26
1 Thãgba Kɔ̃tɩn sor Mʋɩjɩra na Aarɔ̃ bonɩ jidaarɩ bikuun Eleajaara ayɩ: 2 Nɩ thera Ɩjɩrayɛl bɩsana fɛw cɔ kana fɛw bɩɛlbɩɛlla, konaakɛ dananɩ ko kɩɩr, kɛ hananɩ yɛna dɩɩ fʋ kpelena a jʋʋna. 3 Dɩ Mʋɩjɩ na Eleajaarɩkɛ dɔnɩ bonɩ jidaar mɩɩnanɛ Ɩjɩrayɛl bɩsana Moabɩ bǝ̃ faana, Jʋrdɛ̃ mɩɩr nʋɔra ka Jeriko dɩɩ pɛnɩ ƴɩɛ ayɩ: 4 «Sa therre kona fɛʋʋkɛ hananɩ yɛna kpelẽ a jʋʋna mɔna Thãgba Kɔ̃tɩn sonɩ Mʋɩjɩra na Ɩjɩrayɛl bɩsanaa casɔɔkɛ thɛnɩ Ejipiti dɩɩra. Wɛr ha wɩrɛ: 5 Ɩjɩrayɛl caca bikuun dʋɔn Ribɛ̃. Ribɛ̃ɛ məlsɔɔ thɩ kɔ̃ ha wɩrɛ: Henɔkɩ na ɔɔ məlsɔ, Paluu na ɔɔ məlsɔ; 6 Hɛsɩrɔ̃ na ɔɔ məlsɔ na Karmɩ na ɔɔ məlsɔ. 7 Wɛr dɔ Ribɛ̃ɛ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ yẽther na taamakoɲɔ na kpelẽ yʋɔr (43 730) kɛ wɩ thenɩ. 8 Paluu bikuun dʋɔn Elɩabɩ, 9 Elɩabɩɩ bikũusɔ dʋɔn: Nemuɛl na Datã na Abɩram. Ɔ Datana na ɔ Abɩramna Ɩjɩrayɛl bɩsana pɛr dɩ wɩ ɩɩrna Mʋɩjɩ na Aarɔ̃ kɛ̃kɛrɛnɛ. Wɛr ha kha na Koree gbulõ ɔbɔɔkɛ wɩ ɩɩrnanɩ lãʋ Thãgba Kɔ̃tɩnna. 10 Dɩ thɩɩ har nʋɔ a dɩɩ wɩ na Kore dawiikɛ wɩrɛ a hananɩ kha khiirnɩ sɩ dɩ dɔɔ kʋʋr tɩbɩla taaɲɔ na kpalaɲɔ yʋɔr (250). Dɩ awɩda dor thɩ̃ dɩɩrɛ tɩbɩlala. 11 Sɩ Koree bikũusɔ na kɔɔ khiir gawiila'.12 Yɛkɛ Simeyɔ̃ɔ məlsɔ mɔ̃ awɩ thɩ kɔ̃sɔ hanɩ : Nemuɛlɩ na ɔɔ mǝlsɔ, Yamɛ̃ na ɔɔ mǝlsɔ, Yakɛ̃ na ɔɔ mǝlsɔ. 13 Jera na ɔɔ mǝlsɔ, Sayul na ɔɔ mǝlsɔ. 14 Wɛr dɔ Simeyɔ̃ɔ mǝlsɔɔ thɩ kɔ̃sɔ. Awɩ nɔ har kona gbɩlanɩ kpelẽ yeɲɔ na taaɲɔ (22.200).
15 Yɛkɛ Gadɩɩ mǝlsɔ mɔ̃ awɩ thɩ kɔ̃sɔ hanɩ: Sefɔ̃ na ɔɔ mǝlsɔ, Hagɩ na ɔɔ mǝlsɔ, Suni na ɔɔ mǝlsɔ. 16 Ojɩnɩ na ɔɔ mǝlsɔ, Eri na ɔɔ mǝlsɔ. 17 Arɔdɩ na ɔɔ mǝlsɔ, Arelɩ na ɔɔ mǝlsɔ. 18 Wɛr dɔ Gadɩɩ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ na taamɔy (40.500) kɛ wɩ thernɩ.
19 Yɛkɛ Judaa bikũusɔ ha wɩrɛ: Ɛɛr na Onã. Sɩ Ɛɛr na Onã khiire Kanãa dɩɩra. 20 Judaa mǝlsɔ ha wɩrɛ mɔ̃ awɩ thɩ kɔ̃sɔ hanɩ: Sela na ɔɔ mǝlsɔ, Perɛsɩ na ɔɔ mǝlsɔ, Jera na ɔɔ mǝlsɔ. 21 Yɛkɛ Perɛsɩɩ məlsɔ thɩ kɔ̃sɔ : Hɛsɩrɔ̃ na ɔɔ məlsɔ, Hamul na ɔɔ mǝlsɔ. 22 Wɛr dɔ Judaa mǝlsɔɔ thɩ kɔ̃sɔ. Awɩ nɔ har kona gbɩlanɩ kpalãther yʋɔr maadõ na taamɔy (76.500) kɛ wɩ thernɩ. 23 Yɛkɛ Ɩsakaarɩ mǝlsɔ mɔ̃ awɩ thɩ kɔ̃sɔ hanɩ: Tolaa na ɔɔ mǝlsɔ Puva na ɔɔ mǝlsɔ. 24 Yasubi na ɔɔ mǝlsɔ, Sɩmɩrɔ̃ na ɔɔ mǝlsɔ. 25 Wɛr dɔ Ɩsakaarɩ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalãther yenã na tãather (64.300) kɛ wɩ thernɩ,
26 Yɛkɛ Jabʋlɔ̃ɔ mǝlsɔ mɔ̃ awɩ thɩ kɔ̃sɔ hanɩ: Serɛdɩ na ɔɔ mǝlsɔ, Elɔ̃ na ɔɔ mǝlsɔ, Yaleyɛl na ɔɔ mǝlsɔ. 27 Wɛr dɔ Jabʋlɔ̃ɔ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalãther na taamɔy (60 500) kɛ wɩ thernɩ. 28 Yɛkɛ Jojɛfɩɩ mǝlsɔ mɔ̃ awɩ thɩ kɔ̃sɔ hanɩ : Manase na ɔɔ məlsɔ, Efɩrayɩm na ɔɔ məlsɔ. 29 Yɛkɛ Manasee mǝlsɔ mɔ̃ awɩ thɩ kɔ̃sɔ hanɩ : Makɩɩr na ɔɔ mǝlsɔ. Makɩɩrɩlera kɔna Galaad. Galaad dakha na ɔɔ mǝlsɔ. 30 Yɛkɛ Galaadɩ mǝlsɔ mɔ̃ awɩ thɩ kɔ̃sɔ hanɩ : Yejɛɛr na ɔɔ mǝlsɔ, Helɛkɩ na ɔɔ mǝlsɔ. 31 Asɩrɩɛl na ɔɔ mǝlsɔ, Sɩsɛm na ɔɔ mǝlsɔ. 32 Semɩda na ɔɔ mǝlsɔ, Hefɛɛr na ɔɔ mǝlsɔ. 33 Hefɛɛrɩ bikuun Selofɩhadɩ na kɔɔ kɔ̃ kũubirǝ', khebir haar a kɔ̃. Awɩ isɔ ha gɩrɛ: Maala na Noa na Hogɩla na Mɩlka na Tɩrsa. 34 Wɛr dɔ Manasee mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ yʋɔr yeɲɔ na taamakoɲɔ (52 700) kɛ wɩ thernɩ. 35 Yɛkɛ Efɩrayɩmɩ mǝlsɔ mɔ̃ awɩ thɩ kɔ̃sɔ hanɩ. Sutela na ɔɔ mǝlsɔ, Bekɛɛr na ɔɔ mǝlsɔ, Tahã na ɔɔ mǝlsɔ, 36 Erã na ɔɔ mǝlsɔ. Sutela kɔna Erã. 37 Wɛr dɔ Efɩrayɩmɩ mǝlsɔɔ thɩ kɔ̃sɔ. Awɩ nɔ har Kona gbɩlanɩ kpelẽ yʋɔr yeɲɔ na taamɔy (32.500) kɛ wɩ thernɩ. Wɛr dɔ Jojɛfɩɩ mǝlsɔɔ mɔna awɩ thɩ kɔ̃sɔ hanɩ. 38 Yɛkɛ Bɛ̃jamɛ̃ɛ mǝlsɔ mɔ̃ awɩ thɩ kɔ̃sɔ hanɩ: Bela na ɔɔ mǝlsɔ, Asebɛlɩ na ɔɔ mǝlsɔ, Ahɩram na ɔɔ mǝlsɔ 39 Sufam na ɔɔ mǝlsɔ, Hufam na ɔɔ mǝlsɔ. 40 Bela kʋɔn kuuminǝ yeɲɔ: Ardɩ na Naamã. Ɔɔ mǝlsɔ dʋɔn Ardɩ na ɔɔ mǝlsɔ, Naamã na ɔɔ mǝlsɔ. 41 Wɛr dɔ Bɛ̃jamɛ̃ɛ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ yemɔy na tamaadõ (45.600) kɛ wɩ thɛrnɩ. 42 Yɛkɛ Dãa mǝlsɔ mɔ̃ awɩ thɩ kɔ̃sɔ hanɩ: Suham na ɔɔ mǝlsɔ wɛr dɔ Dãa mǝlsɔɔ thɩ kɔ̃sɔ. 43 Suhamɩ mǝlsɔ har kona gbɩlanɩ kpalãther yenãa na taanã (64.400) kɛ wɩ thernɩ.
44 Ajɛɛrɩ mǝlsɔ ha wɩrɛ mɔ̃ awɩ thɩ kɔ̃sɔ hanɩ: Ɩmɩna na ɔɔ mǝlsɔ, Ɩsevɩ na ɔɔ mǝlsɔ, Berɩa na ɔɔ mǝlsɔ. 45 Yɛkɛ Berɩaa mǝlsɔ: Hebɛɛrɩ mǝlsɔ, Malkɩɛlɩ mǝlsɔ the. 46 Ajɛɛr kʋɔn khebir bɩɛl, kɛ wɩ n wenɩ Sera. 47 Wɛr dɔ Ajɛɛrɩ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ yʋɔr yẽther na taanã (53.400) kɛ wɩ thernɩ. 48 Nɛfɩtalɩ mǝlsɔ ha wɩrɛ mɔ̃ awɩ thɩ kɔ̃sɔ hanɩ: Yasɩɛl na ɔɔ mǝlsɔ, Guni na ɔɔ mǝlsɔ 49 Yesɛɛr na ɔɔ mǝlsɔ, Sɩlɛm na ɔɔ mǝlsɔ. 50 Wɛr dɔ Nɛfɩtalɩ mǝlsɔɔ thɩ kɔ̃sɔ. Awɩ nɔ har kona gbɩlanɩ kpalaɲɔ yemɔy na taanã (45.400) kɛ wɩ thernɩ. 51 Ɩjɩrayɛl bɩsana fɛʋʋkɛ wɩ thernɩɩ nɔ har kona gbɩlanɩ der paar taamaadõ na bɩɛl na tɩbɩla taamakoɲɔ na kpelẽ yʋɔr (601.730) kɛ wɩ thernɩ.
Thãgba mɩɛrɛ Mʋɩjɩ mɔ̃ dɩɩ na tɩnɛnɩ.
52 Thãgba Kɔ̃tɩn sor Mʋɩjɩra ayɩ: 53 Dɩɩra na tɩnɛnɛ Ɩjɩrayɛl bɩsanaa thɩ̃thɩɩn mɔ̃ awɩ tibil nɔsɔɔkɛ wɩ thernɩ hanɩ gɩ do awɩda. 54 Ca wɩrɛ hananɩ tɩbɩla dɩ wɩ jɔr, hana ca dɔɔ thɩɩ gɩ kɔ̃tɩ̃, sɩ ca wɩrɛ na hananɩ tɩbɩla dɩ wɩ jɔra', hana ca dɔɔ gɩ 'lũ. Wɩ hana wɛr fɛw bɩɛlbɩɛl thɩɩ mɔna wɩ ther wɩnɩ dɩ wɩ ha. 55 Sɩ lɩɩ wa lɩ sɩ na tɩnɛ wɩ dɩɩra. Caar wo caar na 'lɛr thɩɩ na ɔɔ i. 56 Lɩɩ wa lɩ sɩ na tɩnɛ thɩɩra wɩrɛ jʋɔnɔnɩ na wɩrɛ na jʋɔnɔna'.
Wɩ thera Levɩɩ mǝlsɔ balaɲɔdaa
57 Yɛkɛ Levɩɩ mǝlsɔɔkɛ wɩ thernɩ mɔ̃ awɩ thɩ kɔ̃sɔ hanɩ: Gɛɛrsɔ̃ na ɔɔ mǝlsɔ, Kehatɩ na ɔɔ mǝlsɔ, Merarɩ na ɔɔ mǝlsɔ. 58 Yɛkɛ thɩ kɔ̃ wɩrɛ thɛnɩ Levɩɩ mǝllǝ: Lɩbɩnɩ na ɔɔ mǝlsɔ, Ebʋrɔ̃ na ɔɔ mǝlsɔ, Malɩ na ɔɔ mǝlsɔ, Musi na ɔɔ mǝlsɔ, Kore na ɔɔ mǝlsɔ. Kehatɩ kɔna Amɩram. 59 Amɩramɩ khɛr wɩ n we Yokebɛdɩ, Levɩɩ bikhɛr gɩ, kɛ a kɔnɩ Ejipiti dɩɩra. Dɩ Amɩram kʋɔnaanɛ: Aarɔ̃ na Mʋɩjɩ na awɩ õkhɛr Mɩrɩyam. 60 Dɩ Aarɔ̃ kɔ̃: Nadabɩ na Abihu na Eleajaar na Ɩtamaar. 61 Sɩ Nadabɩ na Abihu khiire ɔbɔɔkɛ wɩ gbanɩ dɔɔkɛ Thãgba na sona'a a dana Thãgba Kɔ̃tɩnɩ ƴɔɔ.
62 Wɩrɛ fɛʋʋkɛ wɩ thernɩ kɛ dɔnɩ konaakɛ awɩ yɛ phonɩ sɩpo bɩɛl a jʋʋna har tɩbɩla gbɩlanɩ kpelẽ yẽther (23.000). Wa ther wɩ a gbɛbɩna Ɩjɩrayɛl bɩsã wela' gɩdonɩ wa ha wɩ thɩɩ awɩ thɩ̃thɩɩna'. 63 Wɛr dɔ wɩrɛ Mʋɩjɩ na Eleajaar bonɩ jidaar thernɩ Moabɩ bǝ̃ faana Jʋrdɛ̃ mɩɩr nʋɔra ka Jeriko dɩɩ pɛnɩ ƴɩɛ. 64 Awɩ thɩ̃thɩɩn, wɩrɛ Mʋɩjɩ na Aarɔ̃ bonɩ jidaar kɔɔ thernɩ Sɩnayɩ bǝ̃ kparara, wa bɩɛllakɛ na harɔa', 65 gɩdonɩ Thãgba Kɔ̃tɩn kɔɔ so aa : "wa khiire bǝ̃ kparara". Tɩɩ bɩɛllakɛ na sɩ awɩ thɩ̃thɩɩn saagado Yefunee bikuun Kalɛbɩ gɩ na Nunii bikuun Jojue gaa ga.