Amos
1
I Amos topompatuvu bimba lako ri ngata Tekoa.
Ia najadi nabi,
tempo i Uziaa najadi magau kamagaua Yehuda bo i Yerobeam,b
ana i Yoas,
najadi magau kamagaua Israel.
Rompae dopame lingu mbaso,c
TUPU nompopakita ka i Amos anu majadi ri Israel.
2 Iveimo anu niuli i Amos,
“Lako ri Bulu Siond TUPU nompopaepe suaraNa,
namangga mpo suara nu singa narau.
SuaraNa nepakaeka nipopaepeNa dako ri Yerusalem.
Nau karava poevu najadi nangau,
bo nalele pura kavoko ri bavo Bulu Karmel.”
Pehuku nu Alatala ka toponturo ri ngata-ngata ri sinjori ngata Israel
Pehuku ka tona ri ngata Damsyik, kota mbaso ri tana Siria
3 TUPU nanguli,
“Mpenggani-ngganimo toDamsyike novia dosa.
Sabana haitu,
kana Kuhuku ira bo domo Kuura pobotusiKu.
Nipandasara mpuu toIsrael ri ngata Gileadf,
kasesera ledo ria kasimbayunag.
4 Sabana haitu,
Kupalabusi pakaupu banua nobente niponturo i Benhadadh,
magaura,
haitumo banua kamagaua nipovia ntuamana i Hazaeli.
5 Kugerosi vamba bente kota Damsyik.
Kupopalai pura toponturo ri Lemba Awenj.
Tona nakuasa ri ngata Bet-Edenk Kupopanau dako ri kakuasana.
Todea tana Siria gahaitu ratavani nu balira bo rapali makavao hau ri ngata Kir.”l
Ivesiamo tesa nTUPU.
Pehuku ka tona ri ngata-ngata ntoFilistin
6 Iveimo tesa nTUPU:
“Mpenggani-ngganimo toponturo ri ngata Gazam novia dosa.
Sabana haitu,
kana Kuhuku ira bo domo Kuura pehukuKu.
Nipobalura todea sangata anu nikuasaira,
najadi batua ntodea tana Edom.n
7 Sabana haitu,
Kupalabusi pakaupu tembo-tembo ngata Gaza
bo bente-bentena.
8 Kupopalai todea bo topomparenta ri ngata Asdod bo ngata Askelono.
Kuhuku ngata Ekronp bo Kuropusi pura-pura toFilistin anu da naboli.”
Vesiamo tesa nTupu ALATALA.
Pehuku ka tona ri ngata Tirus
9 Iveimo tesa nTUPU,
“Mpenggani-ngganimo toponturo ri ngata Tirusq novia dosa.
Sabana haitu,
kana Kuhuku ira bo domo Kuura pehukuKu.
Pura-pura tona ri sangu ngata kodi,
nipobalura ka todea ngata Edom rapajadi batua
bo nilumpaikira pojanji posampesuvu.
10 Sabana haitu,
Kupalabusi tembo anu nombatiku ngata Tirus
bo Kupalabusi pakaupu bente-bentena.”
Pehuku ka tona ri ngata-ngata ntoEdom
11 Iveimo tesa nTUPU:
“Todea ngata-ngata ntoEdomr mpenggani-ngganimo novia dosa,
sabana haitu kana Kuhuku ira bo domo Kuura pehukuKu.
Ledo ria asi matara,
sampe ira nombasuu toIsrael,
sampesuvura mboto.
Ira narau njuu bo nomboli riara.
12 Sabana haitu,
Kupalabusi ngata Teman
bo Kupalabusi pakaupu bente-bente ngata Bozras.”
Pehuku ka tona ri ngata-ngata ntoAmon
13 TUPU nanguli,
“Todea ngata-ngata ntoAmont mpenggani-ngganinamo novia dosa.
Sabana haitu,
kana Kuhuku ira bo domo Kuura pehukuKu.
Tempo ira nosieva mompakaluo ngatara,
nibinggasira tai nu mombine-mombine natiana ri ngata Gilead.u
14 Sabana haitu,
Kupalabusi tembo anu nombatiku ngata mbaso Rabav
bo Kupalabusi pakaupu bente-bentena.
Tempo haitu raepemo kagado nggati mposieva,
bo posieva monindi mpo poiri mbaso.
15 Magaura bo tomaoge-tomaoge riara poparentana rakeni rapali.”
Ivesiamo tesa nTUPU.