Musongi akuganuna Mwakali.
4
1 Mutundwa wane, uli mbangilwa, ee, uli mbangilwa; meiso mobe meli mu nsulu zobe meli anga ma nkulimba. Nzwili zobe zili anga lusumba lwa mpene zikubakama ga mwiduko wa Gileadi. 2 Meinyo mobe meli anga kilimba kya mukoko kyaseswa myoza kikutuka ku kiziki kya kogibwa. Zezo insania zikubuta maasa; takuli ukukwilwa na kyana muzo. 3 Milomo zobe zili anga misinge zakisimana; kanua kobe keli kasoga. Luzugu lwobe kumbusa kwa nsulu zobe luli anga kyindi kya komamanga. 4 Ikosi lyobe lyasusanania na numba za kyindo za Davidi zobakilwe kuba kiziki kyakubika ngabo. Muzo mwabikilwe ngabo kanunu, nu insania zili za mapuka. 5 Mabele mobe mabili meli anga byana bya mubale bikulia munkatini mwa maluba ma mpinga. 6 Aaba nu kwida kwa busi, aaba nu gakwenda mpololo nkwenda ku mwiduko wa bulago nu ku nkangamo za bulago. 7 Mutundwa wane, uli mbangilwa nunsania, nu muguli tamuli kisimbwa kimozi. 8 Mukazi wane, vwa na nne kutuka ku Lebanoni, twende kutuka ku ntonga za Amana nu za Seniri nu Hermoni, kutuka ku mikolo za kimbwe, kutuka ku miduko za ngozi. 9 Mukazi wane, mubitu wane, waneka mutima; wankutwide mutima na kibezi kya meiso mobe, nu muzigi umozi wa busanga mu ikosi. 10 Mubitu wane, mukazi wane, lutundo lwobe luli lusoga nunse kutinga maku m'ituba. Nu nsunu za mwambo wobe zatinga bulago bunsania. 11 Mukazi wane, milomo zobe zikubasia buuki! Buuki nu mabele bili kunsi kwa lulami lwobe. Nu nsunu za nsulu zobe zili anga nsunu za Lebanoni. 12 Mukazi wane, mubitu wane, uli anga isoa lyakandwa na mukolo wa makozi, nu anga kanuabalongo kakandilwe. 13 Uli anga ntabi nto zikwasa gansina miti za biguma, zikukolama biguma bisoga nunse, anga hina nu biyikanwa bya minardo, 14 Ee, minardo na kinzani, nu kane nu ndalasini, nu miti insania za bulago, u aliga nu udi nu miti za nsunu insania zili nsoga nunse. 15 Uli anga kanuabalongo ka mu isoa ka mazi masoga menga nunse, nu anga nuuzi zikugela ku Lebanoni. 16 Lumpumpu lukutuka ku lulenge lwa kwikazi, nu lulo lukutuka ku lwa kwidume, pupa; ee, pupa ku isoa lyane, buno libasie nsunu zalyo nu nsunu za mwambo zikwenda kunsania. Mutundwa wane eingile ku isoa lyane, nu alie biguma bisoga byalyo.