ɩ̃ too kɔ̃tɩ̃sɔɔkɛ n toro yire. Ado fɩ n ƴaalɛ fɩ gba, gba. Sɩ ado fa n ƴaala', sɔ mar casɩ ɩ̃ jɩ; gɩdonɩ tibil na hale a hana hʋɛ saagado fɛr gaa ga. Sɩ ado fɩ karɔ, mɛr gɩ». Dɩ kuunile tu: «Ma gbaar» 5 Dɩ Boajɩ so: «Wireekɛ fa gbanɩ thɩɩle Nɔɔmɩna, fa gbananɛ dakha Ruti Moabɩdaar, kɛ dɔnɩ khĩdii khɛr, gɩ do nɔɔ, khĩdii i n bo ga n jal ƴɔɔ, ɔɔ khĩdi thɩna». 6 Dɩ ʋrɛ dɔnɩ cɔhɩn birsee: «Dɩ ado thale gɩ ma mar na gba ga. Ga pɛr ɲaɲaanɛ ɩ̃ khĩdi thɩna. Fe dɔ mɛrɛ a cʋɛ gɩrɛ mɩ teenanɩ ɩ̃ cʋɛ.»7 Mamara, Ɩjɩrayɛl dɩɩra, ado wɩ gʋʋr khĩdi thɩ̃ gba thɩmɩɩr thakɛ a pɩ, agɩbo a thɩ̃ɛ tɩbɩla yeɲɔ ƴaal wɩ debi kha, nɛfaa bɩɛl, bɩɛl n for dɩ 'laa. Thale n nɛna dɩ wɩ ture kha. 8 Dɩ cɔhɩnɩle sor Boajɩra: «Fe gba gɩrɛ ma kɔɔ gbanɩ». Sa for ɔɔ nɛfaa bɩɛl [a haa]a.
9 Le Boajɩ so kɔ̃tɩnana na tibilala fɛw: «Nɛr dɔ nĩ yi tordara thɩmɩɩraakɛ. Mɩ n gbaar Nɔɔmɩna thɩ̃ɛ fɛʋʋkɛ dɔnɩ Elɩmɛlɛkɩ, na Kɩlɩjɔ̃ na Makɩlɔ̃ɔda. 10 Mɩ n gbaar dakha Ruti Moabɩdaar, kɛ dɔnɩ Makɩlɔ̃ɔ khɛr, a do ɩ̃ khɛr; gɩ do nɔɔ khĩdii i na n ti ɔɔ dʋɔ, na ɔɔ too thɩ̃thɩɩna'. Nɛr dɔ nĩ wɩrɛ tɔrɔnɩ yire ɩ̃ thɩmɩɩraakɛ». 11 Dɩ tɩbɩla fɛʋʋkɛ kɔɔ hanɩ dɩ lõfonɔɔ, na kɔ̃tɩnasɔ tu: «Sɩ torore yire thɩmɩɩrara! Dɔ Thãgba Kɔ̃tɩn n cʋʋ khɛrɩkɛ n lonanɩ gɩrɛ afɩ cɔ, a ho Rasɛl na Lea. Wɛr yeɲɔ dɔ wɩrɛ leranɩ Ɩjɩrayɛl caar. 'Lɛ ɲɔ̃kor bɔɔ Efɩrata, afɩ i dakha n the Bɛtɩlɛhɛm. 12 Dɔ mǝlleekɛ Thãgba Kɔ̃tɩn na ha fɩnɩ khɛrraakɛ n cʋʋ afɩ cɔ gɩ ho Perɛsɩɩ cɔ, kɛ Juda kɔnɩ Tamaara.
Boajɩ gbaar Ruti a he \ref Khɩ 128; Lu 1.57-63; Mat 1.3-6
13 Boajɩ gbaar Ruti a he. Dɩ Thãgba Kɔ̃tɩn bulle Ruti dɩ hana pɛmɛr a kɔ̃ kũubir. 14 Dɩ khɛra na n so Nɔɔmɩna:
«Thãgba Kɔ̃tɩn hɩna fʋɔrɛ,
ʋrɛɛkɛ na sɛ farnɩ dɩ fɩ 'lee nĩ birbirsedaara'b.
gɩdonɩ afɩ bikuuni khɛrɩkɛ naan fɩnɩ kɔnaa,
Afɩ bikuuni khɛrra ba farɛrakɛ bikona makoɲɔ.»
16 Dɩ Nɔɔmɩ gbaar bɩsaanna da n to kalƴɔɔ; a do ɔɔ hãhaan. 17 Dɩ cɔ khu khɛra na n so: «Nɔɔmɩ kʋɔn kũubir». Dɩ wɩ dʋrɛ biile ire Obɛɛdɩ. Ɔr dɔ ʋrɛ kɔnanɩ Ɩjaɩɩkɛ dɔnɩ Davɩdɩɩ thɩ.
Yɛkɛ Perɛsɩɩ mǝlsɔ
18 Yɛkɛ Perɛsɩɩ mǝlsɔ:
Perɛsɩ kɔɔ kɔna Ɛsɩrɔ̃.
19 Dɩ Ɛsɩrɔ̃ gba kɔ̃ Aramɩ.
Dɩ Aramɩ gba kɔ̃ Amɩnadabɩ.
20 Dɩ Amɩnadabɩ gba kɔ̃ Nasɔ̃.
Dɩ Nasɔ̃ gba kɔ̃ Salɩmɔ̃.
21 Dɩ Salɩmɔ̃ gba kɔ̃ Boajɩ.
Dɩ Boajɩ gba kɔ̃ Obɛɛdɩ.
22 Dɩ Obɛɛdɩ gba kɔ̃ Ɩjayɩ.
Dɩ Ɩjayɩ kɔ̃ Davɩdɩ.