Lutundo
13
1 Ndi nkutenda ku mitendezi za bantu nu za banzelo, tondo ndi nsili na lutundo, nti nili anga nsubi zikuzumana aba mikoko zikuzumana. 2 Nu ndi nili na lukaso lwa bulengania, nu kumenyinina twinda tunsania nu bumenyinino bunsania; nu ndi nili na bukatizio bunsania, aba nu kwigia miduko, nu ndi nsili na lutundo, nti nili buliabulia. 3 Nu ndi nabeganizia bazambi bikulo byane binsania; aba ndi nakasana mubili wane buno ugisibwe, tondo ndi nsili na lutundo, nti nsili na mutali. 4 Lutundo lukwikalila nunse, luli na mponga; lutundo taluli na lugi; lutundo talukwikaka, talukwikotia, 5 talukwida kuba na lwanzo, talukulonda bitondo byage wenyene; talukusasia kongoa, talukukengela bubi; 6 talukubogaboga na buteisanana, tondo lukubogaboga na bulili; 7 lukusigilila binsania, lukukatizia binsania; lukulemanina binsania, lukwikalila binsania.
8 Lutundo talukukokoka nunse; tondo ndi kuli bulengania, nti bukatikibwa; ndi kuli mitendezi, nti zikasila; ndi kuli bumenyinino, nti bukatikibwa. 9 Kubuno tukumenya kyindi tugu, nu tukulengania kyindi; 10 tondo gakavwa bubo bwasililila, bubo buli kyindi nti bukatikibwa.
11 Ganabezaga mwana, natendaga anga mwana, nakengelaga anga mwana; tondo ganabede mukulu munene, nasigile bitondo bya bwana. 12 Kubuno kano kaluma tukumona ku kiyolo, ku lukita lwa kisusania; tondo ku zezo nkungu tukamonana meiso ku meiso; Kano kaluma nkumenyinina kyindi; tondo nkungu zezo nkamenyinina nunse anga bunkumenyininwa nu nne.
13 Tondo kano kaluma, kwasigala bibino bitondo bisatu: bukatizio, kilemanizio, lutundo, nu kili kinene mu bibino bitondo, u lutundo.