Dɩɩ maadõokɛ dɔnɩ taa 'lɛ dɩɩ
20
1 Thãgba Kɔ̃tɩn so Jojuera: 2 «Mɩana Ɩjɩrayɛl bɩsana, wɩ phire dɩɩsɔɔkɛ na dɔnɩ taa 'lɛ dɩɩ kɛra mɩ kɔɔ sonɩ Mʋɩjɩra dɩ so war. 3 Ado tibil kʋ tibil, sɩɩ do aa jɩ sa cʋa', ntɛ n ca a jala le. Ado ntɛɛ tibil ɩɩr a ƴaal a tiir helu, dɩɩsɔɔle na dɔ nar taa paar. 4 Ntɛɛle kɔnɩ tibil sɩ ga do ɔɔ ƴaalla tha' n ca jala dɩ bɩɛlla ga dɩsɔɔraale. Aa dã dɩ lõfonʋɔra a mɩa dɩ dɔɔ kɔ̃tɩ̃sɔ gɩrɛ danaanɩ. Wa tegʋʋre a lõ dɩɩra, wɩ haa paar a tooro. 5 Ado khĩdii tibil ɩɩr a kpaan ɩnɩ n tiir helu, wa kɛɛraarɛ, wa fagʋʋ na haa ga; gɩdonɩ aa jɩ sa cʋa', dɩ wo wa kɔɔ ha kha sʋa'. 6 A tɔɔ le dɩdɔɔraale gɩ dana bɔɔkɛ dɩɩlee sogʋʋrdara na gʋʋrnɩ ɔɔ so, na bɔɔkɛ gbõdaarɩkɛ n dɔnɩ thɔma ga bɔɔle na khini. Ga bɔɔle a na kɛr na bir ɔɔ dɩraakɛ a kɔɔ canɩ a too ɔɔ cɔ.»7 Dɩ Ɩjɩrayɛl bɩsana thɩɩnɛ ga dɩsɔɔkɛ dɩ too gaa too: Wɩ thɩɩnɛ Kedɛsɩ dɩɩ, kɛ hanɩ Galile bǝǝnnǝ, Nɛfɩtalɩ mǝlsɔɔ gɔ̃gɔ̃ bənnə, na Sɩsɛm dɩɩ, kɛ hanɩ Efɩrayɩmɩ mǝlsɔɔ gɔ̃gɔ̃ bənnə, na Kɩrɩyatɩ-Arba dɩɩ, kɛ wɩ n wenɩ dakha Ebʋrɔ̃, kɛ hanɩ Judaa mǝlsɔɔ gɔ̃gɔ̃ bənnə. 8 Dɩ le Jʋrdɛ̃ bilo, Jeriko wi phã paar, wɩ phiire Besɛɛr dɩɩ, kɛ hanɩ bǝ̃ faanaakɛ dɔnɩ bə̃ kpara, Ribɛ̃ɛ mǝlsɔɔ dʋɔ, na Ramɔtɩ dɩɩ, kɛ hanɩ Galaadɩ bǝǝnnǝ Gadɩɩ mǝlsɔɔ dʋɔ, na Golã dɩɩ, kɛ hanɩ Basã bǝǝnnǝ Manasee mǝlsɔɔ dʋɔ. 9 Dɩ gɩrɛ wɩ phiir, dɩɩ too do Ɩjɩrayɛl bɩsana na kpakpalaakɛ tɔɔnɩ awɩ thɩ̃thɩɩnɩ taa pa; gɩdo nɔɔ ado tibil kʋ tibil sɩ gado a jɩrɛ sa cʋa', a ca a jal le, hel tiirdaar na n kʋʋ sɩ Ɩjɩrayɛl sogʋʋrdara na gʋʋr ɔɔ so ɓo a hɩɩna ga.