Kwigonga kwa baIsraeli.
6
1 Vwazi tusubye ku Yehowa. Atubangile, nu We atonie; atwitile byulu nu We atukande byulu byeitu. 2 Kumbusa kwa bindi bibili atuyukye; ku kindi kya bisatu atuzanzukye nu twalame lwabusio lwage. 3 Tukokomeziazi kumenya Yehowa. Kuvwa kwage kukaba lebelebe anga bukuvwaga kisongo kya busi; akavwa kutuli anga bukulokaga mbula ntangi za kilimo zikununia nsi. 4 Yehowa akubuzia bunee: “Nikukite buni, ee Efuraimu? Nikukite buni, ee Yuda? Lutundo lwobe luli anga lutundutundu, nu anga mame makukama lukesikesi. 5 Ububo nkubasesasesa byindi byindi na moki ma balengania; nkabeita na moki ma kanua kane; nu lusungio lwane lukasana anga kyengi. 6 Kubuno nkutunda kyombo kutinga tuyulo, nu kumenya Kalaga kutinga bisansa byagisibwa.
7 Beitile idagano anga bwitile Adamu idagano; u gago bambelede baguni. 8 Gileadi uli mwino wa bakiti ba bubi, wabigibwa na mikila. 9 Nu anga bukukobela kibombo kya banyagi bantu, u bubo bukukita bibombo bya basankoga. Bakwita bantu mu nzila za Sekemu; lebelebe bakukita bwagi. 10 Namonine ku kitondo kibi nunse mu numba za Israeli; baEfuraimu bakita butazi nu baIsraeli beibigia.
11 Kuguli nu uwe, Yuda, kwabikwa matubulo kayikayika, gankasubya bukobe bwa bantu bane.”