Luganuno ku Yehowa ku lonio
12
1 Mu busi bubo, nkakusima, ee Yehowa, kubuno aba wabezaga na bongoa kundi, bongoa bwobe bwasilile nu wambibizie. 2 Kalaga eli lonio lwane; nkamulemanina nu nsikakua boba kubuno Kalaga Yehowa wenyene eli magala mane nu lwimbo lwane, nu We abede lonio lwane. 3 Umpanga mwatage mazi na mbogimbogi ku tunuabalongo twa lonio. 4 Mu busi bubo, mukabula bunee: “Ganunazi Yehowa nu lilazi ku izina lyage; sambalilazi baBilongo makitilo mage, kengeleziazi lutanuno lw'izina lyage. 5 Imbilazi Yehowa kubuno akitile bitondo binene, nu bantu bansania ba kisi bamenye bitondo bibino. 6 Inyuwe beikile ku Sayuni, lalukazi na kyelele, kubuno Wasililila wa Israeli eli mwiya bwangato bunene munkatini mweinyu.”