Lusungio luzinda.
24
1 Lola Yehowa akubigia kisi akukikita kuba bulia, akukigalukya nu kubalangania bakwikalaga mukyo. 2 Nu anga buli bantu, bubo u bwabe Sankoga nu mukota, anga buli mukiti bubo u bwabe lukita lwa mukota, anga buli lukita lwa mukiti mukikulu, bubo u bwabe lukita lwa mukazi mukikulu, anga buli lukita lwage ukukunza bubo u bwabe lukita lwa ukukunzia, anga buli lukita lwage ukukasana nsombi bubo u bwabe lukita lwage ukukata nsombi, anga buli lukita lwa ukukasana nsombi za mutali bubo u bwabe lukita lwage ukukaswa nsombi za mutali. 3 Kisi kyabe makindu nunse, nu takyabe mu muntu; u bwatenda Yehowa. 4 Kisi kyabede na kilimo kikali, kwabede kabebe, bangati ba bantu batambile nu beiya lwikotio batambile. 5 Kisi kiyede nsese ku kabamba ka babo bakwikalaga mukyo, kubuno bakagwide mulembe wa Kalaga, bagalukizye makakizio nu kubigia idagano lya milyalya. 6 Ububo kiswililo kikali kyatingile mu kisi kinsania; bantu babede na lukalilo lwa bwagi bwabo, bagisizibwe nu takwasigede beingi.
7 Maku m'ituba masila, mizigi za mizabibu zoma, bantu bansania babezaga na mbogimbogi batambile. 8 Mbogimbogi za moki ma bindanda zasila, moki ma mbogimbogi ma beimbi masila, nu moki ma nzenze masila. 9 Tabanue lingo maku nu kwimba nimbo, maku magaluke lubaba ku bakunua.
10 Mwino wasigede bulia; bansania batinine, numba zigedwe nu tamwingide muntu lingo. 11 Balilide maku mu nzila, nu mbogimbogi zabo insania zagalukile kabebe, nu kyelele kyabo kya mu kisi kyasilile. 12 Mwino wasigala bukindu; lwibi lwagoa nu lwatika bibe bibe. 13 Bubo u bwabe mu kisi kinsania nu munkatini mwa baBilongo, anga nkungu za kutengiatengia kwa muti wa mizeituni mu nkungu za kusongya biguma kumbusa kwa matubulo. 14 Babano balaluke na moki ma mbogimbogi, kutukila ku mutili wa kitatenge baganune Yehowa. 15 Kisi kinsania, ganunazi Yehowa; nu kuzinda kwa kisi, ganunazi izina lya Yehowa, Kalaga wa Israeli mu bisanga bya kitatenge. 16 Kutukila kuzinda kwa kisi tungule ku nimbo, lutanuno kuli Wozo Wisanana!
Tondo natendile bunee: “Nazimina, nazimina; kabebe kundi, babo ba bwengelezi bakukitaga na bwengelezi beli bagabuzi.” 17 Inyuwe bantu ba mu kisi, boba nu muzinga nu itega bikumulindila. 18 Kubuno na muntu ukatina iyuki lya boba akakoloka mu muzinga nu wozo ukatuka mu muzinga akakatwa g'itega, kubuno ikokobula lya mwigulu lili bwasi nu iyango lya kisi lyatengatenga.
19 Kisi kyatika, kisi kyabunguka nunse nu kutengatenga. 20 Kisi kyabungabunga anga munuzi wa maku; kyagoe ku kabamba ka buzitu bwa mibi zakyo nu takyayuke lingo.
21 Mu busi bubo Yehowa akasungia mayombo ma mwigulu, nu bakota ba kisi ga kisi. 22 Bansania bakakundamanibwa gamozi mu muzinga, anga bukukundamanibagwa bakandwa mu kikando, kumbusa kwa bindi byingi bakasungibwa. 23 Mwezi wakisimane anga mikila; kisongo kya busi kine anga nsulu zina, kubuno Yehowa, Mwiya Mayombo, angate na lutanuno lwage, na bakulu bage ku mwiduko Sioni mu Yerusalema.