Israeli azugilwa
4
1 Ungwililazi iyuki lilino, inyuwe mabuti ma ngombe za Basani, meli mu miduko za Samaria. Beinyuwe bakikulu bakusungia bazambi nu kusigisa beiyanizi na magulu; nu mukutenda ku beiba beinyu bunee: “Lusiazi bya kunua, tunuazi.” 2 Yehowa, Mwiya Bwangato Bunsania alumbide mu kusililila kwage bunee: “Lebelebe bindi byavwe kumuli gamwabulutwe n'igobo, nu bana beinyu bakalobwa na tulobo tunene. 3 Mwatinge mu biziki bya bitutu byakamuka, muntu na muntu mu nzila lwabusio lwage, nu mwiyise inyuwe mubenyene mu Harmoni.” Bubo u bukutenda Yehowa. 4 “Endazi ku Beteli kwagila ko, endazi ku Gilgali nu kwitila kwaga. Kasanazi tuyulo tweinyu nindunindu na nindunindu, nu byindi byeinyu by'ikumi na mwaka w'isatu na mwaka w'isatu. 5 Gisiazi kayulo keinyu ka kubogiabogia na kampampa kagagibwa. Sambala tuyulo twa lutundo nu kumenyesia bantu kuto; kubuno mukutunda kukita bubo inyuwe bantu ba Israeli,” u bukutenda Yehowa, Mwiya Bwangato Bunsania.
6 “Namukasile nda zili bwasi
+ KiEbrania kili, “meinyo menga” aba “meinyo meteli na nsese,” bwisulilwa buli buno tababede n'idia lya kulia.\f* mu mwino na mwino weinyu aba nu buno mukwida idia mu biziki byeinyu binsania, tondo tamwasubizie kundi,” u bukutenda Yehowa.
7 “Nakandile mbula buno taziloke ku myezi isatu aaba nu ku matubulo. Nazilokezye ku mwino umozi, nu nsyazilokezye ku ungo. Nalokezye mbula mu isoa limozi, nu mu lingo tamwalokile mbula, ububo lyakamine. 8 Bantu ba miino ibili aba isatu bendile ku ungo mwino kunua mazi, tondo tabakalile mpusia, nu tamwasubizie kundi,” u bukutenda Yehowa.
9 “Nitile masoa meinyu na muzuzo mukali, nu masoa meinyu momine nu magide. Mande malide miti za biguma nu za makiti, tondo tamwasubizie kundi,” u bukutenda Yehowa.
10 “Namulusizizie lusambo lukali anga lulo lwa Misri, nu nitile mitoka zeinyu na mwene wa nganda. Nu farasi zeinyu zanyagilwe, nu iyugo ibi lya malo meinyu lyazibile myembe zeinyu, tondo tamwasubizie kundi,” u bukutenda Yehowa.
11 “Nazikizye bamozi kumuli, anga bwazikizye Yehowa Sodoma nu Gomora, nu mwabede anga kamekemeke kyatikibwa ga keiya, tondo tamwasubizie kundi,” u bukutenda Yehowa.
12 “Ku kabamba kako, ee Israeli, nkakukitila bubo, ba kayikayika kwemana lwabusio lwa Kalaga weinyu, ee Israeli.”
13 Kubuno Yehowa u wozo wabumbile miduko nu kupupia lumpumpu, nu kusambalila bantu makengelo mage, wozo ukugalukya kyengi kuba kapilo, nu kutabanga gantata biziki byasakama bya kisi. Kalaga Yehowa, Mwiya Mayombo, u izina lyage.