Lonio Lunene Nunse
2
1 Ku bubuno twatunganana kwitila nunse kuyanga bitondo bitungule kubyo, tunavwa kutingwa nabyo. 2 Kubuno ndi idagi lyatendilwe na banzelo lyabede na bukuti bwage, nu ndi bwagi bunsania nu lunano na lunano byabede na lukalilo lwa lusungio. 3 Buni butunabembuka lusungio ndi tatwalanga lonio lunene nunse anga luluno. Lonio luluno lwasambedwe tanga na Mukota, lwakokomekilwe kweitu na babo bongule kweli. 4 Kalaga akasizie bulongeki bwabo ku tulolesio. Nu ku migeleko nu ku miganogano za nkita na nkita, nu ku nkaso za Muuza Wasililila zalonganizibwe anga kusombola kwage. Wozo Ukusondelezia Bantu ku Lonio
5 Kubuno, ta kunsi kwa banzelo u kwabikile Kalaga kisi kikavwa, u kikyo kitukutenda kukyo. 6 Tondo muntu umozi asambede bulongeki bubuno ku kiziki kimozi bunee:
“Muntu eli nazi, buno unamukengela?
Aaba mwana wa muntu buno umukunge?
7 Wamusigulizizie ku nkungu nkeke kunsi
kwa banzelo,
Wamuvwalikizie nkumbu za lutanuno nu lwanzo.
8 Wabikile bintu binsania kunsi kwa magulu mage.” a
Kubuno kukubika “bintu binsania kunsi kwage,” Kalaga ntasigile kampa kaatangatile nunse, tondo kano kaluma tatumona binsania byabikwa kunsi kwage. 9 Twamona ku Yesu wasigulizizibwe ku nkungu nkeke kunsi kwa banzelo nu kano kaluma avwalikibwa nkumbu za lutanuno nu za lwanzo ku kabamba ka lukuo lwababede kulo buno ku mponga za Kalaga asonde lukuo ku kabamba ka bantu bansania. 10 Kubuno bwatunganenne buno wozo, ku kabamba kage nu kweli bintu binsania bili, watundile kulusia bana beingi ku lutanuno, musondelezia munene wa lonio lwabo asakikwe ku kusililila mu mbabazio.
11 Kubuno wozo ukusililizia nu babo basililizibwa batuka bansania ku umozi. Ku bubuno Yesu nteli na nsoni kubamana buno mibuto, 12 gaakutenda bunee:
“Nasambale izina lyobe ku mibuto zane,
Nakwimbile nu kukuganuna mu musanganano.” b
13 Nu lingo: “Nikasane kuguli.” c Nu lingo: “Nne nili gano na bana bankasile Kalaga.”
+ \fr 2:13 \ft Isa. 8:18
14 Umpanga, kubuno bana beli na mikila nu mubili, ububo We wenyene tondo abeli nabyo, buno ku lukuo azikye wozo wabezaga na magala ma lukuo, u diabolo Satana. 15 Ububo akukandula babo bansania babezaga mu bukobe, ku tulamo twabo tunsania ku kitondo kukua lukuo boba. 16 Kubuno lebelebe ntavule kukasia banzelo, tondo kibuti kya Abrahamu. 17 Ububo bwamutunganenne asusanibwe na mibuto zage mu bitondo binsania buno abe sankoga munene mwiya kyombo nu mukatizia mu mulimo wa Kalaga, nu buno akite ikulumanino ku bwagi bwa bantu. 18 Kubuno, ku kuba asungizibwe wenyene nu alindikilwe, anavwama kukasia babo bakulindikwa.