Lutabi lwa Yehowa.
4
1 Ku busi bubo bakikulu mutubakamo bakakata wamulume umozi. Bakatenda bunee: “Twaliage idia lyeitu, nu kuvwala nsulu zeitu tubenyene, tondo tumanwe tugu mu izina lyobe utikye nsoni zeitu.” 2 Mu busi bubo lutabi lwa Yehowa lukaba lusoga, nu lukaba na lutanuno, nu biguma bya kisi bikaswaga nunse nu kutananizia ku babo ba baIsraeli bonezibwe. 3 Bukaba buno babo basigede mu Sayuni, babo bakwikala mu Yerusalema bakamanwa basililila, u bansania basanzilwe bakwikalaga mu Yerusalema. 4 Mu nkungu zikogia Mukota nsese za bakinga ba Sayuni, nu kusuga mikila za mwino na mutima wa lusungio nu wakuzikya na keiya. 5 Yehowa akakita ga kiziki kya kwikala kya mwiduko wa Sayuni, nu ku misanganano zago, kimpa kya muuki mu musi nu kyengi kya keiya mu kindi; nu gantata ga bansania kwabe lutanuno anga hema. 6 Lutanuno lwabe anga numba za hema zikukasa mpololo mu musi, mu kiziki kya kwibisa nu kya kutinina kutulanga ku kisoa kinene nu mbula.