Mɔ̃ Ɩjɩrayɛl caar na toonɩ jɛʋ gbulonǝ gbulonǝ
2
1 Thãgba Kɔ̃tɩn so Mʋɩjɩra na Aarɔna ayɩ : 2 Ɩjɩrayɛl bɩsana n jɛ, məl dɔɔ ɔɔ koke dɩrapo kɩrɔ kɛ hananɩ jɩɩnɩɩkɛ wɩ n jɩna wɩnɩ awɩ thɩ kɔna. Wɩ jɛ a kpalanɛ Thãgba cãa waara sɩ wa n tɔ wɔrɔ̃ɔ jɔa'. 3 Wɩrɛ na jɛnɩ wi phã paar, Judaa məlsɔɔ koke dɩrapora wa ha. Wɩ jɛ gbulona gbulona mɔ̃ awɩ sɔrasɩsɔ hanɩ. Nasɔ̃ dʋɔn Judaa mǝlsɔɔ kɔ̃tɩ̃; Amɩnadabɩɩ bikuun gɩ. 4 Ɔɔ sɔrasɩ gbulona, wɩ ther wer dɩ wɩ ha kona gbɩlanɩ kpalãther yʋɔr yenã na taamaadõ (74 600). 5 Judaa mǝlsɔɔ gɛllɔ Ɩsakaarɩ mǝlsɔ na jɛ. Netanɩɛl dʋɔn Ɩsakaarɩ mǝlsɔɔ kɔ̃tɩ̃; Suarɩ bikuun gɩ. 6 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ yʋɔr yenã na taanã (54 400). 7 Agɩpɩ Jabulɔ̃ɔ mǝlsɔ na n kpaan. Elɩabɩ dʋɔn Jabulɔ̃ɔ mǝlsɔɔ kɔ̃tɩ̃; Elɔ̃ɔ bikuun gɩ. 8 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ yʋɔr makoɲɔ na taanã (57 400). 9 Dɩ kona fɛʋʋkɛ wɩ thernɩ sɔrasɩ gbulonesɔɔraakɛ hanɩ Judaa sɔrasɩ gbulona har gbɩlanɩ der paar tamaa na gbɩlanɩ kpalanã maadõ na taanã (186 400). Wɛr na n kʋlɛ ƴɩɛ.10 Wɩrɛ na jɛnɩ ka wire na n jalnɩ dɩ pɛ ɲɔ̃bɩlã, Ribɛ̃ɛ mǝlsɔɔ dɩrapora wa ha. Wɩ jɛ gbulona gbulona mɔ̃ awɩ sɔrasɩsɔ hanɩ. Elisuur dʋɔn Ribɛ̃ɛ mǝlsɔɔ kɔ̃tɩ̃; Sedeuu bikuun gɩ. 11 Ɔɔ sɔrasɩ gbulona, wɩ ther wer dɩ wɩ ha kona gbɩlanɩ kpalaɲɔ maadõ na taamɔy (46 500). 12 Ribɛ̃ɛ məlsɔɔ gɛllɔ Simeyɔ̃ɔ məlsɔ na jɛ. Selumɩɛl dʋɔn Simeyɔ̃ɔ mǝlsɔɔ kɔ̃tɩ̃; Surisadayɩɩ bikuun gɩ. 13 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalãther phe bire na tãather (59 300). 14 Agɩpɩ Gadɩɩ məlsɔ na n kpaan. Gadɩɩ məlsɔɔra, Elɩasafɩ dʋɔn awɩ kɔ̃tɩ̃; Rewɛlɩ bikuun gɩ. 15 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ yemɔy na taamaadõ na kpalaɲɔ yʋɔr (45 650). 16 Dɩ kona fɛʋʋkɛ wɩ thernɩ sɔrasɩ gbulonesɔɔraakɛ hanɩ Ribɛ̃ɛ sɔrasɩ gbulona har gbɩlanɩ der paar tamaa na gbɩlanɩ kpalaɲɔ yʋɔr bɩɛl na taanã na kpalaɲɔ yʋɔr (151 450). Wɛr na dʋɔn balaɲɔdara wa n kpaan.
17 Agɩpɩ Levɩ mǝlsɔ na n kpaan na Thãgbaa kẽkẽ wa. Wa har caca gbulona yeɲɔɔle na pɩpɩɩ gbulona yeɲɔɔlee thɩ̃thɩɩn; wa n jaal mɔna wɩ jɛnɩ gbulona gbulona a kpa kha, ca dɔɔ na ɔɔ koke dɩrapo. 18 Wɩrɛ na jɛnɩ wi lõ paar, Efɩrayɩmɩ mǝlsɔɔ koke dɩrapora, wa jɛr gbulona gbulona mɔ̃ awɩ sɔrasɩsɔ hanɩ. Elɩsama dʋɔn Efɩrayɩmɩ mǝlsɔɔ kɔ̃tɩ̃; Amɩhudii bikuun gɩ. 19 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ na taamɔy (40 500). 20 Efɩrayɩmɩ mǝlsɔɔ gɛllɔ Manasee mǝlsɔ na Bɛ̃jamɛ̃ɛ mǝlsɔ jɛ. Gamɩlɩɛl dʋɔn Manasee mǝlsɔ kɔ̃tɩ̃; Pedasuuri bikuun gɩ. 21 Ɔɔ sɔrasɩ gbulona wɩ ther wer dɩ wɩ ha har kona gbɩlanɩ kpelẽ yʋɔr yeɲɔ na taaɲɔ (32 200). 22 Bɛ̃jamɛ̃ɛ məlsɔɔra; Abɩdã dʋɔn awɩ kɔ̃tɩ̃; Gɩdeonɩɩ bikuun gɩ. 23 Ɔɔ sɔrasɩ gbulona wɩ har kona gbɩlanɩ kpalaɲɔ kure yemɔy na taanã (35 400). 24 Dɩ kona fɛʋʋkɛ wɩ thernɩ sɔrasɩ gbulonesɔɔraale hanɩ Efɩrayɩmɩ sɔrasɩ gbulona har gbɩlanɩ der paar tamaa na makõther na kona tamaa (108 100). Wɛr na dʋɔn balãtherdara a na kpaan.
25 Wɩrɛ na jɛnɩ ka wire na n jalnɩ dɩ pɛ ɲɔ̃bɔɔ, Dãa məlsɔɔ koke dɩrapora wa jɛ gbulona gbulona mɔ̃ awɩ sɔrasɩsɔ hanɩ. Ahɩejɛɛr dʋɔn Dãa mǝlsɔɔ kɔ̃tɩ̃. Amɩsadaɩɩ bikuun gɩ. 26 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalãther yeɲɔ na taamakoɲɔ (62.700). 27 Dãa məlsɔɔ gɛllɔ Ajɛɛrɩ məlsɔ na Nɛfɩtalɩɩ məlsɔ jɛ. Pagɩɛl dʋɔn Ajɛɛrɩ mǝlsɔɔ kɔ̃tɩ̃; Okɩrãa bikuun gɩ. 28 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ bɩɛl na taamɔy (41.500). 29 Agɩpɩ Nɛfɩtalɩɩ məlsɔɔ na n kpaan; Nɛfɩtalɩɩ məlsɔɔra, Ahɩra dʋɔn awɩ kɔ̃tɩ̃; Einãa bikuun gɩ. 30 Ɔɔ sɔrasɩ gbulona wɩ ther wer dɩ wɩ ha kona gbɩlanɩ kpalaɲɔ yʋɔr yẽther na taanã (53.400). 31 Dɩ kona fɛʋʋkɛ wɩ thernɩ sɔrasɩ gbulonesɔɔraakɛ hanɩ Dãa sɔrasɩ gbulona har gbɩlanɩ der paar tamaa na kpalaɲɔ yʋɔr makoɲɔ na taamaadõ (157.600). Wɛr na dʋɔn pɩpɩɩdara na kpaanɛɛnɩ, ca dɔɔ na ɔɔ dɩrapo.
32 Ɩjɩrayɛl bɩsana fɛʋʋkɛ wɩ thernɩ cɔ kana cɔ kana, awɩ sɔrasɩ gbulõsɔɔra fɛw wɩ gbɛbɩrɛ a ha gbɩlanɩ der paar taamaadõ na yẽther na taamɔy na kpalaɲɔ yʋɔr (603 550). 33 Mɔna Thãgba Kɔ̃tɩn kɔɔ sonɩ Mʋɩjɩra, wa ther Levɩɩ mǝlsɔ a ɓã Ɩjɩrayɛl bɩsã welela ga.
34 Ɩjɩrayɛl bɩsana cʋʋrɛ gɩrɛ fɛʋʋkɛra Thãgba Kɔ̃tɩn kɔɔ sonɩ Mʋɩjɩra. Ca dɔɔ n jɛr ɔɔ koke dɩrapo kɩrɔ; dɩ wɩ n jal thɩ kʋ̃ɔ thɩ kʋ̃ɔ, na cɔ kana cɔ kana.