Bhalʉwa wa mambwa ka Batesalonika
Lɨkpʉmʉka la mambwa
Pɔlɔ ukpikilyo ndɨ batʉ nɨbɔ babɨnɨkyana ndɨ ka Tesalonika bhalʉwa yi nɨmʉ kautumiso mambɛngɨ na bɛ bigwinonogi ka bhaya. Tesalonika a mugi-mudhingi ma iwili ya Lʉma ka Makedhonia, ka zɨbɔ ma mugi ma Bakiligi. Ka Ligubho ka batʉtʉmbwa 17.1-10, bakatangʉlaga bɛyɔ Pɔlɔ pa imoti na batʉ nɨbɔ bakpakyanaga ndɨ na ɨbʉ babɨkyaga ndɨ mino Mongoni Manza ka Tesalonika, na bɛyɔ Bayudha bakpʉ gʉtʉgʉ batʉ nɨbɔ bakɛgʉ ndɨ Bayudha babɨnɨkyana ndɨ mino Yeso-Kilisito. Kumbuso yi, Bayudha nɨbɔ bakabɨnɨkyanagʉ ndɨ Yeso, baikonilyo ndɨ Pɔlɔ. Pɔlɔ pa imoti na batʉ nɨbɔ bakpakyanaga ndɨ na ɨbʉ baʉkagaga ndɨ kʉsɔ wa gʉdʉ no bhiti. Nɨyɔ masyɛ akɨtaga, kumbuso kosili ka Kolito, Pɔlɔ a ndɨ na kʉbangakʉ na batʉ nɨbɔ babhaɨlya ndɨ mbɨya, ʉtɨkɨlya kʉwa ndɨ Timotiyo. Nɨyɔ Timotiyo igoku buwobhi na Pɔlɔ, apága mongoni bɛ Batesalonika ba bakigwinonogo bingumu ka bhaya na ka sɨpananɨsɔ gʉtʉgʉ bɛyɔ bo mino kalya kumbu yɔ. Pɔlɔ ogwo ndɨ magyagya, ukpikilyo bhalʉwa yi nɨmʉ kaubhibhiso, kauwoniso sɨpananɨsɔ, na kaʉpá bata mʉtʉʉ.
Ka mapakʉ 1-3, Pɔlɔ akaubhibhiso, anatamana bɛyɔ ba ndɨ mino na Batesalonika. Ka mapakʉ 4-5, ʉpá ndɨ mʉtʉʉ kʉgʉ wa yigoku ka Mombukwono-dhosu na bɛyɔ bakwanana mino kakpokyoniso ɔbɨlɨ kabʉ kyɛ babosili.