NIMBO
MUKANDA MUTANGI WA NIMBO.
Kwengukana kwa nzila za wisanana na zezo za mwiya bwagi
1
1 Mbogimbogi ku muntu utakwenda mu lwango lwa babi, Aba ntakwenda mu nzila za beiya bwagi,
Aba ntakwikala ga lusu lwa beiya nguza.
2 Tondo akubogaboga mu mulembe wa Yehowa;
Nu akugukengela musi nu kindi.
3 Abe anga muti wayikwa mu ntungo na kitanga,
Nu ukukolama biguma mu nkungu zabyo nu nsamba zago tazikuoma.
Binsania byakukita byabe na mponga.
4 Babi tabeli bubo;
Tondo beli anga mpepa zikulenga na lumpumpu.
5 Ububo babi tababe na bubobelelo ku nkungu za lusungio.
Aba beiya bwagi tabeingile mu musanganano wa beisanana.
6 Kubuno nzila za beisanana zikumenywa na Yehowa,
Tondo nzila za bagi zazimine.