BAEBRANIA
Kalaga Akutenda mu Mwana Wage
1
1 Wakalazi, Kalaga atendile mambizi meingi nu mu nkita ningi, na batateiswe mu nzila za balengania, 2 tondo Kalaga, mu bindi bibino bizinda, atendile n'iswe mu Mwana wage; waabikile mupieni wa bintu binsania; nu mweli abumbile kisi. 3 Mwana eli kyengi kya lutanuno lwage mu kisusania kya bweli wenyene, nu akulindia bintu binsania ku magala m'idagi lyage. Asugile bwagi nu eikede ku kuboko kwa seidume kwa bukota bunene mu biziki bya mwigulu. Mwana Eli Munene Kutinga Banzelo
4 Abede munene nunse kutinga banzelo kubuno izina lyapienine lyatinga nunse lyabo. 5 Kubuno ku mwanzelo mukizi kwatendile Kalaga bunee:
“Uli Mwana wane,
Nakubuta lelo?” a
Nu lingo bunee:
“Nabe kweli Isi, nu abe kundi Mwana?” b
6 Nu lingo, geingizizie nkula zage mu kisi, abwide bunee:
“Banzelo bansania ba Kalaga bamukumbamine.” c
7 Kwitila lingo, abwide ku kabamba ka banzelo bunee:
“Kalaga akukita banzelo bage myuza,
nu bakiti bage ngulumina za keiya.” d
8 Tondo atendile ku Mwana wage bunee:
“Kisumbi kyobe kya bukota, ee, Kalaga, takinakuzinda.
Musumbo wa bukota bwobe uli musumbo wisanana.
9 Watundile bwisanana, nu wasombile bubi;
ku bubuno, ee, Kalaga,
Kalaga wobe akubongezie mwambo wa mbogimbogi
kutinga banyobe.” e
10 Nu atendile lingo bunee:
“Uwe, Mukota, mu kulinga wabumbile kisi,
nu meigulu meli mulimo wa maboko mobe.
11 Bibino binsania byazike, tondo uwe wasigale;
Bikakunguka binsania anga nsulu za mukungio,
12 Ukabigonda anga nsulu nu bikagalukibwa,
tondo uwe ukusigala bubo kankanka, nu myaka zobe tazikazinda.” f
13 Nu ku mwanzelo mukizi kwatendile bunee:
“Ikala ku kuboko kwane kwa seidume aaba nu
ganakite beiti bobe kinyantilo kya magulu mobe?” g
14 Ndi banzelo bansania tabeli myuza zikukitila Kalaga basingilwe ku kukita ku kabamba ka babo batunganana kupiena lonio?