THERE 29

Jɔfʋ tutuu fɛtɩ bonɩ jirə

1 Yɩɛrɩ ɲẽbe makoɲɔ sɩporɩ caca wirǝ, nɩ hanana kpa jɛ kɔ̃tɩ̃ɩ ɩ̃ i dʋbɩra. Na n cʋʋ thɔ̃ bɩɛllakɛ ɔ wiila', gɩdonɩ kãka wire gɩ. 2 Nɩ je bonɩ thiinǝǝkɛ n hʋnanɩ mɛr Thãgba Kɔ̃tɩn daw na nakɩɩr na banakɩɩr na bana ɓolla makoɲɔɔkɛ na hananɩ taana', kɛ cieni yɛ bɩɛlbɩɛl. 3 Nɩ ɓana nʋma fɛw bɩɛlbɩɛllaakɛ na jinəni bonɩ thiinə thɩ̃bi bonɩ thɩ̃ɛ: mɩ̃ phuukɛ wɩ gbʋrnanɩ niin. Nɩ ɓana mɩ̃ phuu kilǝ yʋɔr phe bire nakɩɩra, a ɓana kilǝ maadõ banakɩɩra, 4 a ɓana kilǝ yẽther bana ɓolla makoɲɔraale fɛw bɩɛlbɩɛlla. 5 Nɩ je dakha so hɛl bonɩɛ na bʋkɩɩr a hɛlana anɩ sopuu. 6 Nɩ je ga bonɩsɔɔkɛra a ɓana sɩpora fɛʋʋ bonɩ thiinǝnə na agɩ thɩ̃bi bonɩra na wire fɛʋʋ bonɩ thiinǝnə na agɩ thɩ̃bi bonɩra na dɩvɛ̃ bonɩɛra mɔna gɩ teenanɩ. Bonɩɛsɔ gɩɩkɛ wɩ n thiini dɔɔra dɩ ga n hʋ̃ mɛr Thãgba Kɔ̃tɩn daw.

Jɔfʋ sopuu hɛl wi kɔ̃tɩ̃ bonɩ jirə

7 Yɩɛrɩ ɲẽbe makoɲɔ sɩporaalera ɔ wire yʋɔr wirǝ, nɩ hanana kpa jɛ kɔ̃tɩ̃ɩ ɩ̃ i dʋbɩra. Nɩ wurə anɩbara na nɔ lir, na n cʋʋ thɔ̃ bɩɛllakɛ ɔ wiila'. 8 Nɩ je bonɩ thiinǝǝkɛ n hʋnanɩ mɛr Thãgba Kɔ̃tɩn daw na nakena na banakɩɩr na bana ɓolla makoɲɔɔkɛ na hananɩ taana' kɛ cieni yɛ bɩɛlbɩɛl. 9 Nɩ ɓana nʋma fɛw bɩɛlbɩɛllaakɛ na jinəni bonɩ thiinə thɩ̃bi bonɩ thɩ̃ɛ: mɩ̃ phuukɛ wɩ gbʋrnanɩ niin. Nɩ ɓana mɩ̃ phuu kilǝ yʋɔr phe bire nakɩɩra, a ɓana kilǝ maadõ banakɩɩra, 10 a ɓana kilǝ yẽther bana ɓolla makoɲɔraale bɩɛlbɩɛlla fɛw. 11 Nɩ je dakha so hɛl bonɩɛ na bʋkɩɩr. Ga bonɩsɔɔkɛra n ɓana so hɛl bonɩ ʋrɛra nɩ n jini ɔ wirǝǝkɛra dɔnɩ so hɛl wi kɔ̃tɩ̃ɩ na wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

Jɔfʋ wa too fɛtɩ bonɩ jirə

12 Yɩɛrɩ ɲẽbe makoɲɔ sɩporɩ wire yʋɔr yemɔy wirǝ, nɩ hananɛ kpa jɛ kɔ̃tɩ̃ɩ ɩ̃ i dʋbɩra. Na n cʋʋ thɔ̃ bɩɛllaka'. Nɩ cʋɛ fɛtɩ a dʋbɩna mɛr Thãgba Kɔ̃tɩn a cʋɛna wire makoɲɔ. 13 Nɩ je bonɩ thiinǝǝkɛ n hʋnanɩ mɛr Thãgba Kɔ̃tɩn daw na nakena yʋɔr yẽther (13) na banakena yeɲɔ (2) na bana ɓolla yʋɔr yenã (14), kɛ na hananɩ taana' kɛ cieni yɛ bɩɛlbɩɛl. 14 Nɩ ɓana nʋma fɛw bɩɛlbɩɛllaakɛ na jinəni bonɩ thiinə thɩ̃bi bonɩ thɩ̃ɛ : mɩ̃ phuukɛ wɩ gbʋrnanɩ niin. Nɩ ɓana mɩ̃ phuu kilǝ yʋɔr phe bire nakena fɛw bɩɛlbɩɛlla a ɓana kilǝ maadõ banakena fɛw bɩɛlbɩɛlla, 15 a ɓana kilǝ yẽther bana ɓolla yʋɔr yenanaale bɩɛlbɩɛlla fɛw. 16 Nɩ je dakha so hɛl bonɩɛ na bʋkɩɩr a hɛlana anɩ sopuusɔ. Ga bonɩsɔɔrakɛra n ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

17 Wire balaɲɔ wirera nɩ je bonɩɛ na nakena yʋɔr yeɲɔ na banakena yeɲɔ na bana ɓolla yʋɔr yenãakɛ na hananɩ taana' kɛ cieni yɛ bɩɛlbɩɛl. 18 Nɩ je thɩ̃bi bonɩɛ na dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna jɔfʋ sonɩ. 19 Nɩ je dakha so hɛl bonɩɛ na bʋkɩɩr a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

20 Wire balãther wirera nɩ jenǝ nakena yʋɔr bɩɛl na banakena yeɲɔ na bana ɓolla yʋɔr yenãakɛ na hananɩ taana' kɛ cieni yɛ bɩɛlbɩɛl. 21 Nɩ je agɩ thɩ̃bi bonɩ na agɩ dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna gɩ teenanɩ. 22 Nɩ je dakha so hɛl bonɩɛ na bʋkɩɩr, a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

23 Wire balanã wirera nɩ jenǝ nakena yʋɔr na banakena yeɲɔ na bana ɓolla yʋɔr yenãakɛ na hananɩ taana', kɛ cieni yɛ bɩɛlbɩɛl. 24 Nɩ je agɩ thɩ̃bi bonɩɛ na agɩ dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna gɩ teenanɩ. 25 Nɩ je dakha so hɛl bonɩɛ na bʋkɩɩr, a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

26 Wire yemɔy wirera nɩ jenǝ nakena yʋɔr phe bire na banakena yeɲɔ na bana ɓolla yʋɔr yenãakɛ na hananɩ taana', kɛ cieni yɛ bɩɛlbɩɛl. 27 Nɩ je agɩ thɩ̃bi bonɩɛ na agɩ dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna gɩ teenanɩ. 28 Nɩ je dakha so hɛl bonɩɛ na bʋkɩɩr a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

29 Wire maadõ wirerə nɩ jenǝ nakena makõther na banakena yeɲɔ na bana ɓolla yʋɔr yenãakɛ na hananɩ taana', kɛ cieni yɛ bɩɛlbɩɛl. 30 Nɩ je agɩ thɩ̃bi bonɩɛ na agɩ dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna gɩ teenanɩ. 31 Nɩ je dakha so hɛl bonɩɛ na bʋkɩɩr a ɓana wire koo bonɩ thiinǝnǝ na ɔɔ thɩ̃bi bonɩra na ɔɔ dɩvɛ̃ bonɩra.

32 Wire makoɲɔ wirera nɩ jenǝ nakena makoɲɔ na banakena yeɲɔ na bana ɓolla yʋɔr yenãakɛ na hananɩ taana', kɛ cieni ye bɩɛlbɩɛl, 33 Nɩ je thɩ̃bi bonɩɛ na dɩvɛ̃ bonɩɛsɔ ɔ nɔɔkɛra wɩ n ɓanɩ nakenana na banakenana na bana ɓollala mɔna gɩ teenanɩ. 34 Nɩ je dakha so hɛl bonɩɛ na bʋkɩɩr a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

35 Wire makõther wirera, na cʋʋrɛ pɩpɩɩ kpa jɛr. Na n cʋʋ thɔ̃ bɩɛllakɛ ɔ wiila'. 36 Nɩ je bonɩ thiinǝǝkɛ n hʋnanɩ mɛr Thãgba Kɔ̃tɩn daw na nake bɩɛl na banake bɩɛl na bana ɓolla makoɲɔɔkɛ na hananɩ taana', kɛ cieni yɛ bɩɛlbɩɛl, 37 Nɩ je thɩ̃bi bonɩɛ na dɩvɛ̃ bonɩɛsɔ ɔ nɔɔkɛra wɩ n ɓanɩ nakɩɩra na banakɩɩra na bana ɓollala mɔna gɩ teenanɩ. 38 Nɩ je dakha so hɛl bonɩɛ na bʋkɩɩr a ɓana wire koo bonɩ thiinǝnǝ na agɩ thɩ̃bi bonɩra na agɩ dɩvɛ̃ bonɩra.

39 Gɛr dɔ bonɩɛsɔɔkɛ na n jini mɛr Thãgba Kɔ̃tɩnna anɩ fɛtɩ wisɔra ga n ɓã anɩ bonɩ thiinǝsɔɔra na anɩ thɩ̃bi bonɩsɔɔra na anɩ dɩvɛ̃ bonɩsɔɔra na anɩ 'likha bonɩsɔɔra na anɩ nɔ hɛl bonɩsɔɔra agɩbo bonɩɛraakɛ tibil tini kpɩɛrɛ ɩnɩ n ji.