2
1 Tondo nnenyene nakengede buno nsyavwe kumuli lingo mu kabebe. 2 Kubuno ndi namwitia na kabebe, umpanga nazi wambogiembogie ndi ta wozo u nitizie na kabebe? 3 Nu nne namusanzide kitondo kikino, ndi navwa, nsitwe na kabebe na babo bakulungana kumbogiambogia; nkumulemanina inyuwe bansania, buno mbogimbogi zane u zeinyu inyuwe bansania. 4 Kubuno mu tubebe twingi nu kyombo kya mutima namusanzide na bisozi; ta buno nimwitie na kabebe, tondo buno muvwame kumenya lutundo lwane lunili nalo nunse kumuli. Paulo Akutunda Bakorinto Basigilile Mwagi wa Mubeli ku
Kitondo kya Bwagi Bwage.
5 Ndi muntu umozi eitia ungo na kabebe, nti ntaneitia nne nnenyene na kabebe, tondo inyuwe mubansania, ku bimozi tugu, tondo tamulengelelwe. 6 Nsungio zasungizibwe wozo muntu na beingi kumuli zakuka kweli, 7 aba ta buno kano kaluma anga bwabezaga, tondo neibineibi kumusigilila nu kumubobelezia buno anavwa kukua na kabebe kanene nunse. 8 Ku bubuno nkumusega nunse buno mumulolesie lutundo. 9 Kubuno nasanzile bubuno, buno nimenyinine ndi inyuwe mwanza mu bitondo binsania. 10 Tondo ndi mwasigilila muntu ku kitondo kinsania nu nne nti namusigilile kubuno ndi nasigilide muntu ku kitondo kinsania, nti namusigilide ku kabamba keinyu mu Kristo; 11 Satana anavwa kutukinda; kubuno iswe tukusongolola menge mage.
Paulo Eli na Kabebe mu Mulimo Wage
12 Umpanga ganabasile ku Troa ku kitondo kya Musagu Musoga wa Kristo, Mukota Kalaga anigulide lwibi, 13 nsyabogilebogile, kubuno nsyamonine ku Tito mubuto wane; ububo nabalagile nu natukile kwenda ku Makedonia.
14 Tondo Kalaga aganunwe, ukutusondelezagia bindi binsania ku kukinda mu Kristo, nu tukugaga nsunu nsoga za kumumenya ku kiziki na kiziki kituli mukyo. 15 Kubuno iswe tuli nsunu nsoga za Kristo ku Kalaga, ku babo bakonibagwa nu ku babo bakuziminaga; 16 ku bamozi, tuli iyugo lya lukuo likulusagia lukuo; nu ku bango tuli na nsunu za kalamo likulusagia kalamo. Nu nazi wakulungana ku bitondo bibino? 17 Kubuno tatukubigia idagi lya Kalaga anga bukukita beingi; tondo anga bantu ba bulili, anga basingwa ba Kalaga, u butukutenda mu Kristo lwabusio lwa Kalaga.