Kigondi kya mukanda kyalenga
5
1 Nalolile lingo nu namonine kigondi kya mukanda kyalengaga mu mpelela. 2 Nu ambuzizie bunee: “Kikizi kyukumonako?” Namwakwide bunee: “Namona ku kigondi kya mukanda kyalenga mu mpelela, bulazi bwakyo buli mabusu makumi mabili, nu bungulu bwakyo mabusu ikumi. a ”
3 Nu ambwide bunee: “Kikino kili kiswililo kikwenda ku kisi kinsania; kubuno anga bwasanzilwe ku ntungo emozi bansania bakwiba bapumbibwe ku kisi kyage; nu anga bwasanzilwe ku engo ntungo bansania bakulumbila buza bapumbibwe ku kiziki kyage. 4 Yehowa, Mwiya Mayombo atenda bunee: ‘Nakisinge, nu kingile mu numba za mwibi, nu mu numba za ukulumbila buza mu izina lyane, nu kusigala mu numba zabo nu kuzigisia gamozi na mbavu nu makozi mazo.’”
5 Lingo mwanzelo wantendaga ambwide bunee: “Lola ku kikyo kikubasa.”
6 Nabuzizie bunee: “Kikizi kikyo?”
Anakwide bunee: “Luluno luwamonako luli luzi lwa kulindika. b ” Nu atendile lingo bunee: “Lulo luli kalolesio ka misako za bantu ba mu kisi kinsania.”
7 Nu kyuki kyalo kya risasi kyatikibwa, nu mulo mwabezaga mukikulu. 8 Ambwide bunee: “Wono eli Bwagi.” nu amusindikile lingo mu luzi nu abikile kyuki kya risasi gantata galo.
9 Nu nalambwide lingo meiso, nu namonine bakikulu babili, nu lumpumpu lukupupa byupi byabo; babezaga na byupi anga bya kazoni, nu balengile na luzi mu mpelela.
10 Nu nabuzizie mwanzelo watendaga na nne bunee: “Babano bakwenda kuni na luzi?”
11 Ambwide bunee: “Kulobakila numba mu kisi kya Sinari; nu nkungu zizatozibwa, lulo luzi lwabikwe ku kiziki kyalo.”