Mɔ̃ so gʋʋrɛ teenanɩ gɩ hana
25
1 Ɔbɔɔkɛ tɩbɩla na hananɩ kha sʋʋ a na ɩ̃ wɩ gʋrɛ nɩ, nɩ faa ʋrɛ na hananɩ dɩa', sa heene ʋrɛ dɛnɩ sor. 2 Ado ʋrɛra dɛnɩ teenanɛ ber, so gʋʋrdaar n cʋɛ wɩ pɩɛ thɩɩra ɔɔ ƴɛra, sɩ a pɛr wɩ bɩɩ be nʋɔ gɩ mɩɛ kha na mɔna ɔɔ dɩpa hanɩ. 3 A na n do wɩ bɩɩ be nʋɔ gɩ pho kpalaɲɔa', a gɩ pho thale na sʋʋrɛ anɩ omɩ.4 Na n li na nʋɔ ɔbɔɔkɛ a n sanɩ bilǝ'.
Khikhɛr gbaar \ref Gen 38 : 7-11; Rut 4:1-10
5 A õkona yeɲɔ too kha dɩ bɩɛl khi sɩ aa hana bɩsaana', khĩdii khɛrɩle na n gba tɩɩ khɩɩ jɩɛra ga, sɩ ɔɔ koo õkuun na gbaanɛ na he, a cʋʋra gɩrɛ teananɩ a cʋɛ. 6 Caca kũubirikɛ khɛrra na kɔnɩ, khĩdii irǝ wa haa gɩ do nɔɔ ɔɔ thɩɩ iile na n ti Ɩjɩrayɛl dɩɩra ga. 7 A kuunile bo ɩna n gba ɩnɩ õkuunɩ khɛra', khɛra n jala kɔ̃tɩnaa pa dɩ lõfonɔɔ a sɔ: «Ɩ̃ koo õkuun bor ɩna n cʋʋ ɩnɩ õkuuni i gɩ too Ɩjɩrayɛl dɩɩra ga ; aa ƴaal a gba mɩ a cʋʋ mar gɩrɛ teananɩ a cʋɛ mɔ̃ mɩ donɩ ɔɔ õkuuuni khikhɛra'.» 8 Dɩ kɔ̃tɩna na wɩɩrɛ a na mɩɩnaa. Dɩ aa borakɛ sa yɩ ɩna n gbaa ga, 9 khɛraa n tɔ danaa kɔ̃tɩnaa yiro, a tie nɔfaa nɔɔra, sa phiǝ ɲɔ̃thɩ̃ɩ pɩɛra ƴɩɛra; agɩpɩ a so: «Thakɛ wa cʋʋ tibilikɛ bɔnɩ ɩna n kɔ̃ mǝlle na ha ɩnɩɩ õkuuna'.» 10 Dɩ wa dʋrɛ kuunilee cɔ ire Ɩjɩrayɛl dɩɩra: "Nɔfaa forthee cɔ."
11 A kona yeɲɔ na be kha, dɩ bɩɛlɩ khɛr tɔ dã ɩnɩ n taa ɩnɩ ko ɔɔ sodaar ɲɔ̃kɔɔ a ti ɲɔ̃ɔ a fʋ ɔɔ koo sodaar kpɔ, 12 nɩ kuro khɛrɩle ɲɔ̃ɔ na n jɩɩ bʋɔra ga.
Fɩl sar hananɛ ƴabɩ hʋɛra \ref Mal 6:10-11; Ja 5:5-11; Dǝt 32:43.
13 Na n hana thɩ̃ dʋbɩ mɩɛda caar yeɲɔ dadʋbɩ na dahaba anɩ lokara a na yunə ga. 14 Na n hana thɩ̃ mɩɛda caar yeɲɔ dakɔ̃tɩ̃ɩ na dabuǝ' anɩ cɔ a na yunə tɩbɩla ga. 15 Nɩ hanana thɩ̃ dʋbɩ mɩɛda telẽe na thɩ̃ mɩɛdaakɛ telenenɩ gɩ do nɔɔ anɩ yi n pʋɔr dɩɩraakɛra Thãgba Kɔ̃tɩn anɩ Thãgba n ha nɩnɩ, 16 gɩdonɩ Thãgba Kɔ̃tɩn anɩ Thãgba n ƴʋɔnɛ tibil wo tibilikɛ n yuonɩ ga yu caale.
Thãgba yɩ Ɩjɩrayɛl bɩsana n bũburone Amalɛkɩɩ mǝlsɔ
17 Nɩ jɛna gɩrɛɛkɛ Amalɛkɩɩ mǝlsɔ cʋʋ nɩnɩ hʋɛra ɔbɔɔkɛ nɩ thenɩ Ejipiti, 18 mɔ̃ wɩ khɛbɩ nɩnɩ hʋɛra ɔbɔɔkɛ nɩ gbɛ̃gbɛlnɩ koo a tɛna wɩrɛ n dĩdiǝnenɩ khiro. Wɩ dor thɔ̃ caale gɩdonɩ wa hana Thãgbara maara'. 19 Ɔbɔɔkɛ Thãgba Kɔ̃tɩn anɩ Thãgba na taa nɩnɩ anɩ sodararaakɛ diǝ narnɩ ɲɔ̃kɔɔ, a ha nɩ hɩɩrɛ dɩɩraakɛra Thãgba Kɔ̃tɩn anɩ Thãgba n ha nɩnɩ nɩ hɩna, nɩ bũburone Amalɛkɩɩ mǝlsɔ thɩɩra, tibil bɩɛllakɛ na jɩna awɩda bã. Na n diinǝ gaa dɛ!