Jamanasɔɔkɛ Ɩjɩrayɛl bɩsana kʋʋrnɩ. \ref Ther 21.21-35; Dǝt 2.34-37; 3.1-16
12
1 Yɛkɛ jamanasɔɔkɛ Ɩjɩrayɛl bɩsana kʋʋrnɩ Jʋrdɛ̃ iiro wi phã paar sa tee awɩ dɩsɔ. Wɩ taarɛ dɩɩsɔɔkɛ jalananɩ wi phã paar, a fʋna Arnɔ̃ kɔlɔna a jalla dana Hɛrmɔ̃ gɔ̃gʋɔna, a gbana Jʋrdɛ̃ mɩɩr bilo wi phã pa bilo fɛw.2 Sɩhɔ̃, kɛ dɔnɩ Amɔɔr məlsɔ jamana kɔɔ hãa Hɛsɩbɔ̃ dɩɩra. Ɔr n kɔɔ kʋmadɩnɛ fɔnɩ Aroyɛr dɩɩraakɛ hanɩ Arnɔ̃ kɔlɔ̃ nʋɔra a jalna dana kɔlɔ̃ thɩ̃thɩɩn; a fʋ Galaadɩ bǝ̃ thɩ̃thɩɩn a jalna dana Yabɔkɩ kɔlɔ̃, kɛ hanɩ Amɔ̃ɔ mǝlsɔɔ pɛlla. 3 Ɔrra hɩna Jʋrdɛ̃ bilo wi phã paar, fʋɔnɩ Jenejarɛtɩ peru a jal dã laɲɔ̃ khire wi phã paar Bɛtɩ-Yesɩmɔtɩ nʋɔra, na dakha bǝǝnnikɛ hanɩ Pɩsɩga gɔ̃gɔ̃ horo wi phã paar ɲɔ̃bɩlana. 4 Ɔgɩɩkɛ dɔnɩ Basã jamana kɔɔ hãa Asɩtarɔtɩ na Edireyi dɩɩraa. Ɔr dɔ bɩɛl pɩpɩɩdararaakɛ sɛnɩ na yire Refayɩtɩsɔra. 5 Ɔr n kɔɔ kʋmadɩnɛ Hɛrmɔ̃ gɔ̃gʋɔnnɔ na Salka bəən na Basã fɛw a jalna dana Gesuurdara na Maakadaraa pɛlla a jalna dana Galaadɩ thɩ̃thɩɩn Hɛsɩbɔ̃ jamana Sɩhɔ̃ pɛlla. 6 Thãgba Kɔ̃tɩnɩ thɔ̃daar Mʋɩjɩ na Ɩjɩrayɛl bɩsana kɔɔ kʋʋr wɛr, agɩpɩ Mʋɩjɩ gba awɩ dɩsɔ a ha Ribɛ̃ɛ mǝlsɔ na Gadɩɩ mǝlsɔ na Manasee ca kur.
7 Yɛkɛ jamanasɔɔkɛ Jojue kʋʋrnɩ Jʋrdɛ̃ wi lõ paar, fɔnɩ Baal-Gadɩ bǝǝn Lɩbã ɓɛlɛna a jal dã Halakɩ gɔ̃gʋɔnnakɛ hanɩ Seyir bə̃ khɔra. Jojue gbaar awɩ dɩsɔ a tɩnɛ Ɩjɩrayɛl bɩsana mɔ̃ awɩ casɔ hanɩ. 8 Paarsɔlera dʋɔn: gɔ̃gɔ̃ bǝǝn na dɩɩsɔɔkɛ hanɩ ɓɛ̃tɛw, na Jʋrdɛ̃ pobã na bə̃ gɩrɛ hanɩ gɔ̃gɔ̃ horosɔ, na bǝ̃ kpara, na Negɛvɩ bǝǝn, Hɛtɩɩ mǝlsɔ na Amɔɔr məlsɔ na Kanãadara na Perejɩdara, na Hɩvɩtɩsɔ na Jebusidaraa bə̃sɔ gɩ.
9 [Jamanasɔɔra ha wɩrɛ]: Jeriko jamana, Ayɩ, kɛ hanɩ Betɛl khɔraa jamana, 10 Jerujalɛm jamana, Ebʋrɔ̃ jamana, 11 Yarmuti jamana, Lakɩsɩ jamana, 12 Egʋlɔ̃ jamana, Gejɛɛr jamana, 13 Debiir jamana, Gedɛɛr jamana, 14 Hɔɔrma jamana, Aradɩ jamana, 15 Lɩbɩna jamana, Adulamɩ jamana, 16 Makeda jamana, Betɛl jamana, 17 Tapua jamana, Hefɛɛr jamana, 18 Afɛkɩ jamana, Sarɔ̃ jamana, 19 Madɔ̃ jamana, Hasɔɔr jamana, 20 Sɩmʋrɔ̃-Merɔ̃ jamana, Akesafɩ jamana, 21 Taanakɩ jamana, Megɩdo jamana, 22 Kedɛsɩ jamana, Yɔkɩneam kɛ hanɩ Kaarmɛlɩɩ jamana, 23 Dɔɔr kɛ hanɩ gɔ̃gʋɔnnaa jamana, Goyɩm kɛ khunǝni Galɩle jamana, 24 Tɩɩrsa jamana. Jamana fɛw gbɛbɩrɛ ha kpelẽ yʋɔr bɩɛl.