Kwengukana kwa beiya menge nu bikongolo.
10
1 Mwana uli na menge akubogagiabogagia isi, tondo mwana kikongolo akwitagia nina na nsoni. 2 Bikulo bya bubi tabikugumagia, tondo bwisanana bukonagia ku lukuo.
3 Yehowa ntanaziga wisanana buno akue na nzala, tondo akutundulaga ntundo za mwiya bwagi bulazi nunse.
4 Wozo ukukita na maboko matamba abe muzambi, tondo wozo ukukita na maboko ma komanizia abe mugumi.
5 Na ukutubula mu nkungu za kilimo eli na menge, tondo wozo ukwiyombeka tulo mu matubulo eli mwana wa nsoni.
6 Mponga zili gantata itoe lya wozo wisanana, tondo kanua ka mwiya bwagi kakukila kabenga.
7 Makengelo ma wozo wisanana makukitagwa mponga, tondo izina lya mubi talyakengelwe.
8 Mwiya menge akusasia kungwa makakizio, tondo mwiya milomo za bukongolo azimine.
9 Wozo ukwenda mu bwisanana akwenda na bubobelelo, tondo wozo ukugalukagaluka amenywe kankanka.
10 Wozo ukusimila meiso akuluta kabebe, tondo mwiya milomo za bukongolo azimine.
11 Kanua ka wisanana keli kanuabalongo ka kalamo, tondo kanua ka mwiya kabenga kakukila kabenga.
12 Lusombo lukubakamizagia nsake, tondo lutundo lukukukilaga mibi insania.
13 Ku milomo za mwiya menge kukutukaga menge, tondo kasusula keli ku mugongo wa wozo uteli na menge.
14 Bantu beli na menge bakubika mbiso za bumenyinino, tondo kanua ka kikongolo kakumuzimizia yiliyili.
15 Bikulo bya mugumi bili mwino wage musoga, tondo kubiga kwa muzambi u buzambi bwage.
16 Lukalilo lwa wisanana u lukulusagia kalamo, tondo mutali wa mubi gukulusagia bubi.
17 Wozo ukulanga meigisia akukita bwisanana, tondo na wozo ukusomba kusungulwa nti akwaga.
18 Wozo ukubisa lusombo nti eli muza, nu na wozo ukukandika nti eli kikongolo.
19 Kutenda kwingi kwingi kukulusagia bwagi, tondo wozo ukulanga milomo zage akukita bwisanana.
20 Lulami lwa wisanana luli anga feza nsoga nunse, mutima wa mwiya bwagi taguli kampa.
21 Kanua ka wisanana kakulisia bantu beingi, tondo bikongolo bikukua kubuno bikwida menge.
22 Mponga za Yehowa zikulusagia bugumi, nu tazatalikile kabebe lingo.
23 Mbogimbogi za kikongolo zili kukita bubi tugu, tondo mbogimbogi za mwiya menge zili kuyanga menge.
24 Kikyo kikukua mwagi boba kikumubasila, tondo busoga bukutunda beisanana bukubabasila.
25 Anga bukutinga kisoa kya kaminongo u bukutinga babi, tondo beisanana beli anga lwanda.
26 Anga buli maku magagibwa ku meinyo, nu muuki ku meiso, bubo u buli muntu musosu ku babo bakumusinga.
27 Kukua Yehowa boba kukutalikila bindi, tondo myaka za mwiya bwagi nti zakokoka.
28 Kilemanizio kya wisanana kili mbogimbogi, tondo kilemanizio kya mwiya bwagi kyazinde.
29 Nzila za Yehowa zili itinino lya magala ku wisanana, tondo kuli buzimizi ku beiya bwagi.
30 Beisanana tabakatikibwa nunse, tondo mwiya bwagi ntakeikala mu kisi.
31 Mu kanua ka mwiya menge mukutukaga bumenyinino, tondo lulami lwa myango lwaseswe.
32 Kutenda kwa wisanana kwizi bubo bunatundwa, tondo mu kanua ka mwagi mukutukaga tugu myango.