Nyẽbe yʋɔr thɩlkɩɩr: caca bɩsã khiire \ref Eja 19.1,16; Jɔ 9.4; Th 12.29-30
11
1 Dɩ Thãgba Kɔ̃tɩn so Mʋɩjɩra: «Ma thɔnanɛ pɩpɩɩ thɩlkɩɩr Faarɔna na Ejipitidarara. A gele karɔ, a na faa nɛr dɩ na the kɩɛr; a na wee nerakɛ dɩ na jal khorr. 2 Mɩana Ɩjɩrayɛl bɩsana: "Nɛrɛ fɛw bɩɛlbɩɛl, kona na khɛra, ntɛ n bɩɛlɛ ɔɔ cɔ khudaara thɩ̃ɛɛkɛ wɩ cʋʋnanɩ dɛ bulo na dɛ." » 3 Dɩ Thãgba Kɔ̃tɩn kɔɔ cʋʋrɛ dɩ Ɩjɩrayɛl bɩsana 'lɛ bɔ jɩɩr Ejipitidarara. Mʋɩjɩɩ thɛthɛrakɛ dakha dor tibil kɔ̃tɩ̃ɩ ka Ejipiti dɩɩra: tɩbɩlala na Faarɔ̃ɔ thɔ̃daraa ƴɛra.4 Dɩ Mʋɩjɩ sor Faarɔna ayɩ: «Nɩɛnɛ gɩrɛ Thãgba Kɔ̃tɩn sonɩ: a sor aa dɩnɩrɔ, ɩna kpaarɛ Ejipiti dɩɩra fɛw. 5 Dɩ wɩrɛ dɔnɩ caca bɩsana fɛw na khiire: a fʋna afɩ caca bɩsã ʋrɛ na tɔɔnɩ afɩ too pa, gɩ dana thɔ̃daar khɛrɩkɛ n nananɩ jɔ naanɔ, ɔɔ caca bɩsã; fɛw na khiire. Dɩ nʋmaa caca bisɔ fɛw na khiire dakha. 6 Dɩ mɛ̃ hulẽbe na gbɔ Ejipiti dɩɩra fɛw. Ga dor hulẽbeekɛ wa kɔɔ nɩɛnɩ pa', dɩrakɛ wa bir na nɩɛ bã. 7 Sɩ Ɩjɩrayɛl bɩsanaa pa, bɩɩnakɛ na bʋ̃ tibilə', dɩ nʋmɩna ga; dɩ mɛ̃ na jɩ dɩ ɩnɛr Thãgba Kɔ̃tɩn pɩɛr lee paar Ejipitidarara na Ɩjɩrayɛl bɩsanana. 8 Dɩ ga bɔɔraale afɩ thɔ̃dara na ɩnɛ na gburõkhu mar, sɩ wɩ so: "Thɛ sɩ dʋɔ, fɛrɛ na tɩbɩla fɛʋʋkɛ fɩ hananɩ." A gele pɩ, ma ther.» Sɩ nĩkhii hor ga lɩɛrɛ Mʋɩjɩ, dɩ the le Faarɔ̃ɔ pa.