Petevai noto i Salomo
15
Pesana naondo mompopoura rau rara ntona.Tapi pesana ante tesa nompakabaka rara, nompopeumba rau rara.
2 Ane tona nanoto pompekirina notesa, nadamba rara ntona mantambai anu nisanira.
Tapi tempo tona nadoyo notesa, ia aga nompopaisani kadoyona.
3 TUPU nompeinta pura-pura anu najadi riumba-umba,
Ia nomparantaika pura-pura tona nadaa bo tona nabelo.
4 Potesa naondo nombatambai dota rara,
tapi tesa mpebagiu nompopoura dota rara.
5 Tona nadoyo ledo nadota nantalingai pepatuduki ntomana,
tapi tona nipokonona pokaingguna nituenaka, ia tona natau nompekiri.
6 Ri banua ntona nabelo nadea mbara-mbara,
tapi kakalumana nikava ntona nadaa aga nompakasusa karona mboto.
7 Tesa-tesa nesuvu dako ri sumba ntona nanoto pompekirina, nompatuduki tona ntanina.
Tapi posumba ntona nadoyo ledo vesia.a
8 Navuu mata nTUPU nanggita pesomba ntona nadaa,
tapi nasana raraNa ane tona nanoa nosambaya nerapi nte Ia.
9 Navuu mata nTUPU nanggita dala nggatuvu ntona nadaa,
tapi nipotoveNa tona nompasimbuku matuvu manoa.
10 Isema nompalaisi dala nggatuvu anu masipato raose, rapandasa,
bo isema ledo nipokonona pokaingguna nituenaka, mamate.
11 TUPU nangisani pura nuapa najadi ri ponturo malaeka ntomate,
nemopa aga rara bo pekiri nu manusia, ledo ria sangua ledo nisaniNa.
12 Topesayu ledo nipokonona nituenaka ntona,
bo ledo muni nadota nerapi pepatotosi dako nte tona nanoto pompekirina.
13 Rara ntona nasana namala nipeinta ri lenjena,
tapi kabuku nu rara nompakaleo rara.
14 Pompekiri ntona nompaha, mombatambai pangisanina,
tapi tona nadoyo aga nabagoka anu ledo ria gunana.
15 Tona nasurukavu, mandasa njuu katuvuna,
tapi tona nasana rarana, nadamba njuu.
16 Mabelopa kita mapakasi tapi meose nte TUPU,
pade kita makalumana tapi makini njuu rarata.
17 Nau ledo marasa pangande, mabelopa mangande ante tona nompotove kita,
pade mangande pangande marasa ante tona nompovuu mata kita.
18 Tona nasarau, nompopeumba posinggarau,
tapi toposabara nompoposinggabelo tona.
19 Masusa mpuu dala nggatuvu ntona namau,
tapi dala nggatuvu ntona nanoa, masanab.
20 Ngana nanoto pompekirina nompakasana rara ntotuana,
tapi ngana nadoyo ledo nombabila tina tuamana.
21 Tona anu ledo ria noto mpekirina nompokono pokainggu nadoyo,
tapi dala nggatuvu ntona nanoto pekirina, nanoa.
22 Nia ledo madupa ane ledo ria katau nombatimba,
tapi ane madea topepatotosi, nia kana madupa.
23 Masana rara ntona ane pesana niulina nakana,
melabipa vai ane pesana haitu raulina ri tempona.
24 Tona naria noto mpekirina mangoseaka dala nggatuvu masana, bo mandoe umurura,
ala ira mombakavaosi ponturo malaeka ntomate.
25 TUPU mompakagero banua ntomaoge anu nompandasa tona ntanina,
tapi Ia mombajagai tana bagia nu timbala.
26 Nia ntona nadaa nipovuu mata nTUPU,
tapi tesa nabelo nompakasana raraNa.
27 Tona nangelo kauntu ante dala ledo nabelo, nompakagado ponjambokona,
tapi tona ledo nompokono doi mate, masana katuvuna.
28 Tona nabelo, nompekiri mpakabelo ntani ruru pade nesana,
tapi posumba ntona nadaa, nombasovadaka tesa nadaa.
29 TUPU nombakavaosi tona nadaa,
tapi posambaya ntona nabelo, niepeNa.
30 Polenje nasana nompakadamba rara,
bo kareba nabelo nompakasana rarac.
31 Ane komiu mompetalingai petuenaka anu mompakabelo pokainggu riara nggatuvumiu,
komiu majadi tona nanoto nompekiri.
32 Isema ledo nomparantaika pepatuduki, nompakasusa karona mboto,
tapi isema nombatalingai petuenaka, manggava noto mpekiri.
33 Ane komiu meose nte TUPU, komiu manggava noto dako nte Ia.
Ane komiu madota rabila, pakaedemo raramiu.