Meigisia ma Bulili
2
1 Tondo uwe, igisia bitondo byalingimana na meigisia masoga. 2 Tenda bakungu ba bamulume buno batunganana kuba bantu bola, bantu bakukaswa lwanzo, bantu ba menge, bantu basililila mu bukatizio, mu lutundo nu mu nkiki. 3 Tenda ku bakungu ba bakikulu batunganana kuba na mwendezi wasililila, tababe bakandiki, nu tababe nunse banuzi ba maku; buno batunganana kwigisia meigisia masoga, 4 buno beigisie bakikulu beki bakinga kutunda beiba babo nu bana babo, 5 babe bantu ba menge, nu bantu baswagibwa nunse, bakiti ba milimo mu numba zabo, babe basoga, bakwisigulizia ku beiba babo, buno idagi lya Kalaga talilingwe.
6 Ububo, ana basikila buno babe na menge, 7 ku binsania idolesie uwenyene buno uli kalolesio ka misako misoga, mu meigisia mobe, igisia bulili na moki mabota, 8 ba na mutendezi musoga, uteli na lukumu lubi, buno wozo mwiti akue na nsoni, ntabe na kitondo kibi kya kutenda ku kabamba keitu.
9 Ana bakobe buno beisigulizie ku bakota babo, nu kubatananizia ku bitondo binsania, tababe beiya myango, 10 tabeibe kampa, tondo balolesie bukatizio busoga bindi binsania, buno balebye meigisia ma Kalaga Monia weitu mu bitondo binsania.
11 Kubuno mponga za Kalaga zikulusia lonio ku bantu bansania, 12 zikwigisia kusiga bubi nu ntundo mbi za kisi, nu kulama mu menge, nu kwisanana, nu mu kwanza Kalaga mu nkiko za bino bindi, 13 mu kulindila kilemanizio kya mbogimbogi, u kumoneka kwa lutanuno lwa Kalaga weitu munene nu Monia weitu Yesu Kristo. 14 Eikasenne wenyene ku kabamba keitu buno atukulule ku bubi bunsania nu kwengia bantu buno babe bage We wenyene, nu beli na komanizia nunse ku makitilo masoga.
15 Igisia bitondo bibino, ana, nu zugila na bwangato bunsania. Muntu wampa ntakubenge.