23
1 Kalolesio ku kabamba ka Tiro. Inyuwe maato manene ma ku Tarsisi, lilazi na kabebe, kubuno Tiro azika nunse, geteli numba emozi zasigala aba g'ibungu. Kutukila kisi kya Kitimu musagu wono wavule kuguli. 2 Inyuwe bakwikalaga mu kisanga, nu inyuwe bakunzia ba ku Sidoni, nu bakusokaga na maato manene mu kitatenge, ikalazi kibibi. 3 Bendile na mbuto za Sihoni nu matubulo ma Nili, u mutali wa Tiro, guli isoko lya ba bilongo.
4 Ee Sidoni, uwe uli na kitatenge anga itinino, kua na nsoni, kubuno kitatenge kyatenda bunee: “Nsyungule ku lubaba aba nsyabutile, nsyalelile basikila nu kukuzia bakinga.” 5 Gabase misagu ku Misri, bamone kabebe gabakungwa ku misagu za ku Tiro. 6 Sokazi aaba nu ku Tarsisi; inyuwe bakwikalaga ku kisanga, lilazi! 7 Wono u mwino weinyu wa mbogimbogi? wabezaga kutukila wakalazi, magulu mage mamwekile kwikala bulazi.
8 Nazi wakalile lwango luluno ku ba ku Tiro? Ndi mwakalile lwango kubika bantu buno babe bakota? nu bakunzia babezaga bana ba bangati nu bakunzia bage beli bantu banene ba kisi. 9 Yehowa, Mwiya Mayombo, u wakalile lwango luluno, aaba nu kubigia lwikotio lwa lutanuno lunsania nu kubotya bantu banene bansania ba kisi. 10 Tinga munkatini mwa kisi kyobe anga luuzi Nili. Ee mukinga wa Tarsisi, nu takuli ibungu lingo. 11 Yehowa alambizie kuboko gantata ga kitatenge nu atengezie makota. Yehowa abikile ikakizio ku Kanana kuzikya matinino mage. 12 Nu We atendile bunee: “Uwe kikumi kyabigizibwe, ntwitile kubogaboga; mukinga wa Sidoni, tina nu wende ku Kitimu aba kuko ntwabogeboge.”
13 Lolazi kisi kya baKaldea, takili na bantu lingo; nu baAsuria bakibikile kiziki kya nyama nkali za mu lubanda; beisakikide mikolo zabo, babigizie numba za bakota bage, nu babigizibwe nunsania.
14 Maato ma Tarsisi, lilazi kubuno itinino lyeinyu lyabigibwa. 15 Mu busi bubo, Tiro akeibililwa myaka makumi mutubakamo, anga bindi bya mukota umozi. Kuzinda kwa myaka makumi mutubakamo Tiro akaba anga lwimbo lwa kitazi: 16 Uwe kitazi, tola nzenze, tabanga mu mwino; uwe wibilidwe, imba busoga, imba nimbo ningi buno uvwame kukengelwa lingo. 17 Kuzinda kwa myaka makumi mutubakamo, Yehowa atabange lingo ku Tiro, tondo mwino wabe na lukalilo lwage, guli mwino gukakita butazi gamozi na makota mansania ma kisi kinsania. 18 Mutali wage nu nkalilo zage zikaba lutanuno lwa Yehowa, tawalangwe isuku, kubuno mutali wage wabe bikulo bya babo beli lwabusio lwa Yehowa, bavwame kulia nu kwikuta nu kuvwala nsulu nsoga nunse.