Jɔfʋ khɛrraakɛ kɔnanɩ khĩicaa.
12
1 Thãgba Kɔ̃tɩn sor Mʋɩjɩra ayɩ: 2 «Sɔ Ɩjɩrayɛl bɩsanana ayɛ: "Ɔbɔɔkɛ khɛr hananɩ pɛmɛr a kɔ̃ bi, ado kũubir gɩ, a na bisere mɔ̃ jɔfʋ sonɩ gɩ dana wire makoɲɔ, gɩ ho mɔ̃ a n hanɩ ɔɔ sɩpora dɩɩ ha. 3 Wire makõther wirera, wɩ kurə birə khʋ̃ʋ. 4 Agɩpɩ nɩrɛ na toore wire kpelẽ yʋɔr yẽther cʋɔrɔ wo a na phʋɔl tɔmɩnɩkɛ thɩɛraanɩ. A na n thar dɩkhaa thɩ̃ phurə jɔfʋ hʋɛra ga, a na n jal mɛr Thãgba cãa waw, sɩ a ga do ɔɔ khĩica phʋɔl wisɔ cana gaa ga. 5 Ado khebir a kɔ̃, a na bisere jɔfʋ hʋɛra gɩ dana wire yʋɔr yenã, gɩ ho mɔ̃ a n hanɩ ɔɔ sɩpora dɩɩ ha. Agɩpɩ a na toore cʋɔrɔ wire kpalãther maadõ wo a na phʋɔl tɔmɩnɩkɛ thɩɛraanɩ. 6 Ɔbɔɔkɛ ɔɔ khĩica phʋɔl wisɔ canɩ, a kũubir gɩ, a khebir gɩ, a na jalnanɛ yɛ bɩɛl bana ɓolʋ bonɩ jidaara, le mɛr Thãgba cãa wa lõfonʋɔra, gɩ do bonɩ thiinədaa, na kʋlãpubi agɩbo pubi gɩ do so hɛl bonɩdaa. 7 Dɩ bonɩ jidaar na gbaar a na dana mɛr Thãgba Kɔ̃tɩnɩ ƴɛbʋrɔ, sɩ na phʋɔlʋ, dɩ a na phʋɔlɛ ɔɔ tɔmɩnaakɛ thɩɛraanɩ. Gɛr dɔ jɔfʋ khɛrraakɛ kɔnanɩ kũubir agɩbo khebir. 8 Sɩ ado aa hana thɩ̃ɛ ɲɔ̃kɔɔ a na thena bana ɓolʋa', a hanana pubə yeɲɔ, agɩbo kʋlã pubə yeɲɔ: bɩɛl n do bonɩ thiinədaa, sɩ bɩɛl n do so hɛl bonɩdaa. Dɩ bonɩ jidaar na phʋɔlʋʋlɛ, agɩpɩ a na phure." »