ƖJƖRAYƐL BƖSANAA THER SƐBƐ
ƖJƖRAYƐL BƖSANA HAR SƖNAYƖ BƏ̃ KPARAARA
Thãgba sor wɩ thera Ɩjɩrayɛl bɩsana
1
1 Ɔbɔɔkɛ Ɩjɩrayɛl bɩsana thenɩ Ejipiti dɩɩra, balaɲɔ yɩɛrɩ balaɲɔ sɩporɩ caca wirə, Thãgba Kɔ̃tɩn mɩɩnanɛ Mʋɩjɩ le Thãgba cãa waʋ Sɩnayɩ bǝ̃ kparara ayɩ: 2 Nɩ therra Ɩjɩrayɛl bɩsana fɛw mɔ̃ wɩ hanɩ caar caar na cɔ kana cɔ kana, a therra kona fɛw yʋʋ yʋʋ ntɛ na ɔɔ i. 3 Fɛrɛ na Aarɔ̃ n thera Ɩjɩrayɛl bɩsanaa sɔrasɩ gbulõsɔɔra dɩɩdɩɩ kona fɛʋʋkɛ dananɩ ko kɩɩr kɛ hananɩ yɛna kpelẽ a jʋʋna. 4 Ca bɩɛlla cɔdaar kõ bɩɛl n bulo nɩ. 5 Nɩ yɛkɛ konaakɛra na bulo nɩnɩɩ isɔ: Ribɛ̃ɛ cara: Elisuur kɛ dɔnɩ Sedewuu bikuun gɩ.6 Simeyɔ̃ɔ cara, Selumɩɛl kɛ dɔnɩ Surisadaɩ bikuun gɩ.
9 Jabɩlɔ̃ɔ cara, Elɩabɩ kɛ dɔnɩ Helɔ̃ɔ bikuun gɩ.
10 Jojɛfɩɩ bikũusɔɔra: Efɩrayɩmɩ cara, Elɩsama kɛ dɔnɩ Amɩhudii bikuun gɩ. Manasee cara, Gamalɩɛl, kɛ dɔnɩ Pedasuri bikuun gɩ.
11 Bɛ̃jamɛ̃ɛ cara, Abɩdã kɛ dɔnɩ Gɩdeonɩ bikuun gɩ.
12 Dãa cara, Ahiejɛɛr kɛ dɔnɩ Amɩsadaɩ bikuun gɩ.
13 Ajɛɛrɩ cara, Pagɩɛl kɛ dɔnɩ Okɩrãa bikuun gɩ.
14 Gadɩɩ cara, Elɩasafɩ kɛ dɔnɩ Dewɛlɩ bikuun gɩ.
15 Nɛfɩtalɩɩ cara, Ahɩra kɛ dɔnɩ Einãa bikuun gɩ.
16 Wɛr dɔ Ɩjɩrayɛl bɩsanaa casɔ kɔ̃tɩ̃sɔɔkɛ wɩ phiirnɩ awɩ thɩ̃thɩɩn, a dona dakha Ɩjɩrayɛl bɩsanaa sɔrasɩsɔɔ ƴɛkʋʋldasɔ. 17 Dɩ Mʋɩjɩ na Aarɔ̃ kpar tɩbɩlaalera wɩ wenɩ ie a phiir, 18 agɩpɩ dɩ wɩ we tɩbɩla fɛw a der balaɲɔ sɩporɩ caca wirǝ. Dɩ wɩ kherere awɩ thɩ kɔ̃ jɔfʋsɔ, mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, a ther tɩbɩla yʋʋ yʋʋ, kɛ dɔnɩ wɩrɛ hananɩ yɛna kpelẽ a jʋʋna. 19 Dɩ Mʋɩjɩ ther wer le Sɩnayɩ bǝ̃ kparara mɔna Thãgba Kɔ̃tɩn kɔɔ sʋʋraanɩ.
20 Wɩ therre Ɩjɩrayɛlɩ caca bikuun Ribɛ̃ɛ mǝlsɔɔ. Wɩ therre kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔkasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna.
21 Dɩ Ribɛ̃ɛ mǝlsɔɔkɛ wɩ thernɩ har tɩbɩla gbɩlanɩ kpalaɲɔ maadõ na taamɔy (46.500).
22 Wɩ therre Simeyɔ̃ɔ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 23 Dɩ Simeyɔ̃ɔ mǝlsɔɔkɛ wɩ thernɩ har tɩbɩla gbɩlanɩ kpalãther phe bire na tãather (59 300).
24 Wɩ therre Gadɩɩ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 25 Dɩ Gadɩɩ mǝlsɔɔkɛ wɩ thernɩ har tɩbɩla gbɩlanɩ kpalaɲɔ yemɔy na taamaadõ na kpalaɲɔ yʋɔr (45 650). 26 Wɩ therre Judaa mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 27 Dɩ Judaa mǝlsɔɔkɛ wɩ thernɩ har tɩbɩla gbɩlanɩ kpalãther yʋɔr yenã na taamaadõ (74 600). 28 Wɩ therre Ɩsakaarɩ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ, na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 29 Dɩ Ɩsakaarɩ mǝlsɔɔkɛ wɩ thernɩ har tɩbɩla gbɩlanɩ kpalaɲɔ yʋɔr yenã na taanã (54 400). 30 Wɩ therre Jabulɔ̃ɔ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 31 Dɩ Jabulɔ̃ɔ mǝlsɔɔkɛ wɩ thernɩ har tɩbɩla gbɩlanɩ kpalaɲɔ yʋɔr makoɲɔ na taanã (57.400). 32 Wɩ therre Jojɛfɩɩ bikũusɔɔ mǝlsɔ: Wɩ therre Efɩrayɩmɩ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 33 Dɩ Efɩrayɩmɩ mǝlsɔɔkɛ wɩ thernɩ har tɩbɩla gbɩlanɩ kpalaɲɔ na taamɔy (40 500). 34 Wɩ therre Manasee mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 35 Dɩ Manasee mǝlsɔɔkɛ wɩ thernɩ har tɩbɩla gbɩlanɩ kpelẽ yʋɔr yeɲɔ na taaɲɔ (32 200). 36 Wɩ therre Bɛ̃jamɛ̃ɛ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 37 Dɩ Bɛ̃jamɛ̃ɛ mǝlsɔɔkɛ wɩ thernɩ har tɩbɩla gbɩlanɩ kpalaɲɔ kuro yemɔy na taanã (35 400). 38 Wɩ therre Dãa mǝlsɔɔ kona yʋʋ yʋʋ mɔ̃ awɩ thɩ kɔ̃sɔ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 39 Dɩ Dãa mǝlsɔɔkɛ wɩ thernɩ har tɩbɩla gbɩlanɩ kpalãther yeɲɔ na taamakoɲɔ (62 700). 40 Wɩ therre Ajɛɛrɩ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 41 Dɩ Ajɛɛrɩ mǝlsɔɔkɛ wɩ thernɩ har tɩbɩla gbɩlanɩ kpalaɲɔ bɩɛl na taamɔy (41 500). 42 Wɩ therre Nɛfɩtalɩɩ mǝlsɔɔ kona yʋʋ yʋʋ mɔ̃ awɩ thɩ kɔ̃sɔ hanɩ na mɔ̃ awɩ cɔ kasɔ hanɩ, kɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna. 43 Dɩ Nɛfɩtalɩɩ məlsɔɔkɛ wɩ thernɩ har tɩbɩla gbɩlanɩ kpalaɲɔ yʋɔr yẽther na taanã (53 400). 44 Wɛr dʋɔn tɩbɩlaakɛ Mʋɩjɩ na Aarɔ̃ na Ɩjɩrayɛl bɩsanaa cɔdaar kõsɔ yʋɔr yeɲɔɔkɛ thɛnɩ caar yʋɔr yeɲɔra thernɩ. 45 Ɩjɩrayɛl bɩsanaakɛ dɔnɩ wɩrɛ dananɩ ko kɩɩr, kɛ hananɩ yɛna kpelẽ a jʋʋna, kɛ wɩ thernɩ mɔna awɩ cɔ kasɔ hanɩ, 46 har tɩbɩla gbɩlanɩ der paar taamaadõ na gbɩlanɩ yẽther na taamɔy na kpalaɲɔ yʋɔr (603 550). 47 Sɩ Levɩɩ mǝlsɔ awɩ thɩ kɔna, wa ther wɩ ɓã Ɩjɩrayɛl bɩsã welela ga.
Thɔmaakɛ telenenɩ Levɩɩ məlsɔ
48 Thãgba Kɔ̃tɩn kɔɔ mɩɩnanɛ Mʋɩjɩ ayɩ: 49 Fa n ther Levɩɩ məlsɔa', fa n ther wɩ a ɓã Ɩjɩrayɛl bɩsã welela ga. 50 Pɛ Levɩɩ mǝlsɔɔra mɛr Thãgbaa kẽkẽ wa thɔma kɛ hananɩ nɔ bɩɛl ʋlfɛ thɩmɩɩ, na ɔɔ thɔ̃ do thɩ̃bisɔ fɛw na ɔɔ thɩ̃sɔ fɛw. Wɛr dɔ wɩrɛ na n gbaanɩ mɛr Thãgbaa kẽkẽ wa na ɔɔ thɩ̃bisɔ fɛw, wɛr na n dʋɔn thɔma ɔɔ bɩnɔ, wɩ jɛ dakha wa n kpalalaa. 51 Ɔbɔɔkɛ ɩ̃ kẽkẽ wa na ɩɩrna nɩnɩ na n jal pa kpɩɩ, Levɩɩ mǝlsɔ na wɩɛrɛɛ, dɩ ɔbɔɔkɛ a na jɩɩlnɩ, Levɩɩ mǝlsɔɔra na birə na dʋʋ ka a jɩɩlnɩ. A tɩɩ khɩɩkɛ na dɔnɩ Levɩɩ mǝlǝ', tɔ danɔ wa kʋʋrɛ. 52 Ɩjɩrayɛl bɩsana n jɛ, məl dɔɔ ɔɔ jɛʋ, ɔɔ koke gbulonǝ a khonə awɩ koke dɩrapo. 53 Sɩ Levɩɩ mǝlsɔ n jɛ a kpalanɛ mɛr Thãgbaa kẽkẽ waraakɛ hananɩ nɔ bɩɛl ʋlfɛ thɩmɩɩ a na hɩnɛ gɩ, gɩ do nɔɔ ɩ̃ nĩkhi na n ɩɩr Ɩjɩrayɛl bɩsanana ga. 54 Dɩ Ɩjɩrayɛl bɩsana cʋʋrɛ mɔ̃kɛra Thãgba Kɔ̃tɩn kɔɔ sonɩ Mʋɩjɩra. Mɔ̃kɛra Thãgba Kɔ̃tɩn kɔɔ sonɩ Mʋɩjɩra, otirə wɩ cʋʋ.