Thɩɩkɛ wɩ hanɩ Judaa mǝlsɔ \ref Ther 34.2-6; Joj 18.15-20; Jǝn 49.11-12
15
1 Thɩɩkɛ wɩ hanɩ Judaa mǝlsɔ mɔ̃kɛ awɩ cɔ kasɔ hanɩ, jalnanɛ Edɔ̃ pɛl khʋʋ, a gbana Sɩn bǝ̃ kpararakɛ dɔnɩ khu paar, wi phã paar ɲɔ̃bɩlana. 2 Awɩ pɛl le wi phã paar ɲɔ̃bɩlana fʋrɛ laɲɔ̃ khiree pɩpɩɩ pa thɩ khɩɩraakɛ gɔnɩ lõ laɲʋɔnɔ, kɛ pɛnɩ Negɛvɩra ƴɩɛ. 3 A jaal khu mɔ̃ fa n jʋʋnɩ Akɩrabɩm gɔ̃gɔ̃ wi phã paar ɲɔ̃bɩlanɔ, a jal the Sɩn sa jʋʋn Kadɛsɩ-Baarnea wi phã paar ɲɔ̃bɩlana, a the liir, a kana Hɛsɩrɔ̃ a jal dã Adaar, sa kɛrna Kaarkaa khʋʋ, 4 a jal the Asɩmɔ̃ sa khu Ejipiti ɲɔ kɔlɔna, pɛlaakɛ jalanɩ cu Mediterane laɲʋɔnnɔ. Thale Judaa mǝlsɔɔ pɛlɩkɛ hanɩ wi phã paar ɲɔ̃bɩlana, ka. 5 Wi phã paar, laɲɔ̃ khire dɔ pɛl a jal dã ka Jʋrdɛ̃ mɩɩr ɲʋɔn n celnanɩ dɩ lõ laɲɔ̃ khirera. Dɩ ka Jʋrdɛ̃ mɩɩr ɲʋɔn n lonanɩ laɲɔ̃ khirera, pɛl fʋrɛ thɩ khɩɩraakɛ gɔnɩ lõ laɲɔ̃ khirera wi phã paar ɲɔ̃bɔɔra . 6 Pɛl jʋʋnɛ na Bɛtɩ-Hogɩla dɩ khʋʋ a kana Bɛtɩ-Araba dɩɩ wɩ phã paar ɲɔ̃bɔɔra, a pho jal dã Ribɛ̃ɛ bikuun Bohanɩ boka, 7 pɛl kar na Akɔɔr ɓɛlɛ̃ a jʋʋn Debiir dɩɩra, sa jalna Gɩlgal khʋʋ wi phã ɲɔ̃bɔɔra, kɛ pɛnɩ ƴɩɛ Adumɩm jʋʋn paar, kɔlɔnaakɛ hanɩ wi phã paar ɲɔ̃bɩlana. Gɩ fɛr En-Semɛsɩ ɲʋɔsɔ sa jal cu En-Rogɛl ɲʋɔnnɔ. 8 Gɩ ther liir a kana Hɩnɔm ɓɛlɛ̃ a jʋʋn Jebusɩraakɛ dɔnɩ Jerujalɛm gɛlɔ wi phã paar ɲɔ̃bɩlana, a the liir a jʋʋn gɔ̃gʋɔnnaakɛ pɛnɩ ƴɩɛ Hɩnɔm ɓɛlɛna, wi lõ paar, Refayɩm mǝlsɔ ɓɛlɛ̃ khu pa, wi phã paar ɲɔ̃bɔɔra. 9 Pɛl ther liir gɔ̃gɔ̃ yʋɔ, a kɛr jal dã Nɛfɩtʋa ɲʋɔsɔ, a kpãsɛ liir a kana dɩɩsɔɔkɛ hanɩ Efʋrɔ̃ɔ gɔ̃gɔ̃ khɔra, sa kɛrna Baala dɩɩ kɛ wɩ n wenɩ dakha Kɩrɩyatɩ-Yearɩm. 10 Gɩ ther liir Baala a kɛrna wi lõ pa bilu Seyir gɔ̃gʋɔn khɔra a kana lu gɔ̃gɔ̃ horʋ kɛ wɩ n wenɩ dakha Kesalɔ̃ gɔ̃gɔ̃ a gbũ Bɛtɩ-Semɛsɩ dɩɩra sa ka Tɩmɩna dɩɩra. 11 Gɩ jaal thʋ Ekʋrɔ̃ dɩ gɛlʋ wi phã paar ɲɔ̃bɔɔra sa gɔ a birnǝ Sɩkarɔ̃ dɩ khʋʋ, a the Baala gɔ̃gʋɔnnɔ a jal dã Yabɩne dɩɩ, sa jal cu Medɩterane laɲʋɔnnɔ. 12 Medɩterane laɲʋɔn na ɔɔ gẽgere, dɔ pɛl wi lõ pa bilo. Thale Judaa mǝlsɔɔ pɛl fi mɔ̃kɛ awɩ thɩ kɔ̃sɔ hanɩ.13 Wɩ har Yefunee bikuun Kalɛbɩ thɩɩ Judaa mǝlsɔ thɩ̃thɩɩn mɔna Thãgba Kɔ̃tɩn kɔɔ sonɩ Jojuera. Wɩ haarɛ Kɩrɩyatɩ-Arba kɛ dɔnɩ Ebʋrɔ̃. Aarba dʋɔn Anakɩɩ mǝlsɔɔ thɩ kɔ̃tɩ̃. 14 Dɩ Kalɛbɩ weelele Anakɩɩ mǝlsɔ yẽtherɩ məlsɔ: Sesayɩɩ məlsɔ, na Ahɩmãa məlsɔ, na Talmayɩɩ məlsɔ. 15 Kalɛbɩ ther le Ebʋrɔ̃ a jʋʋn kena Debiirdara. Debiira wɩ n kɔɔ we Kɩrɩyatɩ-Sefɛɛr mamara. 16 Kalɛbɩ sor aa tibil wo tibilikɛ na punoneni Kɩrɩyatɩ-Sefɛɛrdara sɩ na tee dɩɩ, ɩna haarɛ ɩnɩ bikhɛr Akɩsa da he. 17 Dɩ Otɩnɩɛl, kɛ dɔnɩ ɔɔ õkuun Kenaajɩ bikuun puno wer sa tee dɩɩ, dɩ haa ɔɔ bikhɛr Akɩsa dɩ he. 18 Dabɔɔkɛ Akɩsa lonɩ ɔɔ ko Otɩnɩɛlɩ cɔ, a tɔr ɔɔ ko pɛr a bɩɛlɛ ɩnɩɩ thɩra thɩɩ. A gele pɩ a jʋʋnɛ ɔɔ kũkə̃ a jal ɔɔ thɩ Kalɛbɩɩ pa, dɩ Kalɛbɩ bulee: «Aɲe fɩ hana ƴaalɛ ya ɩ̃ bikhɛrɩ?» 19 Dɩ birsee: « Bɔna mɩ. Thɩɩraakɛ fɩ pɛ mɩnɩ, thɩ kparaa gɩ. Hana mɩ ɲɔ bu kanasɔ.» Dɩ haa ɲɔ bu kanaakɛ hanɩ gɔ̃gɔnana, na ɲɔ bu kanaakɛ hanɩ ɓɛlɛnɔ. 20 Gɛr dʋɔn Judaa mǝlsɔɔ thɩ kɔ̃sɔɔ thɩɩkɛ wɩ 'lɛnɩ. 21 Dɩɩsɔɔkɛ hanɩ Judaa mǝlsɔɔ bə̃ khu pa, jalanɩ Edɔ̃ pɛla Negɛvɩ bǝǝnnǝ ha gɩrɛ: Kabɩseɛl, Edɛɛr, Yaguur, 22 Kɩna, Dɩmona, Adeada, 23 Kedɛsɩ, Hasɔɔr, Ɩtɩnã, 24 Jɩfɩ, Telɛm, Bealɔtɩ, 25 Hasɔɔr-Hadata, Kerɩyɔtɩ-Hɛsɩrɔ̃ kɛ wɩ n wenɩ dakha Hasɔɔr, 26 Amam, Sema, Molada, 27 Hasaar-Gada, Hɛsemɔ̃, Bɛtɩ-Pelɛtɩ, 28 Hasaar-Sual, Bɛɛrseba, Bɩjɩotɩa, 29 Baala, Ɩyɩm, Esɛm, 30 Ɛlɩtoladɩ, Kesɩl, Hɔɔrma, 31 Sɩkɩlagɩ, Madɩmana, Sanesana, 32 Lebaɔtɩ, Sɩlɩm, En-Rɩmɔ̃, dɩɩ fɛw har kpelẽ yʋɔr phe bire na agɩ dɩ bisɔ.a
33 Dɩ gɩrɛ hanɩ ɓɛ̃tɛw ha gɩrɛ: Ɛsetaɔl, Sora, Asena, 34 Janoa, En-Ganɩm, Tapua, Enam, 35 Yaarmuti, Adulamɩ, Soko, Ajeka, 36 Saarayɩm, Adɩtayɩm, Gedera, na Gederotayɩm; dɩɩ yʋɔr yenã gɩ na agɩ dɩ bisɔ. 37 Senã, Hadasa, Mɩgɩdal-Gadɩ, 38 Dɩlã, Misipe, Yɔkɩteɛl, 39 Lakɩsɩ, Bɔsɩkatɩ, Egʋlɔ̃, 40 Kabɔ̃, Lahema, Kɩtɩlɩsɩ, 41 Gederɔtɩ, Bɛtɩ-Dagɔ̃, Naama, na Makeda, dɩɩ yʋɔr maadõ na agɩ dɩ bisɔ. 42 Lɩbɩna, Etɛɛr, Asã, 43 Ɩfɩta, Asena, Nɛsɩbɩ, 44 Keyɩla, Akɩjɩbɩ na Maresa; dɩɩ yʋɔr phe bire gɩ na agɩ dɩ bisɔ. 45 Ekʋrɔ̃ na dɩ gɩrɛ ɓana arnɩ na ɔɔ dɩ bisɔ, 46 fɔnɩ Ekʋrɔ̃ na dɩɩsɔ fɛʋʋkɛ hanɩ wi lõ paar Asɩdɔdɩ khɔra na agɩ dɩ bisɔ, 47 Asɩdɔdɩ dɩɩ na ɔɔ dɩsɔ na ɔɔ dɩ bisɔ; Gaja dɩɩ na ɔɔ dɩsɔ na ɔɔ dɩ bisɔ a jal dã Ejipiti ɲɔ kɔlɔna a kpãasɛ dã Mediterane laɲɔ̃ gẽgerena.
48 Dɩɩsɔɔkɛ hanɩ gɔ̃gɔ̃ bəənnə dʋɔn: Samɩɩr, Yatɩɩr, Soko, 49 Dana, Kɩrɩyatɩ-Sana, kɛ wɩ n wenɩ wo Debiir, 50 Anabɩ, Ɛsɩtemoa, Anɩmɩ, 51 Gosɛn, Holɔ̃, na Gilo; dɩɩ yʋɔr bɩɛl gɩ na agɩ dɩ bisɔ, 52 Arabɩ, Ruma, Esã, 53 Yanumɩ, Bɛtɩ-Tapua, Afeka, 54 Humeta, Kɩrɩyatɩ-Arba, kɛ wɩ n wenɩ wo Ebʋrɔ̃, na Sɩwɔɔ; dɩɩ yʋɔr phe bire gɩ na agɩ dɩ bisɔ. 55 Maɔ̃, Kaarmɛl, Jɩfɩ, Yuta, 56 Jɩjɩreyɛl, Yɔkɩdeamɩ, Janoa, 57 Kayɛ̃, Gɩbea, Tɩmna; dɩɩ yʋɔr gɩ na agɩ dɩ bisɔ. 58 Halul, Bɛtɩ-Suur, Gedɔɔr 59 Maaratɩ, Bɛtɩ-Anɔtɩ na Ɛl-Tekɔn; dɩɩ maadõ gɩ na agɩ dɩ bisɔ. 60 Kɩrɩyatɩ-Baal, kɛ n dɔnɩ wo Kɩrɩyatɩ-Yearɩm na Raba; dɩɩ yeɲɔ gɩ na agɩ dɩ bisɔ. 61 Dɩ gɩrɛ hanɩ bə̃ kparara ha: Bɛtɩ-Araba, Mɩdɩn, Sekaka, 62 Nɩbesã, Ɩɩr-Mela na En-Gedi; dɩɩ maadõ gɩ na agɩ dɩ bisɔ. 63 Judaa mǝlsɔ na kɔɔ puno a weele Jebusɩdaraakɛ hanɩ Jerujalɛm ga. Dɩ wɩ toore kha Jerujalɛm a dana nĩ.