Bulengania ku Moabu.
15
1 Kalolesio ku baMoabu: Ku buno mu kindi kimozi mwino wa Ari mu kisi kya Moabu, nu Kiri za Moabu zabigibwe nu kuzikibwa! 2 Babakama gantata numba za Diboni buno balile, baMoabu bakulila gantata ga miduko Nebo, nu Medeba balulwa mimpugu nu kubegwa nzelu zabo. 3 Bavwala makunino mu bibunda, nu balilila gantata ga numba zabo nu mu nzila nu babasa bisozi byingi. 4 Mu Hesiboni mukulilwa nu mu Eleale nu idilo lyabo lyungubwa ku Yahazi. Ububo bantu ba Moabu beli na ngabo bakulila, nu mitima zabo zatamba.
5 Mutima wane ukulilila ba Moabu, nu bantu bage bansania batina ku Zoari, nu Egilati-Selisiya, kubuno babakamine mwiduko wa Luhiti n'idilo, mu nzila za Horonaimu, nu kulila bubibu ku kabamba ka kuzika kwabo. 6 Kubuno mazi ma Nimurimu makama, nsamba za miti nu nsolu zoma nu takuli lingo nsamba mbisi. 7 Ububo bikagi byingi bibeimonenne nu bibeibikide, bakubilekela ku kiziki kya luuzi lwa Mierebi. 8 Kubuno idilo lyakuka kisi kya Moabu, idilo lyabo lyabasa ku Eglaimu, aaba nu Beri-Elimu. 9 Kubuno mazi ma luuzi lwa Dimoni maba mikila nunsania, kubuno nabika bimbwe gantata ga bantu bakutuka ku Moabu, nu basigala mu kisi