5
1 Kubuno na sankoga munene na sankoga munene asombwedwe munkatini mwa bantu, nu abikilwe ku kabamba ka bantu mu mulimo wa Kalaga, buno akasane nkaso nu bisansa ku kabamba ka bwagi, 2 anavwama kwikalila babo beteizi nu bazimina, kubuno nu We wenyene eli na mutambo. 3 Nu ku kabamba ka wozo mutambo, atunganana kukasana bisansa ku bwagi bwage wenyene, anga bwakukita ku bwagi bwa bango bantu. 4 Nu takuli muntu wampa ukwikasa lwanzo luluno wenyene, ndi ntamanwa na Kalaga, anga bwabezaga Haruni. 5 Nu Kristo tondo nteikasile lutanuno wenyene buno abikwe Sankoga Munene, tondo abumonine ku wozo wamubwide bunee:
“Uli Mwana wane,
Nakubuta lelo.” a
6 Anga bwakutenda lingo mu kingo kiziki bunee:
“Uli Sankoga utanakuzinda,
Ku lukita lwa Melkisedeki.” b
7 We, mu bindi bya kalamo kage, asegile na komanizia nu kulila nunse na bisozi ku wozo unavwama kumwonia ku lukuo, nu ungwilidwe ku kabamba ka kwanza kwage. 8 Aba gaabezaga mwana, eigile kwanza ku bitondo byababazizibwe nabyo, 9 nu We, gaasilile kusililizibwa, abede ikungilo lya lonio lutanakuzinda ku bantu bansania bakumwanza, 10 nu Kalaga amutekwide kuba Sankoga Munene ku lukita lwa Melkisedeki.
Idangazi na Kusiga Bukatizio
11 Tuli na bitondo byingi bya kutenda ku kabamba kage, nu bitondo bibibu kwisula, kubuno tamukuziga kungwa. 12 Kubuno, kutukila wakalazi mwatunganenne kuba basozi, tondo mukwiyanina lingo buno mwigisibwe na muntu bitondo bitangi bya meigisia m'idagi lya Kalaga, nu inyuwe muki mwiyanina mabele, tondo t'idia ibibu. 13 Kubuno na muntu na muntu na ukunua mabele nti nteizi nunse idagi lisanana, kubuno eli mwana muto. 14 Tondo idia ibibu lili lya bantu bakulu banene, nu mu kukita kwabo beli na makengelo ma kumenyinina buli busoga nu buli bubi.