Thɩɩkɛ wɩ hanɩ Manasee ca kur. \ref Ther 27.1-11; 36; Joj 16.6; 8-10; So 1.17
17
1 Jojɛfɩɩ caca bikuun Manasee mǝlsɔ 'lɛr dakha awɩ thɩ. Manasee caca bikuun Makɩɩr kɛ dɔnɩ Galaadɩ thɩ, kɔɔ 'lɛr Galaadɩ bəən na Basã bǝən, gɩdonɩ koken kpɩɛ a kɔɔ do. 2 Manasee məlsɔ wɩrɛ sɛnɩ kɔɔ 'lɛr thɩɩ mɔ̃kɛ awɩ thɩ kɔ̃sɔ hanɩ. Wɛr ha wɩrɛ: Abiejɛɛr bikũusɔ, Helɛkɩ bikũusɔ, Asɩrɩyɛlɩ bikũusɔ, Sekɛm bikũusɔ, Hefɛɛr bikũusɔ, Semɩdaa bikũusɔ. Wɛr dɔ Jojɛfɩ bikuun Manasee bikũusɔ mɔ̃kɛ awɩ thɩ kɔ̃ hanɩ. 3 Manase kɔna Makɩɩr, dɩ Makɩɩr gba kɔ̃ Galaadɩ, dɩ Galaadɩ gba kɔ̃ Hefɛɛr, dɩ Hefɛɛr gba kɔ̃ Selofɩhadɩ. Selofɩhadɩ na kɔɔ kɔ̃ kũubirǝ', khebir haar a kɔ̃ awɩ isɔ ha wɩrɛ: Mala, Nɔa, Hogɩla, Mɩlka, na Tɩɩrsa. 4 Kheminǝǝle jaal yɩ bonɩ jidaar Eleajaar na Jojue Nunii bikuun na Ɩjɩrayɛl bɩsanaa ƴɛkʋʋldasɔ a so war: Thãgba Kɔ̃tɩn kɔɔ sor Mʋɩjɩra a hana sɩ thɩɩ asɩ omɩsɔɔ thɩ̃thɩɩn. Dɩ wɩ ha wɛr thɩɩ awɩ thɩɩ omɩsɔɔ thɩ̃thɩɩn mɔna Thãgba Kɔ̃tɩn kɔɔ sonɩ. 5 Dɩ mɔ̃ wɩ lɩnɩ lɩɩ, wɩ har Manasee mǝlsɔ thɩɩ, paar yʋɔr a ɓã Galaadɩ bəənnə na Basã bəənnəəkɛ hanɩ Jʋrdɛ̃ wi phã paar. 6 Dɩ mɛ̃ Manasee thɩ kɔ̃sɔra wɩ har kuminə a hana dakha khɛr ekha thɩɩ awɩ məlsɔɔ thɩ̃thɩɩn, sɩ Galaadɩ bəən do ɔɔ mǝl wɩrɛ sɛnɩɩda.7 Manasee mǝlsɔɔ pɛl fʋrɛ Ajɛɛrɩ məlsɔ pɛlla a ka Mɩkɩmeta dɩɩra, Sɩsɛm wi phã paar, a gbũ wi phã paar ɲɔ̃bɩlana, a jal dã En-Tapʋadaraa bəənnə. 8 Manasee məlsɔ hɩna En-Tapʋa bǝǝn, sɩ Efɩrayɩm bikũusɔ hɩ̃ Tapʋa dɩɩkɛ hanɩ Manasee mǝlsɔɔ pɛla. 9 Pɛl ther le a gbũ jal thʋ Kana ɲɔ kɔlɔna wi phã paar ɲɔ̃bɩlana. Efɩrayɩmɩ mǝlsɔ hɩna gaa dɩsɔɔle Manasee mǝlsɔ dɩ thɩ̃thɩɩn. Manasee pɛl ɲɔ kɔlɔnaale wi phã paar ɲɔ̃bɔɔra, jaal a cu Mediterane laɲʋɔnna. 10 Efɩrayɩmɩ məlsɔ hɩna bə̃əkɛ hanɩ wi phã paar ɲɔ̃bɩlana, dɩ Manasee məlsɔ hɩ̃ bə̃əkɛ hanɩ ka wire na n jalnɩ dɩ pɛ ɲɔ̃bɔɔ, sɩ Mediterane laɲʋɔn do awɩ khɩɛr pa. Manasee məlsɔɔ pɛl thʋrɛ Ajɛɛrɩ məlsɔɔ bǝ̃ wi phã paar ɲɔ̃bɔɔra, a thʋ Ɩsakaarɩ məlsɔɔ bǝ̃ wi phã paar. 11 Ɩsakaar na Ajɛɛrɩ bǝnnǝ, Manase hananɛ le dɩɩsɔ; gɛr ha gɩrɛ: Bɛtɩ-Sẽa na ɔɔ dɩ bisɔ, Ɩbɩleham na ɔɔ dɩ bisɔ. Dɔɔrdaraa dɩ na awɩ dɩ bisɔ, Eyɩn-Dɔɔrdaraa dɩ na awɩ dɩ bisɔ, Taanakɩdaraa dɩ na awɩ dɩ bisɔ, Megɩdodaraa dɩ na awɩ dɩ bisɔ. Bǝǝn yẽther gɩ. 12 Manasee mǝlsɔ na puno a weele Kanãadaraakɛ hanɩ dɩɩsɔɔraala', dɩ wɩ hale tooro. 13 Dɩrakɛ bɔɔkɛ Ɩjɩrayɛl bɩsana 'lɛnɩ punone, wa puno a weele wa', sɩ wɩ wur wer a pɛ dee thɔmana.
14 Wi bɩɛl Jojɛfɩɩ mǝlsɔ jaal yɩ Jojue a sʋʋraa: Mɔ̃ dɔ nɔɔ dɩ fɩ ha sɩ pa bɩɛl dɩbara sɛrɛɛkɛ Thãgba Kɔ̃tɩn bɔnanɩ sa jɔr kpãkpalã ga.» 15 Dɩ Jojue birse wɩ: «Ado nɩ dor tɩbɩlaakɛ jʋɔnɔnɩ, dɩɩ do gɔ̃gɔ̃ bǝ̃ǝkɛ wɩ hanɩ Efɩrayɩm 'lũ narɛ, nɩ jala luu a kpoore paar Perejɩdara na Refayɩm mǝlsɔɔ dʋɔ. 16 Dɩ Jojɛfɩɩ mǝlsɔ so: «Gɔ̃gɔ̃ bǝǝn le na dã sa'; dɩrakɛ wo Kanãadaraakɛ hanɩ ɓɛlɛnɔ, na wɩrɛ hanɩ Bɛtɩ-Sẽa na ɔɔ dɩ bisɔ, na wɩrɛ hanɩ Jɩjɩreyɛl ɓɛlɛnɔ, wɩ hananɛ ther koke hotorosɔ. 17 Dɩ Jojue so Jojɛfɩɩ mǝlsɔɔkɛ dɔnɩ Efɩrayɩmɩ ca na Manasee cara: «Nɩ jɔrɛ, dɩ anɩ fãga kpɛrrɛ, na 'lɛ bǝ̃ bɩɛl dɩbara ga. 18 Sɩ na 'lɛr gɔ̃gɔ̃ bǝǝn a luu a dorakɛ, nɩ kpoor fɛw a do anɩda. Na weelele Kanãadara narakɛ awɩ the koke hotorosɔ na awɩ fãga fɛw.»