Mukota wa kwigulu angata
2
1 Kubuni baBilongo beli na bongoa, Nu bikanga bya bantu bakukengela bukongolo?
2 Bakota ba kisi beidongeka mulindi
Nu bangati bakala lwango gamozi
Gantata ga Yehowa nu Mubongibwa wage bunee:
3 “Tikyazi bikando byabo,
Nu tulekele mizigi zabo bulazi n'iswe.”
4 Wozo ukwikala kwigulu abaseka;
Nu Mukota abanyega.
5 Kusila atende nabo ku bongoa bwage
Nu kubazangiazangia na lusungio lwage.
6 “Nimikile Mwangati wane
Gantata ga Sayuni mwiduko wane wasililila.”
7 Nasambale mulembe wa Yehowa
Yehowa antendile bunee: “Uli Mwana wane;
Nakubuta lelo.
+ \fr 2:7 \ft Aba, Nakwimika mwana wane lelo.
8 Nsege, nu nakukase baBilongo kuba bwiyani bwobe.
Nu nakukase ntungo za kisi kinsania.
9 Wabasusule na kasusu ka kyuma
Wababungule anga idega lya mubumbi.”
10 Ububo, bakota, mube na menge
Nu, inyuwe ngatu za kisi, mutondwe.
11 Kitilazi Yehowa na boba;
Bogazibogazi nu kugilimina.
12 Ibotyazi ku Mwana buno ntongoe,
nu munavwa kuzika mu nzila,
Kubuno akusasia kongoa.
Mbogimbogi ku babo bakutinina kweli.