20
1 Mu mwaka wozo, Sargoni mukota wa kisi kya Asuria asingile Tartani, mukota wa bakoloboyo, kwitana na Asidodi nu gaabasile ko agukindile. 2 Mu nkungu zezo, Yehowa abwide Isaya, mwana wa Amozi, bunee: “Ikungule nsulu zobe z'ikunino mu kibunda kyobe nu tikya bisalapata ku magulu mobe.” Nu asigede mundulu. 3 Yehowa abwide bunee: “Anga bwatabangile mukiti wane Isaya mundulu nu magulu bwasi myaka isatu, keli kalolesio ku baMisri nu ku baEtiopia. 4 Ububo mukota wa baAsuria akumune bakandwa baMisri nu baEtiopia, mitoka nu bakungu, mundulu nu magulu bwasi, nu bilumbu byabo bwasi, baMisri bakue na nsoni. 5 Ububo bantu ba kisi kya Yuda bakue boba, nu babe na nsoni ku kabamba ka baEtiopia kilemanizio kyabo nu baMisri lutanuno lwabo. 6 Nu babo bakwikalaga mu mutili wa kisi kikino mu busi bubo bakatenda bunee: ‘Lolazi, bubuno bwabasile ku babo babezaga kilemanizio kyeitu, u babo batwatinine kubo kukasibwa nu konibwa na mukota wa baAsuria. Nu iswe buni butuneiyonia?’”