23
1 Tɩɩ bɩɛllakɛ na n gba ɔɔ thɩɩ khɛr a phɩna ga, a gɩ ha thale, ga dor ɔɔ thɩra a pɛ yicuruu.Tibil wɩrɛ na hananɩ hʋɛ a na lõ Thãgba Kɔ̃tɩnɩ too thɩ̃thɩɩna'. \ref Lev 27:17-23; Neh 13:1-9; Nɩr 7:4
2 Kuunikɛ kpulobe cʋɔrnɩ agɩbo ʋrɛɛ khʋ̃ kurǝni bilǝni, aa hana hʋɛ na lõ Thãgba Kɔ̃tɩnɩ too thɩ̃thɩɩna'. 3 Khaakhaar bi na hana hʋɛ a na lõ Thãgba Kɔ̃tɩnɩ too thɩ̃thɩɩna'. Ɔɔ mǝlsɔɔrakɛ a jalna dana ɲɛ̃be yʋɔr məllela, na hana hʋɛ a na lõ Thãgba Kɔ̃tɩnɩ too thɩ̃thɩɩna'.
4 Amɔ̃ɔ mǝl na Moabɩɩ mǝl na lõ Thãgba Kɔ̃tɩnɩ too thɩ̃thɩɩna'. Awɩ mǝlsɔ a jalna dana ɲɛ̃be yʋɔr məlle na lõ Thãgba Kɔ̃tɩnɩ too thɩ̃thɩɩna'. 5 Thalera ga ha bɔɔ khorr gɩdonɩ wa casɔɔle na caan nɩ hʋɛra na dikor na ɲʋɔn ɔbɔɔkɛ nɩ thenɩ Ejipita' sa ka Balam, Bewɔɔrɩ bikuun kɛ thɛnɩ Petɔɔr, Mejopotamie dɩɩra a sɔna nɩ. 6 Sɩ Thãgba Kɔ̃tɩn anɩ Thãgba bor Balam nũ pɛrɛ sa fi sʋɔn dɩɩ do nar bɔnanɛ gɩdonɩ Thãgba Kɔ̃tɩn anɩ Thãgba na nɛr. 7 Na n dɛna awɩ ha ie na awɩda bɔ, bɔɔ fɛʋʋkɛ na hananɩ yirǝ'.
8 Na n ƴʋɔn Edɔ̃ɔ mǝlsɔa' gɩdonɩ anɩ omɩsɔ wɛ. Na n ƴʋɔn Ejipitidara ga gɩdonɩ nɩ kɔɔ toore awɩ dʋɔ. 9 Awɩ mǝlsɔɔkɛ na dɔnɩ balãther məlle na punone na lõ Thãgba Kɔ̃tɩnɩ too thɩ̃thɩɩn.
Mɔ̃ koke jɩɛ teenanɩ a pho jɔfʋ hʋɛra \ref Ther 5:1-4; Lev 11:44-45
10 Ɔbɔɔkɛ na thenɩ na jɛ nɩ kena anɩ lãlaardara, nɩ dɔ bʋrɛ thɩ̃ɛ wo thɩɛnaakɛ na cʋɛ nɩnɩ dɩ na bise jɔfʋ hʋɛra. 11 Ado sɔrasɩ ʋkha hale anɩ thɩ̃thɩɩn dɩ sɩnã thɩɩraa dɩtɩnɔ, dɩ bise jɔfʋ hʋɛra, a ɩrɛ dɩwɩlɔ koke jɛw a thɛ a na n lõ la'. 12 Dʋɔrɔ a hɔ ɲʋɔn agɩpɩ wi lõ bɔɔ a punone kɛr lõ jɛw. 13 Nɩ hanana paar khuirǝ ka na n jalnɩ cuu. 14 Ntɛ n hanana ɔɔ thɩ̃bisɔɔra kor kpedaa ɔbɔɔkɛ nɩ thenɩ cuu nɩ kpena korʋ a na ɩɩr nɩ kpa nɩ thiro. 15 Anɩ jɛ pa teenanɛ gɩ dɔ paarɩkɛ phonɩ; gɩ do nɔɔ Thãgba Kɔ̃tɩn na n yɩ dɩkhaakɛ na bʋɔnɔna' a faa na'; gɩdonɩ Thãgba Kɔ̃tɩn anɩ Thãgba n kpaarɛ anɩ jɛw, a na n bɛr nɩ a gbana anɩ lãlaardara a na n dʋnɩ ɲɔ̃kɔɔ.
Jɔfʋ deeraakɛ caanɩ ɔɔ kɔ̃tɩ̃ɩ cɔ.
16 Na n fʋ deekɛ thɛnɩ ɔɔ kɔ̃tɩ̃ɩ cɔ, a ca pɔ anɩ cɔ, a ha ɔɔ kɔ̃tɩ̃a'. 17 A tɔɔ le anɩ pa, paaraakɛ a phiirni, dɩɩraakɛ daaraanɩ. Na n gaarʋa'.
Bɔdɛl thɔma \ref Lev19:29; 18:24-30
18 Ɩjɩrayɛl khebir agɩbo kũubir na n cʋʋ bɔdɛl thɔma thɩl ƴɔa'. 19 Na n tee Thãgba Kɔ̃tɩn anɩ Thãgbaa cɔ, khɛr bɔdɛlɩ khaarda na kuun bɔdɛlɩa khaarda, kɛ dɔnɩ awɩ nɔ hɛlda yuurəka'; gɩdonɩ Thãgba Kɔ̃tɩn anɩ Thãgba n ƴʋɔnɛ wɛr yeɲɔra fɛw.
Thɩ̃ pemine \ref Lev 25:35-38
20 A nɩ pemi anɩ omɩ mũsumo agɩbo dikor agɩbora dɩkhaa thɩ̃, na n yɩ a dɛnɔ khor a lɩma na'. 21 Nɩ punone a tee khor kpakpalla, sɩ na n tee anɩ omɩna ga, gɩ do nɔɔ Thãgba Kɔ̃tɩn anɩ Thãgba n bɔna nɩ thɩ̃ɛ fɛʋraakɛ na n cʋʋnɩ dɩɩraakɛ na lonɩ na gba na hɩ̃.
Nɔ sor \ref Thɩ 5:3-5; Thɩ30:2-17
22 A nɩ so nʋɔ Thãgba Kɔ̃tɩn anɩ Thãgbara, na n pʋɔr sa hɛl nʋɔlera ga, a mɛ̃ ga Thãgba Kɔ̃tɩn anɩ Thãgba na lʋʋrɛ, dɩ na pɛr sopuu anɩbara. 23 A na so nʋɔa', ga do sopuu nɩ cʋa'. 24 Sɩ a nɩ so nʋɔ, nɩ hɛlla mɔna nɩ sonɩ. Nɩ hana Thãgba Kɔ̃tɩn anɩ Thãgba gɩrɛ thɛnɩ anɩ thɛthɛɛ kpɩɛra kɛ thɛnɩ anɩ nɔra, dɩ nɩ yɩ na haarɛ.