Yona asega ku Yehowa
“Ku kabamba ka kabebe kane kanene nalilile ku Yehowa nu anakwide. Nalilile mu kiziki kya lukuo nu ongwilide iyuki lyane. 3 Kubuno wanisile mu iziba lya kitatenge, mu kasinga kakyo, nu mazi mankokezie. Bimpumi byobe binsania nu mwiyalo wobe unsania wansulukile. 4 Natendile bunee: ‘Napumbizibwe bulazi na meiso mobe, ee Yehowa, tondo namone lingo ku kiziki kyobe kyasililila.’
5 Mazi mantimbile bwigi na kukua mu iziba nu bisugu bya mu luuzi byankatile ku itoe. 6 Nagelile kunsi kwikoma miduko za kitatenge nu kisi kyantimbile anga kikando kya milyalya, tondo wantikizye kalamo kane ku iziba, ee Yehowa, Kalaga wane.
7 Gansilide makengelo nakengede Yehowa; nu masego mane mabasile kuguli mu kiziki kyobe kyasililila. 8 Babo bakukumbamina tulaga twa bulia bakwibilila mponga za Kalaga. 9 Tondo nkakukasa kisansa kya lwimbo lwa kubogaboga. Nkazindilizia bubo bunalumbide. Lonio lukutuka ku Yehowa.”
10 Nu Yehowa akakizizie kyena, nu kyasalile Yona ga muse.