<<    <     JOJUE     21     >    >> 
Dɩɩ kpalaɲɔ makõtherɩɩkɛ wɩ hanɩ Levɩɩ ca. \ref Jǝn 49.5-7; Dǝt 33.8-11; 1 Kur 6.35-45
21
1 Levɩɩ caa cɔdaar kõsɔ jaal yɩ bonɩ jidaar Eleajaar, na Nunii bikuun Jojue na Ɩjɩrayɛl cɔdaar kona, 2 Silo dɩɩra Kanaa dʋɔ a so war: «Thãgba Kɔ̃tɩn kɔɔ sor Mʋɩjɩra a hana sɩ dɩɩsɔ ka sa n cɔnɩ na agɩ dɩ khuisɔ ka asɩ nʋ̃sɔ na n khʋʋlnɩ. 3 Dɩ Ɩjɩrayɛl bɩsana tire dɩ ɩkhasɔ awɩ dɩsɔɔra na agɩ dɩ khuisɔ a ha Levɩɩ ca mɔna Thãgba Kɔ̃tɩn kɔɔ sonɩ.
4 Wɩ lɩrɛ lɩɩ Aarɔ̃ bikuun Kehatɩɩ thɩ kɔ̃sɔɔra, kɛ dɔnɩ Levɩɩ mǝlsɔɔ dɩ wɩ 'lɛr dɩɩ yʋɔr yẽtherɩkɛ hanɩ Judaa məlsɔ na Simeyɔ̃ɔ məlsɔ na Bɛ̃jamɛ̃ɛ məlsɔɔ bənnə. 5 Dɩ Kehatɩɩ thɩ kɔ̃ wɩrɛ sɛnɩ 'lɛ dɩɩ yʋɔr, Efɩrayɩmɩ məlsɔ na Dãa məlsɔ na Manasee ca kurɩ bənnə. 6 Gɛɛrsɔn thɩ kɔ̃ 'lɛr dɩɩ yʋɔr yẽther, Ɩsakaarɩ məlsɔɔ, na Ajɛɛrɩ məlsɔɔ, na Nɛfɩtalɩɩ məlsɔɔ bə̃əsɔra na Manasee ca kurǝǝkɛ hanɩ Basã bəənnə. 7 Merarɩɩ thɩ kɔ̃ 'lɛr dɩɩ yʋɔr yeɲɔ Ribɛ̃ɛ məlsɔ na Gadɩɩ məlsɔ, na Jabʋlɔ̃ɔ məlsɔ bənnə. 8 Ɩjɩrayɛl bɩsana lɩrɛ lɩɩ sa ha Levɩɩ mǝlsɔ ga dɩsɔɔle na agɩ dɩ khuisɔ, mɔna Thãgba Kɔ̃tɩn kɔɔ sonɩ Mʋɩjɩra.
9 Nɩ yɛkɛ Judaa ca na Simeyɔ̃ɔ caa dɩsɔɔkɛ 10 wɩ hanɩ Aarɔ̃ɔ mǝlsɔ kɛ thɛnɩ Kehatɩrakɛ dɔnɩ Levɩɩ mǝli thɩ kɔ̃sɔɔra isɔ. Wɛr dɔ wɩrɛ lɩɩ kɔɔ tini caca. 11 Wɩ ha wɛr Kɩrɩyatɩ-Arba dɩɩ, kɛ dɔnɩ Ebʋrɔ̃, kɛ hanɩ Judaa məlsɔɔ gɔ̃gɔ̃ bənnə, na agɩ dɩ khuisɔ. Aarba dʋɔn Anakɩɩ thɩ. 12 Sɩ dɩɩlee lɛsɔ na dɩ biisɔ, Yefune bikuun Kalɛbɩ wɩ kɔɔ ha dɩɩ do ɔɔda. 13 Wɩ har Aarɔ̃ bonɩ jidaarɩ bikũusɔ Ebʋrɔ̃, dɩɩkɛ dɔnɩ wɩrɛ kɔnɩ tibili taa pa, na agɩ dɩ khuisɔ, na Lɩbɩna dɩɩ na agɩ dɩ khuisɔ. 14 Yatɩɩr dɩɩ na ɔɔ dɩ khuisɔ, Ɛsɩtemoa dɩɩ na ɔɔ dɩ khuisɔ, 15 Holɔ̃ dɩɩ na ɔɔ dɩ khuisɔ, Debiir dɩɩ na ɔɔ dɩ khuisɔ, 16 Asã dɩɩ na ɔɔ dɩ khuisɔ, Yuta dɩɩ na ɔɔ dɩ khuisɔ, na dakha Bɛtɩ-Semɛsɩ dɩɩ na ɔɔ dɩ khuisɔ. Dɩɩ yʋɔr phe bire gɩ caar yeɲɔraale. 17 Bɛ̃jamɛ̃ɛ caa thɩ̃thɩɩn, wɩ 'lɛr dɩɩ yenã: Gabaɔ̃ dɩɩ na ɔɔ dɩ khuisɔ, Geba dɩɩ na ɔɔ dɩ khuisɔ, 18 Anatɔtɩ dɩɩ na ɔɔ dɩ khuisɔ, na dakha Alemɛtɩ dɩɩ na ɔɔ dɩ khuisɔ. 19 Dɩɩ fɛʋʋkɛ gbõdaraakɛ dɔnɩ Aarɔ̃ɔ mǝlsɔ 'lɛnɩ har dɩɩ yʋɔr yẽther na agɩ dɩ khuisɔ.
20 Levɩɩ mǝl wɩrɛ sɛnɩ, kɛ thɛnɩ Kehatɩɩ thɩ kɔna, 'lɛr dɩɩsɔ Efɩrayɩmɩ məlsɔɔ bənnə, kɛ lɩɩ nɩrɔnɩ. 21 Wɩ ha wɛr Sɩsɛm dɩɩkɛ dɔnɩ wɩrɛ kɔnɩ tɩbɩlaa taa pa, na ɔɔ dɩ khuisɔ, kɛ hanɩ Efɩrayɩmɩ məlsɔɔ gɔ̃gɔ̃ bənnə, Gejɛɛr dɩɩ na ɔɔ dɩ khuisɔ, 22 Kɩbɩsayɩm dɩɩ na ɔɔ dɩ khuisɔ, Bɛtɩ-Horɔ̃ dɩɩ na ɔɔ dɩ khuisɔ. Gɩ har dɩɩ yenã. 23 Dãa məlsɔ bənnə wɩ 'lɛr dɩɩ yenã. Ɛlteke na ɔɔ dɩ khuisɔ, Gɩbetɔ̃ na ɔɔ dɩ khuisɔ, 24 Ayalɔ̃ dɩɩ na ɔɔ dɩ khuisɔ, na Gatɩ-Rɩmɔ̃ dɩɩ na ɔɔ dɩ khuisɔ. 25 Manasee ca kuri bənnə, kɛ hanɩ wi lõ paar, wɩ 'lɛr dɩɩ yeɲɔ: Taanakɩ dɩɩ na ɔɔ dɩ khuisɔ, a 'lɛna Gatɩ-Rɩmɔ̃ dɩɩ na ɔɔ dɩ khuisɔ. 26 Dɩɩ fɛʋʋkɛ wɩ 'lɛnɩ har yʋɔr na agɩ dɩ khuisɔ.
27 Gɛɛrsɔn thɩ kɔ̃ɔkɛ thɛnɩ Levɩɩ cara 'lɛr bəən Manasee ca kuri bənnə, kɛ hanɩ Jʋrdɛ̃ iiro, wi phã paar Basã bəənnə, dɩɩ yeɲɔ; Golã dɩɩ, kɛ dɔnɩ wɩrɛ kɔnɩ tibili taa pa, na ɔɔ dɩ khuisɔ, a 'lɛna Bɛsetera dɩɩ na ɔɔ dɩ khuisɔ. 28 Ɩsakaarɩ məlsɔɔ bənnə, wɩ ha wɛr Kɩsɔ̃ dɩɩ na ɔɔ dɩ khuisɔ. Dabɩratɩ dɩɩ na ɔɔ dɩ khuisɔ, 29 Yaarmutɩ dɩɩ na ɔɔ dɩ khuisɔ, na dakha En-Ganɩm dɩɩ na ɔɔ dɩ khuisɔ. Gɩ har dɩɩ yenã. 30 Ajɛɛrɩ məlsɔɔ bənnə, wɩ ha wɛr Mɩsal dɩɩ na ɔɔ dɩ khuisɔ. Abɩdɔ̃ dɩɩ na ɔɔ dɩ khuisɔ. 31 Hɛlkatɩ dɩɩ na ɔɔ dɩ khuisɔ, na dakha Rehɔbɩ dɩɩ na ɔɔ dɩ khuisɔ. Gɩ har dɩɩ yenã. 32 Nɛfɩtalɩɩ məlsɔɔ bənnə, wɩ har wɛr Kedɛsɩ dɩɩ, kɛ hanɩ Galɩle, kɛ dɔnɩ wɩrɛ kɔnɩ tibili taa pa na agɩ dɩ khuisɔ, Hamɔtɩ-Dɔɔr dɩɩ na ɔɔ dɩ khuisɔ, na Kaartã dɩɩ na ɔɔ dɩ khuisɔ. Gɩ har dɩɩ yẽther. 33 Dɩɩ fɛʋʋkɛ Gɛɛrsɔn mǝlsɔ 'lɛnɩ mɔ̃ awɩ thɩ kɔ̃sɔ hanɩ, har yʋɔr yẽther na agɩ dɩ khuisɔ.
34 Jabʋlɔ̃ɔ məlsɔɔ bənnə, wɩ har Levɩɩ ca wɩrɛ sɛnɩ, kɛ thɛnɩ Merarɩɩ mǝlsɔɔ thɩ kɔna Yɔkɩneam dɩɩ na ɔɔ dɩ khuisɔ. Kaartã dɩɩ na ɔɔ dɩ khuisɔ. 35 Dɩmɩna dɩɩ na ɔɔ dɩ khuisɔ, na dakha Nahalal dɩɩ na ɔɔ dɩ khuisɔ. Gɩ har dɩɩ yenã. 36 Ribɛ̃ɛ məlsɔɔ bənnə, wɩ ha wɛr Besɛɛr dɩɩ na ɔɔ dɩ khuisɔ, Yahasɩ dɩɩ na ɔɔ dɩ khuisɔ, 37 Kedemɔtɩ dɩɩ na ɔɔ dɩ khuisɔ, na dakha Mefaatɩ dɩɩ na ɔɔ dɩ khuisɔ. Gɩ har dɩɩ yenã. 38 Gadɩɩ məlsɔɔ bənnə, wɩ ha wɛr Ramɔtɩ dɩɩ, kɛ hanɩ Galaadɩ bəənnə, kɛ dɔnɩ wɩrɛ kɔnɩ tibili taa pa, na ɔɔ dɩ khuisɔ na Mahanayɩm dɩɩ na ɔɔ dɩ khuisɔ, 39 Hɛsɩbɔ̃ dɩɩ na ɔɔ dɩ khuisɔ, na dakha Yajɛɛr dɩɩ na ɔɔ dɩ khuisɔ. Gɩ har fɛw dɩɩ yenã. 40 Dɩɩ fɛʋʋkɛ Merarɩɩ thɩ kɔ̃ɔkɛ thɛnɩ Levɩɩ cara, 'lɛnɩ mɔna awɩ cɔ kasɔ hanɩ, har dɩɩ yʋɔr yeɲɔ. 41 Levɩɩ məlsɔɔ dɩ fɛʋʋkɛ wɩ 'lɛnɩ Ɩjɩrayɛl bɩsanaa thɩ̃thɩɩn har dɩɩ kpalaɲɔ makõther na agɩ dɩ khuisɔ. 42 Wɩ ha wɛr dɩɩsɔɔle fɛw bɩɛlbɩɛl na agɩ dɩ khuisɔ.
43 Dɩ mɛ̃ Thãgba Kɔ̃tɩn ha Ɩjɩrayɛl bɩsana dɩɩ fɛʋʋkɛ a kɔɔ ʋlfɛnɩ ɩnɩ n ha awɩ thɩsɔ. Dɩ wɩ gbaar Kanaa dɩɩra fɛw a tooro. 44 Thãgba Kɔ̃tɩn cʋʋ wɛr dɩ wɩ too na tu jɩɩr mɔna a kɔɔ ʋlfɛnanɩ awɩ thɩsɔ: wa n dɛ na awɩ sodaraakɛ diǝ warna'. A ha wɛr kǝǝre awɩ sodarara fɛw, bɩɛllakɛ na hale dɩ 'la dɩ pɩɛr wa'. 45 Dɩ mɛ̃ ʋlfɛrɛ fɛʋʋkɛ Thãgba Kɔ̃tɩn ʋlfɛnanɩ Ɩjɩrayɛlɩ cɔdara dã fɛw, a ha oti bɩɛllakɛ na sa'.