6
1 Ku mwaka wakule mwangati Uzia, namonine Yehowa eikala ga kisumbi kya bukota kyasakama nu mipimbo za nsulu zage zeizazizie numba nnene za kukumbamina. 2 Banzelo bakumanwa maSerafi bemanine bwigi na kisumbi kyage. Serafi na serafi abezaga na byupi mutuba; na bibili akukide meiso mage, na bibili akukide magulu mage, nu na bibili alengile. 3 Nu nawe nawamanine munyage nu babwide bunee: “Wasililila, Wasililila, Wasililila eli Yehowa, Mwiya Mayombo. Kisi kinsania kiyala na lutanuno lwage.” 4 Nu miima za nibi zatengiletengile, ku kabamba k'iyuki lya wozo walalukile, nu numba ziyede na muuki. 5 Nu nkungu zezo nabwide bunee: “Kabebe kundi kubuno nazimina, kubuno milomo zane zili nsese nu nkulama munkatini mwa beli na milomo za nsese, kubuno na meiso mane namonine ku Mwangati, Yehowa, Mwiya Mayombo.”
6 Nu serafi umozi alengile kunabezaga nu abezaga n'ikangania lya keiya mu kuboko kwage, lyatolile na lwenya lwa kyuma ku kayulo. 7 Nu eitubizie nalyo ku milomo zane, nu ambwide bunee: “Lola litubya ku milomo zobe, nu bwagi bwobe bwatukibwa, nu mibi zobe zasigililwa.”
8 Nu nungule lingo iyuki lya Mukota lyambwide bunee: “Nasinge nazi? nu nazi witabizie kutwendela?”
Nu nakwide bunee: “Mukota, nili gano. Nsinge.”
9 Nu atendile bunee: “Enda ku bantu babano nu babule bunee: ‘Kungwa, mungwe nu tamwamenyinine; nu kumona, mwamone nu tamwatitike.’ 10 Limbania mitima za bantu babano zibe mibibu, nu matuzi mabo tamungwe, nu kuziba meiso mabo, buno banakivwa kumona, nu kungwa na matuzi, nu kumenyinina mu mitima zabo, nu kugaluka lingo nu kona.”
11 Nu nabuzizie bunee: “Mukota, aaba nu nkungu nkizi?”
Nu anakwide bunee: “Aaba nu miino zabe geteli muntu, nu kisi kikaba kalula nunse. Aaba nu bantu bapumbibwa bulazi mukyo, nu kubiga kwaba kunene. 12 Nu Yehowa akeimbia bantu bulazi, nu kisi kikasigala makindu meingi. 13 Tondo aba kyindi ky'ikumi kyasigala mukyo kyasungibwe lingo anga bilindi bya muvinje nu mwalo, masina masigala kumbusa kwa kusindwa, ububo mbuto zasililila zabe anga masina mu kisi.”