Mutali wa bulili nu wa bwagi
12
1 Na wozo witabizia kusungulwa nti akutunda menge, tondo wozo ukusomba kusungulwa eli anga mugazanga. 2 Muntu musoga akumona mponga za Yehowa, tondo Yehowa akasungia wozo uli na makengelo mabi.
3 Muntu ntaneimikwa ku misako za bwagi, tondo mizi za wisanana tazatutumuke.
4 Mukikulu musoga eli lutanuno lw'iba wage, tondo wozo ukukita bya nsoni eli anga makwa mabola.
5 Makengelo ma wisanana nti meli meisanana, tondo nango za bagi zili bwengelezi kankanka.
6 Moki ma babi meli itega lyakukubula mikila, tondo moki ma beisanana mabonie.
7 Babi batikibwa nu tabeliko lingo, tondo numba za wisanana nti zalinde tugu.
8 Muntu aganunwe anga gabelede menge mage, tondo wozo uli na mutima wa nsake kankanka nti abengwe.
9 Wozo ukubengwa nu eli na mukobe atinga wozo ukwiganuna wenyene nu akwida kyalia.
10 Wozo wisanana akukengela kalamo ka bituganwa byage, tondo kyombo kya mubi kili bukali nunse.
11 Wozo ukwidimina isoa nti embuke n'idia, tondo ukuyanga bya buliabulia akwida menge.
12 Mubi akutundaga kulonda byakata babi, tondo mizi za wisanana zikukolamagia biguma.
13 Muntu mubi akukobelagoa mu bitondo bya kutenda, tondo wisanana akwitikya mu nsungio.
14 Ku biguma bya kanua kage muntu nti embuke na bisoga, tondo muntu akaswe lukalilo lwa makitilo mage.
15 Bunsania bukukita kikongolo akukengela buno buli busoga, tondo mwiya menge akungwilila lwango.
16 Bongoa bwa kikongolo bukumenywa mu nkungu zezo, tondo mwiya menge akukukila nsoni.
17 Wozo ukutenda bulili akukita bwisanana, tondo mweki wa buza akwekaga buza kankanka.
18 Wozo ukusasia kutenda geteli kulengania eli anga mwene wa nganda, tondo lulami lwa mwiya menge lukulusia kalamo.
19 Moki ma bulili malinde aaba nu ku nkiko zitanakuzinda, tondo moki ma buza meli tugu nkungu nkeke.
20 Bwengelezi buli mu mitima za babo bakukengelaga bubi, tondo mbogimbogi zili mu mitima za babo bakazi ba nango nsoga.
21 Wozo wisanana ntakaba na kabebe, tondo babo babi bakeiyazibwa bubi kankanka.
22 Yehowa akusomba bitondo bya buza, tondo mbogimbogi zage zili ku babo bakukita bwisanana.
23 Mwiya menge akubisa bumenyinino, tondo mutima wa kikongolo ukulolesagia bukongolo.
24 Maboko ma mwiya komanizia makangata, tondo musosu akaba mukobe.
25 Makengelo ma kabebe mu mutima makubumbutika muntu, tondo moki masoga makumubogiabogia.
26 Wozo wisanana eli musondelezia wa munyage, tondo nzila za babi zikubazimizia.
27 Musosu ntakuyika byakatile mu matega mage, tondo komanizia keli bikulo bisoga bya uli na magala.
28 Mu nzila zisanana muli kalamo, nu muzo tamuli lukuo aba kakeke.