YEREMIA 45

Musagu kuli Baruku

1 Lilino u iyuki lyatendile mulengania Yeremia ku Baruku, mwana wa Neria, mu mwaka w'inazi wa Yoyakimu, mwana wa Yosia, kumbusa kwa kusila kusanza bitondo binsania byatukaga ku kanua ka Yeremia, ku kigondi kya mukanda, kutenda bunee: 2 “Ee Baruku,Yehowa, Kalaga wa Israeli akukubula bunee: 3 ‘Watendile, “Kabebe kundi! kubuno Yehowa atalikide kabebe ku mbabazio zane. Nakutwa na kutonga kwane, aba nsili na bubobelelo.”’”

4 Yehowa ambwide bunee: “Mutende buno bubuno u bwatenda Yehowa bunee: ‘Bitondo binabikile nabitikye, nu bitondo binalindizie nabisambule mu kisi kinsania. 5 Tondo uwe, ndi ukwidondela bitondo binene? Ntubilonde, kubuno nalusie nsungio ku bansania beli na kalamo;’ u bukutenda Yehowa, ‘tondo nalange kalamo kobe kunsania kuwende.’”