Misako za BuKristo
3
1 Kengelezia bantu buno beisigulizie ku bangati nu ku bakota nu kubanza, nu kuba kayikayika ku mulimo na mulimo musoga, 2 tabalinge muntu wampa, babe bantu ba bubobelelo, babe bantu bola, nu babe na lwanzo ku bantu bansania. 3 Kubuno nu iswe tondo, twabezaga bikongolo wakalazi, tatwabezaga na lwanzo, bazimizi, twakitaga nunse misako za ntundo mbi za kisi nu za mbogimbogi zitakulungana ku nkita na nkita, twalamine mu bwagi nu lugi, nu twasombanaga bweitubweitu. 4 Tondo gamonekile busoga bwa Kalaga Monia weitu nu lutundo lwage ku bantu, 5 atonezie, ta ku kabamba ka makitilo ma kwisanana matwakitile, tondo ku kyombo kyage, ku kogibwa kwa kubutwa lingo limbizi lya mabili, nu kukitwa bato na Muuza Wasililila, 6 Wozo wabalanganizie Kalaga kutuli mu Yesu Kristo, Monia weitu, 7 buno tukuganzwa beisanana mu mponga zage, tube bapieni mu kilemanizio kya kalamo katanakuzinda. 8 Kitondo kikino kili kya kukatizibwa, nu nkutunda buno ukokomezie bitondo bibyo buno babo bakatizizie Kalaga bakengele kankanka kukita milimo misoga. Bitondo bibino bili bisoga nu bili na mutali ku bantu. 9 Tondo bembuka mbuzio za bukongolo, bitondo bya bibuti, nu nsake, nu myango ku kabamba ka milembe; kubuno tabili na mutali nu bili bya buliabulia. 10 Muntu wa meigisia mabi, kumbusa kwa kumusungula litangi nu lya mabili, ndi ntongwa, nti widekanukya nage; 11 menya buno muntu wa lukita luluno alubikana nu akukita bwagi, nu nti akwisungia we wenyene. Makakizio Mazinda
12 Nkungu zinakusingile Artema aba Tikiko, sasia nunse kuvwa kunsanga ku Nikopoli; kubuno kuko u kunakengede kwikala ku nkungu za mpego. 13 Kasia Zenasi, musozi wa milembe, nu Apolo, ku lugendo lwabo, buno tabeide kena. 14 Bantu beitu nubo batunganana kwiga kukita milimo misoga kankanka ku kukasia meiyanino mabo, buno banavwa kwida mutali. 15 Bansania beli gamozi na nne bakusambizia. Watusambizia na babo batutunda mu bukatizio. Mponga zibe gamozi n'inyuwe bansania!