LWIMBO LWA SOLOMONO.
Mwakali na bakikulu ba ku Yerusalema.
1
1 Lwimbo lusoga ku nimbo insania za Solomono 2 Ammume na kanua kage, kubuno lutundo lwage luli lusoga kutinga maku m'ituba. Ku bubo bakinga bakukutunda. 3 Bulago bwobe buli busoga nunse; izina lyobe lili anga bulago bwasandilwa busoga nunse. Ku bubo bakinga bakukutunda. 4 Mbulute twende gamozi, mukota aneke ku masio mage.
Twabogeboge nu kuba na kyelele nobe, twaganune lutundo lwobe kutinga maku m'ituba.
Ku bulili bakinga bakukutunda.
5 Inyuwe bakinga ba ku Yerusalema, nili wina anga hema za Kedari, anga nsulu za numba za Solomono. 6 Tamundole kubuno nili wina, kubuno musi wangisizie. Babitu bane babutile mmane banongedwe, bambikile mulangi wa masoa mabo ma biguma, nu nsyalangile isoa lyane lya biguma. 7 Uwe mutundwa wane, mbule kuni kuukulisizia lusumba lwobe, kuni kuukulumuzia ku makuluka. Kubuni nibe anga wakukilwa na nsulu ku meiso, bwigi na lusumba lwa banyobe?
8 Uwe mbangilwa kutinga bango bakikulu, ndi ntwizi, iyendele kuyanga byana bya mpene byobe bwigi na hema za balangi ba mikoko.
Musongi nu mwakali.
9 Mutundwa wane, nakulingimania n'ibuti lya farasi munkatini mwa tuyanga twa Farao. 10 Matama mobe meli masoga na malebo, nu ikosi lyobe na busanga. 11 Twakukitile myambalo za olo nu mizigi za feza.
12 Geikede mukota ga meza bulago bwane bugile nsunu nsoga. 13 Mutundwa wane eli kundi anga nsago za bulago zikwikala gasamba mabele mane. 14 Mutundwa wane eli kibombo kya maluba ma hina mu masoa ma biguma bya Engedi.
15 Mutundwa wane, uli mbangilwa, ee, uli mbangilwa nunse. Meiso mobe meli anga ma nkulimba.
16 Mutundwa wane, uli musoga, nu wa kutananizia nunse. Mugu weitu guli n'idangi lya nsamba.
17 Mbavu za numba zeitu zili mierezi, nu mango ma numba zeitu meli miberoshi.