Mwiya menge nu kikongolo
9
1 Menge atozia numba zage, nu abazile mango mage mutubakamo. 2 Nu abagile nyama zage, es'asambika maku mage nu anzile meza mage. 3 Asingile bakambi bage, nu akulaluka ku biziki byasakama mu mwino bunee: 4 “Wozo muntu uli kikongolo eingile gano.” Nu ku wozo uteli na menge atende bunee: 5 “Vwa ulie idia lyane, Nu kunua maku manasila kusambika. 6 Siga bukongolo nu walame, nu enda mu nzila za menge.” 7 Wozo ukuzugila mwiya nguza akwidutila kabenga, nu wozo ukusungula mubi nti akwidutila lusombo tugu. 8 Ntusungule mwiya nguza anavwa kukusomba, kungwa wasungula mwiya menge nti akutunde nunse. 9 Kungwa ukwigisia mwiya menge nti abe na menge meingi nunse. Igisia wozo wisanana nu nti itila kuba na bumenyinino.
10 Kukua Yehowa boba u kulinga kwa menge, nu kumenya Wozo Wasililila u bumenyinino.
11 Kubuno kundi u kuli kutalikilwa kwa bindi byobe, nu myaka zobe nti zitile nunsania. 12 Ndi uli na menge, nti meli kuguli uwenyene, nu ndi uli mwiya kabenga, nti kakusungie uwenyene.
13 Mukikulu kyoto eli mwiya kazege, eli kikongolo, nu nteizi kampa. 14 We akwikalaga tugu ga mwingilo wa numba zage, ga kiziki kyasakama mu mwino, 15 buno amane bantu bakutinga, babo bakutinga mu nzila zabo bunee: 16 “Wozo muntu uli kikongolo eingile gano.” Nu wozo uteli na menge wozo mukikulu akutenda bunee: 17 “Mazi ma bwibi makubezaga nse, nu idia lya buzimba likutananizagia.” 18 Tondo kikongolo nti nteizi buno bakuzi beli gago, nu buno bageni bage beli mu nsinda.