Ɩjɩrayɛl bɩsanaa kɔ̃tɩ̃sɔ 'laarɛ khaardaa.
7
1 Dawiikɛ Mʋɩjɩ dʋnɩ Thãgbaa kẽkẽ wa pɩ, a pɩɛraarɛ niin a pɩɛ Thãgba ƴɔɔ na ɔɔ thɔ̃ do thɩ̃bisɔ fɛw. Mɛna a cʋʋ dakha na bonɩ ji paar na ɔɔ thɔ̃ do thɩ̃bisɔ fɛw, a pɛ garɛ niin a pɛ gɩ Thãgba ƴɔɔ. 2 Dɩ Ɩjɩrayɛl bɩsanaa kɔ̃tɩ̃sɔ, kɛ dɔnɩ kɔ̃tɩna awɩ casɔɔra, kɛ dɔnɩ wɩrɛra kɔɔ theranɩ tɩbɩla 'laarɛ awɩ khaardasɔ. 3 Wɩ pɔnanɛ awɩ khaarda Thãgba Kɔ̃tɩnna: Na hotoro maadõ kɛ pəni thi na na yʋɔr yeɲɔ. Gɩ nɩnanɛ dɩ kɔ̃tɩna yeɲɔ 'laarɛ na hotoro bɩɛl sɩ wɛr fɛw 'laa na bɩɛlbɩɛl. Dɩ wɩ 'laarɛ le Thãgbaa kẽkẽ wa ƴɛbʋrɔ. 4 Dɩ Thãgba Kɔ̃tɩn sor Mʋɩjɩra ayɩ: 5 Tea war khaardaasɔɔlera a 'laanɛ wa n dona thɔma mɛr Thãgba cãa waw. Hana Levɩɩ mǝlsɔ gɩ mɩɛ kha na mɔ̃ ntɛɛ thɔ̃ hanɩ. 6 Dɩ Mʋɩjɩ teere na hotorosɔɔra na nara a ha Levɩɩ mǝlsɔ. 7 A har Gɛɛrsɔ̃ɔ mǝlsɔ na hotoro yeɲɔ na na yenã, dɩɩ mɩɛ kha na awɩ thɔ̃; 8 a ha Merarɩɩ mǝlsɔ na hotoro yenã na na makõther dɩɩ mɩɛ kha na awɩ thɔ̃ɔkɛ Aarɔ̃ bonɩ jidaarɩ bikuun Ɩtamaar n mɩɛ wɩnɩ dɩ wa n do. 9 Sɩ aa ha Kehatɩɩ mǝlsɔa' gɩdonɩ wɛr n hɩnɛ thɩ̃ sãsɩnanɛsɔ, dɩ ɲɛ̃gbɛgbɛlala wɩ teena wɩ gba gɩ a na pɛ.10 Ɩjɩrayɛl bɩsanaa kɔ̃tɩ̃sɔ 'laarɛ khaardaa wɩ pɛna bonɩ ji paar Thãgba ƴɔɔ wireekɛ wa pɩɛraanɩ niin. Wɩ pɔnanɛ awɩ khaardara bonɩ ji pa ƴɛbʋrɔ. 11 Dɩ Thãgba Kɔ̃tɩn sor Mʋɩjɩra ayɩ: Dɔ Ɩjɩrayɛl bɩsanaa kɔ̃tɩ̃sɔ na n ɩ̃ tɩɩ bɩɛl, wi bɩɛl, wa n ha mɩ awɩ khaardara dɔnɩ bonɩ ji pa phʋɔldaa.
12 Dɩ caca wire Amɩnadabɩɩ bikuun Nasɔ̃, kɛ dɔnɩ Judaa məl 'laarɛ ɔɔ khaarda. 13 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 14 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 15 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 16 na bʋkɩɩr, gɩ do so hɛl bonɩdaa, 17 na na yeɲɔ na banakena yemɔy, na bʋkena yemɔy na yɛ bɩɛl bana ɓola yemɔy, gɩ do 'likha bonɩdaa. Gɛr dɔ khaardaakɛ Amɩnadabɩ bikuun Nasɔ̃ 'laanɩ.
18 Balaɲɔ wire Suaarɩ bikuun Netaneɛl kɛ dɔnɩ Ɩsakaarɩ mǝlsɔɔ kɔ̃tɩ̃ 'laarɛ ɔɔ khaarda. 19 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 20 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 21 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 22 na bʋkɩɩr gɩ do so hɛl bonɩdaa, 23 na na yeɲɔ na banakena yemɔy, na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Suaarɩ bikuun Netaneɛl 'laanɩ. 24 Balãther wire Elɔ̃ɔ bikuun Eliabɩɩkɛ dɔnɩ Jabulɔ̃ɔ mǝlsɔɔ kɔ̃tɩ̃ 'laarɛ ɔɔ khaarda. 25 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 26 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 27 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 28 na bʋkɩɩr, gɩ do so hɛl bonɩdaa, 29 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Elɔ̃ɔ bikuun Elɩabɩ 'laanɩ. 30 Balanã wire Sedewuuri bikuun Elisuurɩkɛ dɔnɩ Ribɛ̃ɛ mǝlsɔɔ kɔ̃tɩ̃ 'laarɛ ɔɔ khaarda. 31 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 32 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 33 na nake ɓollʋ na banakɩɩr na yɛ bɩɛl bana ɓollʋ gɩ do bonɩ thiinǝdaa, 34 na bʋkɩɩr, gɩ do so hɛl bonɩdaa, 35 na na yeɲɔ na banakena yemɔy na bʋkena yemɔy, na yɛ bɩɛl bana ɓolla yemɔy gɩ do 'likha bonɩdaa. Gɛr dɔ khaardaakɛ Sedewuuri bikuun Elisuur 'laanɩ. 36 Balamɔy wire Surisadayɩ bikuun Selumɩɛlɩkɛ dɔnɩ Simeyɔ̃ɔ mǝlsɔɔ kɔ̃tɩ̃ 'laarɛ ɔɔ khaarda. 37 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin gɩ do thɩ̃bi bonɩdaa, 38 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 39 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 40 na bʋkɩɩr, gɩ do so hɛl bonɩdaa, 41 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Surisadayɩ bikuun Selumɩɛl 'laanɩ. 42 Ɲɛ̃be maadõ wire, Dewuɛlɩ bikuun Elɩasafɩɩkɛ dɔnɩ Gadɩɩ mǝlsɔɔ kɔ̃tɩ̃ 'laarɛ ɔɔ khaarda. 43 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 44 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 45 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 46 na bʋkɩɩr, gɩ do so hɛl bonɩdaa, 47 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Dewuɛlɩ bikuun Elɩasafɩ 'laanɩ. 48 Ɲɛ̃be makoɲɔ wire Amihudii bikuun Elisamaakɛ dɔnɩ Efɩrayɩmɩ mǝlsɔɔ kɔ̃tɩ̃ 'laarɛ ɔɔ khaarda. 49 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 50 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 51 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 52 na bʋkɩɩr, gɩ do so hɛl bonɩdaa, 53 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Amihudii bikuun Elɩsama 'laanɩ. 54 Ɲɛ̃be makõther wire Pedasuuri bikuun Gamɩlɩɛlɩkɛ dɔnɩ Manasee mǝlsɔɔ kɔ̃tɩ̃ 'laarɛ ɔɔ khaarda. 55 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr yeɲɔ fɛw hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 56 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 57 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 58 na bʋkɩɩr, gɩ do so hɛl bonɩdaa, 59 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Pedasuuri bikuun Gamɩlɩɛl 'laanɩ. 60 Ɲɛ̃be yʋɔr phe bire wire Gɩdeonɩɩ bikuun Abɩdãakɛ dɔnɩ Bɛ̃jamɛ̃ɛ mǝlsɔɔ kɔ̃tɩ̃ 'laarɛ ɔɔ khaarda. 61 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr fɛw yeɲɔ hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 62 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 63 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 64 na bʋkɩɩr, gɩ do so hɛl bonɩdaa, 65 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy, gɩ do 'likha bonɩdaa. Gɛr dɔ khaardaakɛ Gɩdeonɩɩ bikuun Abɩdã 'laanɩ. 66 Ɲɛ̃be yʋɔr wire Amɩsadayɩɩ bikuun Ahiejɛɛrɩkɛ dɔnɩ Dãa mǝlsɔɔ kɔ̃tɩ̃ 'laarɛ ɔɔ khaarda. 67 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr yeɲɔ fɛw hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 68 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 69 na nake ɓollʋ na banakɩɩr na yɛ bɩɛl bana ɓollʋ gɩ do bonɩ thiinǝdaa, 70 na bʋkɩɩr, gɩ do so hɛl bonɩdaa, 71 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy gɩ do 'likha bonɩdaa. Gɛr dɔ khaardaakɛ Amɩsadayɩɩ bikuun Ahiejɛɛr 'laanɩ. 72 Ɲɛ̃be yʋɔr bɩɛl wire Okɩrãa bikuun Pagɩɛlɩkɛ dɔnɩ Ajɛɛrɩ mǝlsɔɔ kɔ̃tɩ̃ 'laarɛ ɔɔ khaarda. 73 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr yeɲɔ fɛw hinǝne mɩ̃ phuukɛ wɩ gbʋrnanɩ niin gɩ do thɩ̃bi bonɩdaa, 74 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 75 na nake ɓollʋ na banakɩɩr na yɛ bɩɛl bana ɓollʋ gɩ do bonɩ thiinǝdaa, 76 na bʋkɩɩr gɩ do so hɛl bonɩdaa, 77 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy gɩ do 'likha bonɩdaa. Gɛr dɔ khaardaakɛ Okɩrãa bikuun Pegɩɛl 'laanɩ. 78 Ɲɛ̃be yʋɔr yeɲɔ wire Einãa bikuun Ahɩraakɛ dɔnɩ Nɛfɩtalɩɩ mǝlsɔɔ kɔ̃tɩ̃ 'laarɛ ɔɔ khaarda. 79 Ɔɔ khaardaakɛ a 'laanɩ ha gɩrɛ: Dɛ bulo tasaakɛ ɔɔ dʋbɩ hanɩ kilo bɩɛl na gɩram tãather (300) na gborbirɩkɛ wɩ cʋʋnanɩ dɛ bulo, kɛ ɔɔ dʋbɩ hanɩ gɩram taamakoɲɔ (700) mɔ̃ pa phu dʋbɩ mɩɛdaa hanɩ. Gɛr yeɲɔ fɛw hinǝne mɩ̃ phuukɛ wɩ gbʋrnanɩ niin, gɩ do thɩ̃bi bonɩdaa, 80 na dɛ ɲɔ̃kpõbirikɛ ɔɔ dʋbɩ hanɩ gɩram tamaa (100), kɛ henǝni parfɛ̃, 81 na nake ɓollʋ na banakɩɩr na yɛ bɩɛl bana ɓollʋ, gɩ do bonɩ thiinǝdaa, 82 na bʋkɩɩr gɩ do so hɛl bonɩdaa, 83 na na yeɲɔ na banakena yemɔy na bʋkena yemɔy na yɛ bɩɛl bana ɓolla yemɔy gɩ do 'likha bonɩdaa. Gɛr dɔ khaardaakɛ Einãa bikuun Ahɩra 'laanɩ. 84 Gɛr dɔ khaardaakɛ Ɩjɩrayɛl bɩsanaa kɔ̃tɩ̃sɔ 'laanɩ wireekɛ wa pɛrnɩ bonɩ jipaara niin wɩ pɩɛr Thãgba ƴɔɔ. Dɛ bulo tasa yʋɔr yeɲɔ gɩ, na gborminə yʋɔr yeɲɔ, kɛ wɩ cʋʋnanɩ dɛ bulo na dɛ ɲɔ̃kpominǝ yʋɔr yeɲɔ. 85 Dɩ dɛ bulo tasasɔɔle fɛw bɩɛlbɩɛlɩ dʋbɩ har kilo bɩɛl na gɩram tãather (300) dɩ gborminəəkɛ wɩ cʋʋnanɩ dɛ bulo, fɛw bɩɛlbɩɛlɩ dʋbɩ ha gɩram taamakoɲɔ (700), dɩ dɛ bulo fɛʋʋkɛ wɩ cʋʋnanɩ thɩ̃beele fɛw har kilo kpelẽ yenã mɔ̃ pa phu thɩ̃ dʋbɩ mɩɛda hanɩ. 86 Dɩ dɛ ɲɔ̃kpominǝ yʋɔr yeɲɔɔle henǝni parfɛ̃ɛkɛ wɩ 'laanɩ, gɛr fɛw bɩɛlbɩɛlɩ dʋbɩ har gɩram tamaa (100), dɩɩ gbɛbɩ fɛw a ha kilo bɩɛl na gɩram taaɲɔ (200) mɔ̃ pa phu thɩ̃ dʋbɩ mɩɛda hanɩ. 87 Nʋmaakɛ wɩ 'laanɩ kɛ dɔnɩ bonɩ thiinǝdaa, fɛw har nakena yʋɔr yeɲɔ na banakena yʋɔr yeɲɔ na yɛ bɩɛl bana ɓolla yʋɔr yeɲɔ na thɩ̃bi bonɩ thɩ̃ɛsɔɔkɛ wɩ n gbɛbɩnanɩ gaa bonɩsɔɔle a ji, na bʋkena yʋɔr yeɲɔ, kɛ dɔnɩ so hɛl bonɩdaa. 88 Nʋmaakɛ wɩ 'laanɩ kɛ dɔnɩ 'likha bonɩdaa fɛw har: na kpelẽ yenã, banakena kpalãther, bʋkena kpalãther, yɛ bɩɛl bana ɓolla kpalãther. Gɛr dʋɔn khaardaasɔɔkɛ Ɩjɩrayɛl bɩsanaa kɔ̃tɩ̃sɔ 'laanɩ wiireekɛ wɩ pɛrnɩ bonɩ ji paara niin a pɩɛr Thãgba ƴɔɔ. 89 Ɔbɔɔkɛ Mʋɩjɩ n lonɩ Thãgba cãa waw a mɩɩna Thãgba Kɔ̃tɩn, a n nɩrɛ wire kɛ n mɩanaanɩ so hɛl paara ƴũu, kɛ dɛɛnɛnɩ ʋlfɛ khɛɛsʋʋraakɛ hananɩ nɔ bɩɛl ʋlfɛ thɩmɩɩ, kɛ hanɩ Seribɛ̃ yeɲɔɔ thɩ̃thɩɩn. Dɩ Mʋɩjɩ n mɩɩnaanɛ.