Thɩɩkɛ wɩ hanɩ Efɩrayɩmɩ məlsɔ na Manasee mǝlsɔ. \ref Joj 17; Dǝt 33.13-16
16
1 Thɩɩkɛ wɩ hanɩ Jojɛfɩɩ bikũusɔ mɔ̃kɛ awɩ thɩ kɔ̃ hanɩ, fʋrɛ Jʋrdɛ̃ mɩɩra khonǝni Jeriko, Jeriko ɲʋɔsɔɔra wi phã paar, a the le a lõ bǝ̃ kpararaakɛ thɛnɩ Jeriko a jʋʋn Betɛl gɔ̃gʋɔnnɔ. 2 Gɩ kpãasɛrɛ Betɛl a jal Luuji a the le a kana Atarɔtɩ dɩɩ, a jal Arkadaraa pɛla. 3 Gɩ ther liir, a gbũ wi lõ pa khɔra Yafɛlɛtɩ mǝlsɔɔ pɛla, a kpãasɛ Bɛtɩ-Horɔnaakɛ hanɩ tɩɛr na Gejɛɛr dɩɩra sa jal cu Mediterane laɲʋɔnna. 4 Gɛr dɔ thɩɩkɛ Jojɛfɩɩ bikũusɔ Manase na Efɩrayɩm, awɩ məlsɔ 'lɛnɩ.5 Yɛkɛ Efɩrayɩmɩ mǝlsɔɔ pɛl mɔ̃kɛ awɩ cɔ kasɔ hanɩ. Awɩ bə̃ fʋrɛ wi phã paar, Atarɔtɩ-Adaar dɩɩra a jʋʋn dã Bɛtɩ-Horɔnaakɛ hanɩ ƴũu, 6 a the liir a jal khu Mediterane laɲʋɔnna. Gɩ ther wi phã paar ɲɔ̃bɔɔra a kana Mɩkematɩ khʋʋ, a kɛrna wi phã pa bilo Taarnatɩ-Silo khɔra a kpãasɛ jal Yanoa dɩɩra, 7 a the le Yanoa dɩɩra, a gbũ Atarɔtɩ na Naara dɩɩra a jal cu Jeriko, sa gbũ khu Jʋrdɛ̃ mɩɩra. 8 Gɩ ther Tapua dɩɩra a jalna wi lõ pa bilo Kana ɲɔ celanɛna a jal khu Mediterane laɲʋɔnnɔ. Thale Efɩrayɩmɩ mǝlsɔɔ thɩɩkɛ wɩ 'lɛnɩ, ha mɔ̃kɛ awɩ thɩ kɔ̃ hanɩ. 9 Wɩ ɓã warɛ dakha dɩɩsɔɔkɛ wɩ thɩɩn wɩnɩ Manasee mǝlsɔɔ thɩ̃thɩɩn na agɩ dɩ bisɔ. 10 Efɩrayɩmɩ mǝlsɔ na kɔɔ weele Kanãadaraakɛ hanɩ Gejɛɛra'. Dɩ Kanãadara toore awɩ thɩ̃thɩɩn a dana nĩ; sɩ Efɩrayɩmɩ mǝlsɔ wur wer a pɛ dee thɔmana.