Simeyɔ̃ɔ mǝlsɔɔ thɩɩkɛ lɩɩ nɩrɔnɩ \ref 1 Kur 4.24-33; Joj 15. 21-32, Jǝn 49,7
19
1 Balaɲɔ paarɩkɛ lɩɩ nɩrɔnɩ dʋɔn Simeyɔ̃ɔ mǝlsɔɔ thɩ mɔna awɩ thɩ kɔ̃sɔ hanɩ. Judaa mǝlsɔ bǝ̃ kpalalɛ awɩ thɩra. 2 Dɩɩsɔkɛ wɩ ha wɩnɩ ha gɩrɛ: Bɛɛrseba, Seba, Molada, 3 Hasaar-Sual, Baala, Esɛm, 4 Ɛltoladɩ, Betul, Hɔrma, 5 Sɩkɩlagɩ, Bɛtɩ-Maakabɔtɩ, Hasaar-Susa 6 Bɛtɩ-Lebaɔtɩ na Saruyɛn: dɩɩ yʋɔr yẽther gɩ na agɩ dɩ bisɔ; 7 na dakha Ayɩn, Rɩmɔ̃, Etɛɛr, na Asã, dɩɩ yenã gɩ na agɩ dɩ bisɔ, 8 na dɩ bii fɛʋʋkɛ diǝ garnɩ a jal dã Baalatɩ-Bɛɛr kɛ dɔnɩ Ramatɩɩkɛ hanɩ Negɛvɩ bǝǝnnǝ. Thale Simeyɔ̃ɔ mǝlsɔ thɩ ha mɔna awɩ thɩ kɔ̃sɔ hanɩ. 9 Judaa mǝlsɔɔ thɩra wɩ kur thɩɩ a ha Simeyɔ̃ɔ mǝlsɔ, gɩdonɩ awɩ paakɛ wɩ 'lɛnɩ, gɩ kɔ̃tɩ̃ warɛ ka. Dɩ awɩ thɩ̃thɩɩn Simeyɔ̃ɔ mǝlsɔ 'lɛ awɩ thɩ.Jabʋlɔ̃ɔ mǝlsɔɔ thɩɩkɛ lɩɩ nɩrɔnɩ \ref Jǝn 49.13; Dǝt 33.18-19
10 Balãther paarɩkɛ lɩɩ nɩrɔnɩ dʋɔn Jabʋlɔ̃ɔ mǝlsɔɔ thɩ mɔna awɩ thɩ kɔ̃sɔ hanɩ. Awɩ pɛl jaal a dã Sarɩdɩ dɩɩ. 11 Pɛl jʋʋnɛ wi lõ pa khɔra a jal dã Marala dɩɩ, gɩ the liir a jal dã Dabesɛtɩ dɩɩ, a pho jal ɲɔ̃ kɔlɔnaakɛ celanɩ Yɔkɩneam dɩ wi phã paar. 12 Pɛl ther Sarɩdɩ a telẽ wi phã paar, Kɩsɩlɔtɩ-Tabɔɔr dɩ pɛla, a jal dã Dabɩratɩ dɩɩra sa jʋʋn Yafɩa dɩɩra. 13 A the liir, pɛl kananɛ wi phã pa khʋʋ a the Gatɩ-Efɛɛr na Ɛtɩ-Kasɛ̃ a jal thʋ Rɩmɔ̃ sa kɛr a jal dã Nea. 14 Ka wire na n jalnɩ dɩ pɛ ɲɔ̃bɔɔ, pɛl golone Hanatɔna, sa jal thʋ Ɩfɩta-Ɛl ɓɛlɛ̃nɔ, 15 a gbana Katatɩ, na Nahalal, na Sɩmɩrɔ̃, na Ɩdala na Bɛtɩlɛhɛma; dɩɩ yʋɔr yeɲɔ gɩ na agɩ dɩ bisɔ. 16 Thale dɔ Jabʋlɔ̃ɔ mǝlsɔ thɩɩkɛ wɩ 'lɛnɩ mɔna awɩ thɩ kɔ̃sɔ hanɩ. Ga dɩsɔɔle gɩ na agɩ dɩ bisɔ.
Ɩsakaarɩ mǝlsɔɔ thɩɩkɛ lɩɩ nɩrɔnɩ
17 Balanã paarɩkɛ lɩɩ nɩrɔnɩ dʋɔn Ɩsakaarɩ mǝlsɔɔ thɩ mɔna awɩ thɩ kɔ̃sɔ hanɩ. 18 Awɩ dɩsɔ ha gɩrɛ: Jɩjɩreyɛl, Kesulɔtɩ, Sunɛm, 19 Hafarayɩm, Sɩ̃ɔ, Anaharatɩ, 20 Rabɩtɩ, Kɩsɩɔ̃, Ebɛsɩ, 21 Remɛtɩ, En-Ganɩm, En-Hada na Bɛtɩ-Pasɛsɩ 22 Pɛl jaal the Tabɔɔr na Sasayɩm, na Bɛtɩ-Semɛsɩ sa jal thʋ Jʋrdɛ̃ mɩɩr. Dɩɩ yʋɔr maadõ gɩ, na agɩ dɩ bisɔ. 23 Thale Ɩsakaarɩ mǝlsɔ thɩ ha mɔna awɩ thɩ kɔ̃sɔ hanɩ. Ga dɩsɔɔle gɩ, na agɩ dɩ bisɔ.
Ajɛɛrɩ mǝlsɔɔ thɩɩkɛ lɩɩ nɩrɔnɩ
24 Balamɔy paarɩkɛ lɩɩ nɩrɔnɩ dʋɔn Ajɛɛrɩ mǝlsɔɔ thɩ mɔna awɩ thɩ kɔ̃sɔ hanɩ. 25 Awɩ dɩsɔ ha gɩrɛ: Ɛlkatɩ, Halɩ, Betɛn, Akesafɩ, 26 Alamelɛkɩ, Amadɩ na Mɩsal. Wi lõ paar pɛl jaal dã Karmɛl gɔ̃gʋɔn na Sɩhɔɔr-Lɩbɩnatɩ kɔlɔna. 27 Wi phã paar, pɛl kɛrɛ na Bɛtɩ-Dagɔ̃ dɩ khʋʋ a jal thʋ Jabʋlɔ̃ɔ məlsɔɔ bə̃, na Ɩfɩta-Ɛl ɓɛlɛ̃ɛ; sa kpaasɛ jal wi phã paar ɲɔ̃bɔɔra a thʋ Bɛtɩ-Emɛkɩ dɩɩ na Neyɩɛl dɩɩ, sa jaal ther Kabul dɩɩkɛ hanɩ ɲɔ̃bilbɩlana, 28 sa jalna Abɩdɔ̃ dɩɩ na Rehɔbɩ dɩ khʋʋ, na Hamɔ̃ dɩɩ, na Kana dɩɩ a jal dã Sɩdɔ̃ɔkɛ dɔnɩ dɩ kɔ̃tɩ̃ɩ. 29 Agɩpɩ pɛl kɛrnanɛ Rama dɩ khʋʋ a jal dã Tɩɩr dɩɩraakɛ wɩ mɩnɩ gʋʋ a kpalalɔ, a jal the Hɔsa dɩɩra a jal thʋ Mediterane laɲʋɔna; sɩ Akɩjɩbɩ bǝǝn gɩ kɔɔ kana, 30 na Umɩ dɩɩ, na Afɛkɩ dɩɩ, na Rehɔbɩ dɩɩ. Dɩɩ kpelẽ yeɲɔ gɩ na agɩ dɩ bisɔ. 31 Thale Ajɛɛrɩ mǝlsɔ thɩ ha mɔna awɩ thɩ kɔ̃ hanɩ. Ga dɩsɔɔle gɩ na agɩ dɩ bisɔ.
Nɛfɩtalɩɩ mǝlsɔɔ thɩɩkɛ lɩɩ nɩrɔnɩ \ref Dǝt 33.23
32 Ɲɛ̃be maadõ paarɩkɛ lɩɩ nɩrɔnɩ dʋɔn Nɛfɩtalɩɩ mǝlsɔɔ thɩ mɔna awɩ thɩ kɔ̃sɔ hanɩ. 33 Awɩ pɛl fʋrɛ Helɛfɩ dɩɩra, a kana sɛn thɩr khɔra Saananɩm dɩɩra, na Adamɩ-Nekɛbɩ dɩɩra na Yabɩneɛl dɩɩra a jal dã Lakum dɩɩra sa jal cu Jʋrdɛ̃ mɩɩra. 34 Wi lõ paar, pɛl kɛrɛ na Ajɩnɔtɩ-Tabɔɔr dɩ khʋʋ, a the liir a jal thʋ Hukɔkɩ dɩɩ. Gɩ thʋrɛ Jabʋlɔ̃ɔ məlsɔɔ bə̃ wi phã paar ɲɔ̃bɩlana na Ajɛɛrɩ məlsɔɔ bə̃ wi lõ paar, na Judaa məlsɔɔ bə̃, sɩ Jʋrdɛ̃ mɩɩr ha wi phã paar. 35 Dɩɩsɔɔkɛ wɩ kɔɔ mɩnɩ gʋʋsɔ a kpalalɔ: Sɩdɩmɩ, Sɛɛr, Hamatɩ, Rakatɩ, Kɩnerɛtɩ, 36 Adama, Rama, Hasɔɔr, 37 Kedɛsɩ, Edireyi, En-Hasɔɔr, 38 Ɩrɔ̃, Mɩgɩdal-Ɛl, Horɛm, Bɛtɩ-Anatɩ, Bɛtɩ-Semɛsɩ. Gɛr fɛw gbɛbɩrɛ ha dɩɩ kpelẽ phe bire na agɩ dɩ bisɔ. 39 Thale Nɛfɩtalɩɩ mǝlsɔɔ thɩ ha mɔna awɩ thɩ kɔ̃sɔ hanɩ. Ga dɩsɔɔle gɩ, na agɩ dɩ bisɔ.
Dãa mǝlsɔɔ thɩɩkɛ lɩɩ nɩrɔnɩ \ref Jǝn 49. 16-17; Dǝt 33.22; So 18
40 Ɲɛ̃be makoɲɔ paarɩɩkɛ lɩɩ nɩrɔnɩ dʋɔn Dãa mǝlsɔɔ thɩ mɔna awɩ thɩ kɔ̃sɔ hanɩ. 41 Dɩsɔɔkɛ hanɩ awɩ bənnə ha gɩrɛ: Sora, Ɛsetaɔl, Ɩɩr-Semɛsɩ, 42 Saalabɛ̃, Ayalɔ̃, Ɩtɩla, 43 Elɔ̃, Tɩmna, Ekʋrɔ̃, 44 Ɛlteke, Gɩbetɔ̃, Baalatɩ, 45 Yehudɩ, Bene-Berakɩ, Gatɩ-Rɩmɔ̃. 46 Wɛr hɩna Yaarkɔ̃ na Rakɔ̃ ɲʋɔnsɔ na bə̃ ʋrɛ pɛnɩ ƴɩɛ Jafa dɩɩra.
47 Dãa mǝlsɔɔ 'leere awɩ bə̃; dɩ wɩ ɩɩrɛ jʋʋn a kena Lesɛmdara, a kʋʋr Lesɛmdara cacaca na bajɩna, sa tee dɩɩ a tooro; a gba awɩ thɩ kɔ̃tɩ̃ɩ i Dã, a dʋʋ. 48 Thale Dãa mǝlsɔɔ thɩ ha mɔna awɩ thɩ kɔ̃sɔ hanɩ. Ga dɩsɔɔle gɩ, na agɩ dɩ bisɔ.
Ɩjɩrayɛl bɩsana har Jojue Tɩmna-Sera dɩɩ \ref Joj 14.6-15; Eje 45.7-8
49 A gele karɔ, ɔbɔɔkɛ Ɩjɩrayɛl bɩsana tɩnɛnɩ Kanãa dɩɩra awɩha pɩ, wɩ har Nunii bikuun Jojue thɩɩ awɩ thɩ̃thɩɩn. 50 Mɔna Thãgba Kɔ̃tɩn so warnɩ, wɩ har Jojue Tɩmna-Sera dɩɩkɛ hanɩ Efɩrayɩmɩ mǝlsɔɔ gɔ̃gɔ̃ bənnə, kɛ a kɔɔ bɩɛlnɩ. Dɩ Jojue mɩ dɩɩra a tooro. 51 Thale thɩɩsɔɔra ha, kɛ Eleajaar bonɩ jidaar na Nunii bikuun Jojue na Ɩjɩrayɛl bɩsanaa cɔdaar kõ yʋsɔɔ lɩnɩ lɩɩ sa tɩnɛ. Thãgba Kɔ̃tɩnɩ ƴɛra, wɩ cʋʋ gelela, Thãgba cãa wa lõfonʋɔra Sɩlo dɩɩra. Thale wɩ tɩnɛ Kanãa dɩɩra fɛw a pɩ.